བོད་རབ་རྒྱན་ས་མོ་ཕག་གི་ལོའི་ས་ག་ཟླ་བའི་རྫོགས་པ་གཉིས་པར་བབས་པ། ཕྱི་ལོ་༢༠༡༩་ལོའི་ཟླ་༥་པའི་ཚེས་༢༥་ཉིན་གྱི་ཞོགས་པའི་ཉི་ཟེར་དང་བསྡོངས་ཏེ། ཀན་ལྷོ་ཁུལ་བོད་ཀྱི་ཡིག་མཁན་མཐུན་ཚོགས་སླར་ཡང་འདས་ལོ་གོང་མ་བཞིན་ཐག་ཉེ་རིང་གི་སློབ་གྲྭ་སོ་སོར་སློབ་སྐོར་དུ་ཕེབས་པའི་འཆར་གཞི་ལྟར། ཤར་མདོ་སྨད་ཅོ་ནེའི་ཡུལ་གྱི་རྫོང་བོད་རིགས་སློབ་འབྲིང་དུ་བསྐྱོད་མགོ་བརྩམས།
ཐེངས་འདིའི་བྱ་འགུལ་ཁྲོད་སྔར་བཞིན་མཐུན་ཚོགས་དེ་གས་གཅེས་ཉར་གནང་བའི་ཡིག་གཟུགས་བརྩམས་ཆོས་བརྒྱད་ཅུར་ཉེ་བ་འགྲེམས་སྟོན་བྱས་ཤིང་། སློབ་རའི་ཡུལ་དངོས་ལ་ཕེབས་པའི་བྲིས་པ་རྣམ་པས་དགེ་སློབ་ཚོའི་རེ་འདུན་ལྟར་རང་རེའི་བོད་ཀྱི་ཡིག་གཟུགས་ཀྱི་ཤེས་བྱ་ཉུང་བསྡུས་བརྒྱུད་སྒྲོགས་དང་བཀྲ་ཤིས་བདེ་ལེགས། བསམ་དོན་ལྷུན་འགྲུབ་དང་ནི་བརྩོན་པ་ཆུ་རྒྱུན་སོགས་གང་ལ་གང་འཚམས་ཀྱི་བྲིས་གཟུགས་གང་མང་ཕྱག་བསྟར་གནང་ནས་ཡུལ་ཕྱོགས་དེ་གའི་སློབ་བུ་སྟོང་ཕྲག་གཉིས་ལ་ཉེ་བའི་རྒྱུད་ངོར་བོད་ཀྱི་ཡིག་གཟུགས་རིག་གནས་ཀྱི་བག་ཆགས་འོས་འཚམས་རེ་བཞག གཤམ་ནས་བྱ་འགུལ་འདིའི་མགོ་མཇུག་བར་གསུམ་ནས་ཁོལ་དུ་ཕྱུངས་པའི་པར་མིག་འགའ་རིས་སུ་བཀྲམ་ན་འདི་ལྟར།
ཀན་ལྷོ་ཁུལ་བོད་ཀྱི་ཡིག་མཁན་མཐུན་ཚོགས་ཀྱི་ཚོགས་གཙོ་རྒན་སངས་རྒྱས་བཀྲ་ཤིས་ལགས་ཀྱིས་གཏམ་བཤད་གནང་བཞིན་པ།
གསུང་གི་བདུད་རྩི་ཉམས་ཀྱིས་བཞེས་པའི་བློ་གསལ་བུང་བའི་ཚོགས།
མཐུན་ཚོགས་ཀྱི་ངོས་ཐད་ནས་སློབ་གྲྭ་དེ་གར་ལེགས་སྐྱེས་འབུལ་བཞིན་པ།
དབྱངས་གསལ་གྱི་མཛེས་ཉམས་ལ་གཟིགས་མོར་ཕེབས་བཞིན་པའི་སློབ་བུའི་ཚོགས།
དབྱངས་གསལ་གྱི་མཛེས་ཉམས་ལ་གཟིགས་མོར་ཕེབས་བཞིན་པའི་སློབ་བུའི་ཚོགས།
རྒན་སངས་རྒྱས་བཀྲ་ཤིས་ལགས་ཀྱིས་ཕྱག་བྲིས་གནང་བཞིན་པ།
རྒན་འཇིགས་མེད་ཆོས་དར་ལགས་ཀྱིས་ཕྱག་བྲིས་གནང་བཞིན་པ།
རྒན་ཁ་གྱ་འཇིགས་མེད་ལགས་ཀྱིས་ཕྱག་བྲིས་གནང་བཞིན་པ།
རྒན་བསོད་ནམས་ཚེ་རིང་ལགས་ཀྱིས་ཕྱག་བྲིས་གནང་བཞིན་པ།
རྒན་རྟ་མགྲིན་མགོན་པོ་ལགས་ཀྱིས་ཕྱག་བྲིས་གནང་བཞིན་པ།
རྒན་རྡོ་རྗེ་སྐྱབས་ལགས་ཀྱིས་ཕྱག་བྲིས་གནང་བཞིན་པ།
རྒན་ཨ་འཁོར་ཚེ་བྷ་ལགས་ཀྱིས་ཕྱག་བྲིས་གནང་བཞིན་པ།
དབྱངས་གསལ་གྱི་མཛེས་ཉམས་ལ་གཟིགས་མོར་ཕེབས་བཞིན་པའི་སློབ་བུའི་ཚོགས།
རྒན་སངས་རྒྱས་བཀྲ་ཤིས་ལགས་ཀྱིས་སློབ་གྲྭ་དེ་གའི་སློབ་བུ་ཚོར་བོད་ཀྱི་ཡིག་གཟུགས་འབྲི་སྟངས་སྐོར་ལ་མཛུབ་སྟོན་གནང་བཞིན་པ།
སློབ་རའི་འགྲེམས་སྟོན་གྱི་ཟུར་ཞིག
རྒན་སྐལ་བཟང་མཐུ་སྟོབས་ལགས་ཀྱིས་སློབ་བུ་ཚོའི་རེ་འདོད་ལྟར་ཕྱག་བྲིས་གནང་བཞིན་པ།
བྱ་འགུལ་མཇུག་རྫོགས་ཁར་སློབ་གྲྭ་དེ་གའི་དགེ་སློབ་དང་ལྷན་དུ་བསྒྲོན་པའི་མཉམ་པར།
|
|
