གསར་འགྱུར།新闻中心སྤྱི་བསྒྲགས།公告ས་ཁུལ་འགྲེམ་སྟོན་ཁང་།地区展厅ཐུན་མོང་འགྲེམ་སྟོན་ཁང་།集体展厅ཆེད་མཁས།书坛名家ཡིག་མཁན།书坛达人ཡིག་བྲིས་པ།书坛新秀གངས་ལྗོངས་བུ་མོའི་ཡིག་གཟུགས།雪域女性展厅སློབ་རའི་འགྲེམ་སྟོན་ཁང་།校园展厅འགྲན་ཞུགས་ཁང་།参赛厅གནའ་དཔེ་ཉར་ཚགས།古籍收藏ཡིག་གཟུགས་སྒྱུ་རྩལ།书法艺术ཤེས་བྱའི་ཟེགས་མ།书法常识དཔྱད་རྩོམ།  论  文བརྙན་གཟུགས་དཔེ་ཁྲིད།视频教程འཆད་ཁྲིད་དོ་ར།书法讲堂ཡིག་གཟུགས་ཀ་དཔེ། 字帖བསླབ་དེབ།学习资料སྡེ་ཁག་འོས་སྦྱོར།团体推介གནའ་ཉེ་རབས་ཡིག་མཁན།古近代名家དེང་རབས་ཡིག་མཁན།现代名家

གངས་ལྗོངས་ཡིག་གཟུགས་སྣ་བརྒྱའི་ཞལ་ཐང་རིང་མོ་བཤམས་སྟོན་མཛད་སྒོ་ཀར་མཛེས་ནས་སྤེལ་བ།

2019-06-25 19:46来源:བོད་ཀྱི་ཡིག་གཟུགས་དྲ་བ།作者:མཁོ་འདོན་པ་དཀར་མཛེས་བྱམས་པ། རྩོམ་སྒྲིག་ཧེ་རམ་པ།浏览数:2732 
文章附图

༄༅།།གངས་ལྗོངས་ཡིག་གཟུགས་སྣ་བརྒྱའི་ཞལ་ཐང་རིང་མོ་བཤམས་སྟོན་མཛད་སྒོ་སྤེལ་བ།


         གངས་ལྗོངས་ཡིག་གཟུགས་སྣ་བརྒྱའི་ཞལ་ཐང་རིང་མོ་འདི་ཉིད་ནི་རྫོང་སློབ་འབྲིང་གི་དགེ་རྒན་བསོད་ནམས་དབང་རྒྱལ་དང་དཀར་མཛེས་གསེར་བྲིས་ཁང་གི་བྱམས་པ་རྡོ་རྗེ།    འདན་མ་སློབ་གྲྭའི་དགེ་རྒན་བསྟན་འཛིན་དབྱིན་གཉེན་གསུམ་གྱིས་གངས་ལྗོངས་ཡིག་གཟུགས་སྣ་བརྒྱའི་ཞལ་ཐང་རིང་མོ་འདི་གསར་དུ་བསྐྲུན་པ་དང་།   དེ་ཡང་སྤྱི་ལོ་ཉིས་སྟོང་བཅུ་བཞིའི་ཟླ་བ་དང་པོ་ནས་མགོ་བཙུགས་ཏེ་བགྲང་བྱ་ལྔའི་རིང་ལས་ཞོར་གྱི་དུས་ཚོད་གང་ཡོད་སྤྱད་དེ་འབད་པ་ལྷུར་ལེན་བགྱིས་པས། མཐར་ཉིས་སྟོང་བཅུ་དགུའི་སྤྱི་ཟླ་བཞི་པའི་ཚེས་ཉི་ཤུ་ལྔ་ཉིན་མཇུག་ལེགས་པར་གྲུབ་པ་དང་། ཞལ་ཐང་རིང་མོ་འདིའི་རིང་ཚད་ལ་སྨིད་སུམ་བརྒྱ་ལྔ་བཅུ་ང་ལྔ་དང་ཚེག་ལྔ་ཡོད་པ་དང་། ཡིག་གཟུགས་སྣ་ཁ་ནི་སྟག་གཟིག་སྤུངས་ཡིག་དང་སྨར་ཆེན་སྨར་ཆུང་། ལྷ་བབ་ཡི་གེ།འབྲུ་ཚ་སྒོང་ཞབས་མ།   གཏེར་ཡིག མཁའ་འགྲོའི་བརྡ་ཡིག གཏེར་ཡིག ཨམ་ཡིག ཁམས་བྲིས། དབུས་བྲིས། གཙང་བྲིས། སྡེབ་བྲིས། ཀརྨ་སྒར་བྲིས། ཧོར་ཡིག ལཉྫ། ཝ་རྟུ། བློ་ལྡན་ཡིག་གསར་བཅས་གནའ་དེང་གི་ཡིག་སྣ་ཉིས་བརྒྱ་སུམ་ཅུ་དང་བོད་ཀྱི་ལེགས་བཤད་ཆེན་མོ་བཞིའི་ནང་གི་ལེགས་བཤད་བཅས་འདུས་པས། སྣ་མང་རང་བཞིན་ལྡན་པའི་ཞལ་ཐང་ཞིག་ཡིན་པས་འདི་ནི་མིག་སྔར་འཛམ་གླིང་དུ་ཆེས་རིང་བ་དང་ཡིག་སྣ་ཆེས་མང་བའི་བོད་ཀྱི་ཡིག་གཟུགས་ཀྱི་ཞལ་ཐང་གཅིག་པུ་དེ་རེད་འདུག   

          སྤྱི་ལོ༢༠༡༩ལོའི་ཟླ༦པའི་ཚེས༢༥ཉིན། དཀར་མཛེས་རྫོང་མི་རིགས་སློབ་འབྲིང་གི་སློབ་གཙོ་བློ་ཆེན་ཧྭ་ལགས་ཀྱིས་རྒྱབ་སྐྱོར་དང་བོད་ཡིག་སློབ་ཞིབ་ཁང་གིས་གཙོ་སྒྲུབ་འོག་རང་རེའི་སློབ་གྲྭའི་ལུས་རྩལ་ཐང་ཆེན་དུ་སྔ་དྲོའི་དུས་ཚོད་བཅུ་པའི་སྟེང་གཟབ་རྒྱས་ངང་བཤམས་སྟོན་འགྲེམ་སྤེལ་བྱེད་པ་དང་། དེར་རང་སློབ་གྲྭའི་དགེ་སློབ་ཡོངས་དང་རང་རྫོང་གི་སློབ་ཆུང་ཁག་གི་བོད་ཡིག་དགེ་རྒན། རྒྱང་བསྒྲགས་ཁང་དང་དཀར་མཛེས་རྫོང་གསར་གྱུར་ཁང་གི་གསར་འགོད་པ། སྤྱི་ཚོགས་ཀྱི་ལས་རྐང་ཐོག་ན་ལས་ཀ་སྒྲུབ་བཞིན་པའི་ལས་བྱེད་པ།   དེ་མིན་མི་སེར་བཅས་སྟོང་གསུམ་ལ་ཉེ་བ་ཞིག་ཐེངས་འདིའི་བཤམས་སྟོན་མཛད་སྒོའི་ལྟད་མོ་ལ་ཞུགས་ཡོད།


གངས་ལྗོངས་ཀུན་གསལ་བཞིན་རས་ཡངས་པོའི་ངོས།།

ལུགས་གཉིས་ཉི་ཟླ་གསལ་བྱེད་ཡི་གེའིགཟུགས།།

སྣ་བརྒྱའི་ཟེར་ཕྲེང་ཕྱོགས་དང་ཕྱོགས་མཚམས་སུ།།

སྤྲོ་བའི་བྱེད་པོ་གཤེན་རབ་མི་བོ་ཆེ།།

འཇམ་པའི་དབྱངས་དངོས་ཨ་ནུ་སམ་བྷོ་ཊ།།

གྲ་ཤོད་རྣམ་གཉིས་ཁྱུང་པོ་གཡུ་ཁྲི་སོགས།།

གནའ་དེང་ཡིག་མཁན་རྣམས་ཀྱི་བཀའ་དྲིན་དེ།།

ཞལ་གསེར་ལས་ལྷག་རིན་ཐང་དཔག་ཏུ་མེད།།

བསྐལ་པ་རིང་མོའི་མཐར་ཡང་ཇི་ལྟར་གཞལ།།

འོན་ཀྱང་མེས་པོའི་ཤུལ་བཞག་རིང་གནས་པའི།།

རེ་འདུན་ཀུན་རྟོག་རྦ་རླབས་རབ་འཁྲུགས་པས།།

སྔོན་བྱོན་མཁས་པའི་ཕྱག་རྒྱུན་ཇི་བཞིན་དུ།།

སོར་མོའི་འདུ་བྱེད་ལས་ལ་ཅི་དགར་བརྩོན།།



甘孜书法长卷展 (1).jpg



甘孜书法长卷展 (2).jpg








甘孜书法长卷展 (3).jpg



甘孜书法长卷展 (5).jpg



甘孜书法长卷展 (6).jpg









甘孜书法长卷展 (7).jpg


甘孜书法长卷展 (8).jpg


甘孜书法长卷展 (9).jpg








甘孜书法长卷展 (10).jpg


甘孜书法长卷展 (11).jpg


甘孜书法长卷展 (13).jpg









甘孜书法长卷展 (4).jpg


甘孜书法长卷展 (12).jpg


༈ དཀར་མཛེས་རྫོང་མི་རིགས་སློབ་འབྲིང་གི་བོད་ཡིག་སློབ་ཞིབ་ཁང་གི་ཁ་བ་སྙན་གྲགས་སུ་འབོད་པས་བྲིས།


会员登录
登录
我的资料
留言
回到顶部