ཡུལ་ཤུལ་མྱི་གཡང་གི་ཡིག་གཟུགས་འགྲེམ་སྟོན་ཁང་གཉིས་པ།

བོད་ཀྱི་ཡིག་བྲིས་པ་ཡུལ་ཤུལ་མྱི་གཡང་།

     ཡུལ་ཤུལ་མྱི་གཡང་། ཕོ། མི་རིགས་བོད། ༡༩༨༠ལོའི་ཟླ་༢པའི་ཚེས་༥ཉིན་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་འབྲི་སྟོད་རྫོང་བྲག་དཀར་ཤང་གི་མངའ་ཁོངས་སུ་འཚར་ལོངས་བྱུང་། ༡༩༩༥ལོར་འབྲི་སྟོད་རྫོང་མི་རིགས་སློབ་འབྲིང་ནས་དམའ་གསུམ་འདོན་བཞིན་པའི་སྐབས་སུ་ཁུལ་ཡོངས་ནས་གསུམ་བཟང་སློབ་མའི་མཚན་སྙན་ཐོབ། ༡༩༩༨ལོར་ཡུལ་ཤུལ་ཁུལ་མི་རིགས་དགེ་འོས་སློབ་གླིང་ནས་ལྔ་བཞི་རི་མོའི་བཤམས་སྟོན་དུས་ཆེན་སྟེང་ནས་ཨང་གཉིས་པའི་རི་མོ་བརྩམས་ཆོས་ཀྱི་བྱ་དགའ་ཐོབ། ༡༩༩༩ལོའི་ཟླ་༦་པར་ཡུལ་ཤུལ་ཁུལ་མི་རིགས་དགེ་འོས་སློབ་གླིང་གི་རི་མོ་དང་བོད་ཀྱི་ཡིག་གཟུགས་ཆེད་ལས་འཛིན་གྲྭ་ནས་སློབ་མཐར་ཕྱིན་རྗེས། ལོ་དེའི་སྤྱི་ཟླ་༧པའི་ནང་འབྲི་སྟོད་རྫོང་རིག་གནས་ཁང་དུ་ལས་ཞུགས་གནང་། ཁོ་བོས་ཡུལ་ཤུལ་ཁུལ་མི་རིགས་དགེ་འོས་སློབ་གླིང་གི་རི་མོ་དང་བོད་ཀྱི་ཡིག་གཟུགས་ཆེད་ལས་འཛིན་གྲྭ་ནས་འབྲེལ་ཡོད་ཡིག་གཟུགས་དང་རི་མོ་སྐོར་ལ་སློབ་ཐོན་བྱུང་བ་དང་། ཕྱིས་སུའང་སློབ་སྦྱོང་གི་གོ་རིམ་བར་མ་ཆད་པར་ཤེས་བརྩོན་ཟུང་འབྲེལ་གྱི་ཚུལ་དུ་གནས་པས། ༢༠༡༢ལོར་ཁོ་བོས་བྲིས་པའི་བོད་ཀྱི་ཡིག་གཟུགས་བྲིས་དཔེ་བྲིས་རྩལ་རིག་པའི་སྒོ་འབྱེད་ཅེས་པའི་དེབ་ཆུང་ཅིག་དཔར་སྐྲུན་བྱས་པ་དང་། གཞན་ཡང་། ལོ་རེའི་དགུན་གནང་སྐབས་སུ་ཁོ་བོས་བོད་ཀྱི་ཡིག་གཟུགས་གསོ་སྦྱོང་འཛིན་གྲྭ་བསྡུས་ཏེ་བོད་ཀྱི་ཡིག་གཟུགས་སྒྱུ་རྩལ་ལ་དུངས་ཞེན་ཆེ་བའི་སློབ་མ་གྲངས་མང་ཞིག་བསྐྱེད་བསྲིངས་གནང་བཞིན་ཡོད་ལ། སྤྱི་ལོ་༢༠༡༢ནས་༢༠༡༣བར་འབྲི་སྟོད་རྫོང་མི་ཤུགས་ཐོན་ཁུངས་ཅུའུ་ཡིས་རྩ་འཛུགས་བྱས་པའི་གཙང་གསུམ་ཞིང་འབྲོག་མི་དམངས་ཀྱི་ལག་རྩལ་གསོ་སྦྱོང་འཛིན་གྲྭའི་གདན་ཞུའི་དགེ་རྒན་བྱས་ཏེ། སྡེ་ཁུལ་འབྲོག་དམངས་རྣམས་ལ་ཐང་ག་དང་བོད་ཀྱི་ཡིག་གཟུགས་ལག་ལེན་འབྲི་སྦྱོང་སྐོར་གྱི་ཤེས་བྱ་ཟབ་ཁྲིད་གནང་རྗེས། ཕུལ་བྱུང་དགེ་རྒན་གྱི་གཟེངས་རྟགས་ཐོབ་པ་རེད། སྤྱི་ལོ་༢༠༡༤ལོར་འབྲི་སྟོད་རྫོང་སྒ་སྐྱ་ལོའི་རིག་གནས་དང་རི་མོ་། ཡིག་གཟུགས། པར་ལེན་འགྲན་ཚོགས་བཅས་ཀྱི་ཁྲོད་ནས་བོད་ཀྱི་ཡིག་གཟུགས་དང་རི་མོའི་འགྲན་རྩལ་ཨང་གཉིས་པའི་བྱ་དགའ་ཐོབ་པ་དང་། པར་ལེན་སྒྱུ་རྩལ་ཨང་གསུམ་པའི་བྱ་དགའ་ཐོབ་པ་སོགས་ཡིན་ལ། ད་ལྟ་ལས་དོན་གྱི་བར་གསེང་ནས་འབྲི་སྟོད་རྫོང་སྒ་སྐྱ་ལོའི་རྩོམ་སྒྲིག་ཁུངས་ཀྱི་མཛེས་རིས་ཇུས་འགོད་ཀྱི་ལས་དོན་སྒྲུབ་ཞོར་དུ། འབྲི་སྟོད་ས་གནས་རིག་གནས་ཀྱི་ཁྱད་ཆོས་འབུར་དུ་ཐོན་པའི་མཚོན་རྟགས་སྣ་ཚོགས་ཤིག་ཇུས་འགོད་གནང་བཞིན་ཡོད་པ་དང་། སྤྱི་ལོ་༢༠༡༥ལོར་འབྲི་སྟོད་རྫོང་རྒྱལ་ཡོངས་སྐབས་གཉིས་པའི་སྒ་སྐྱ་ལོའི་རིག་གཞུང་བགྲོ་གླེང་ཚོགས་སྐབས་སྒ་སྐྱ་ལོའི་རིག་གནས་ཕུལ་བྱུང་སློབ་གཉེར་པའི་མཚན་སྙན་གནང་བར་རེད། སྤྱི་ལོ་༢༠༡༤ནས་༢༠༡༥བར་འབྲི་སྟོད་རྫོང་རིག་གནས་ཡུལ་སྐོར་ཀུན་ཁྱབ་བརྙན་འཕྲིན་ལས་ཁུངས་ཀྱི་ཕུལ་བྱུང་ལས་དོན་མི་སྣའི་མཚན་སྙན་གནང་བ་བཅས། མདོར་ན་དུས་ཚོད་སྐར་ཆ་ཙམ་ཡང་བོད་ཀྱི་རིག་གནས་སྤྱི་དང་ལྷག་པར་དུ་ས་གནས་སྒྱུ་རྩལ་རིག་པའི་བསྟན་པ་འཛིན་སྤེལ་བྱེད་པའི་རླབས་ཆེན་གྱི་བྱ་བཞག་ལ་འབད་འབུངས་ལྷོད་མེད་གནང་མུས་སུ་མཆིས་སོ།

藏族书法家义西·尼永个人简介

   义西·尼永，男，藏，1980年2月5日出生于青海省玉树市治多县扎河乡。1995年治多县民族中学就读期间荣获全州“三好学生”称号。1998年在玉树州民族师范学校“五四”绘画展览中绘画作品荣获二等奖。1999年6月毕业于玉树州民族师范学校绘画、藏文书法专业班、1999年7月参加治多县文化馆工作。

   在玉树州民族师范学校绘画、书法专业班期间学习绘画和藏文书法专业，毕业后一直在不断的学习书法和绘画，2012年出版一本藏文书法书《书法启蒙》，同时每年寒假期间免费组织藏文书法培训班，2012年与2013年治多县人事局组织三江源农牧民技能培训，当时给社区农牧民培训绘画（唐卡）和藏文书法，被评为“优秀教师”称号。2014年治多县嘎嘉洛文化书画摄影大赛中荣获藏文书法二等奖、绘画二等奖、摄影三等奖。

   另外在平时工作的同时给治多县长江源嘎嘉洛文化研究中心《嘎嘉洛》文化报刊美编工作，平时设计各种图标，比如“嘎嘉洛”、“治多旅游”、“全民健身运动会”以及《嘎嘉洛婚庆大典》宣传图和海报图。2015年治多县第二届全国“嘎嘉洛文化”学术研讨会期间被授予“嘎嘉洛文化优秀学者”称号。2014年与2015年在单位里被评为“优秀工作者”称号。

ཁོང་གི་བརྩམས་ཆོས་ལ་་ལོ་འདི་འགའི་ནང་ཐོབ་པའི་གཟེངས་རྟགས།