རྒྱལ་ཡོངས་བོད་ཡིག་ཡིག་གཟུགས་དུས་ཆེན་ལ་བཀྲ་ཤིས་བདེ་ལེགས་ཞུ།
དགེ་སློབ་ཡོངས་ཀྱིས་རང་མི་རིགས་ཀྱི་རིག་གནས་ལ་རྒྱུས་ལོན་དང་རྒྱུད་འཛིན། དར་སྤེལ་བྱེད་པ་དང་། སྔར་ལས་ལྷག་པའི་སྒོ་ནས་མི་རིགས་མཐུན་སྒྲིལ་དང་སྤྱི་ཚོགས་བདེ་འཇགས་ཞི་མཐུན་འཕེལ་རྒྱས་ཡོང་ཆེད་དམ། ངེད་གསེར་ཆེན་རྫོང་མི་རིགས་བཅའ་སྡོད་སློབ་ཆུང་དང་པོའི་དགེ་སློབ་ཡོངས་ཀྱི་ཞུམ་མེད་ཀྱི་སྙིང་སྟོབས་མཚོན་པའམ་ཡང་ན་དགེ་སློབ་ཡོངས་ཀྱི་ཡི་གེ་གཟུགས་མཛེས་ལ་ཐིག་ཚད་དང་མཐུན་པར་འབྲི་བའི་འདུ་ཤེས་སྐྱེད་ཆེད་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་ཐོན་ལ་ཉེ་བའི་སྐབས་འདིར། ངེད་གུང་ཧོ་རྫོང་མི་རིགས་སློབ་ཆུང་དང་པོས༢༠༡༩ལོའི་ཟླ༤བའི་ཚེས༢༩ཉིན་དགེ་སློབ་ཡོངས་ཀྱི་བོད་ཡིག་དང་རྒྱ་ཡིག་གི་ཡིག་གཟུགས་འགྲེམ་སྟོན་བྱས་པ་ཡིན།
བོད་ཀྱི་ཡིག་གཟུགས་ནི་བོད་ཀྱི་རིག་གནས་ཀྱི་གྲུབ་ཆ་གལ་ཆེན་ཞིག་ཡིན་ལ། ལོ་རྒྱུས་ལ་སྐུལ་འདེད་དང་སྤྱི་ཚོགས་ཤེས་རིག་འཕེལ་རྒྱས་སུ་འགྲོ་བར་ནུས་པ་གལ་ཆེན་བཏོན་ཡོད། ༢༠༡༨ལོར། རྒྱལ་སྲིད་སྤྱི་ཁྱབ་ཁང་གི་མོས་མཐུན་ལྟར་བོད་ཀྱི་ཡིག་གཟུགས་ནི་རྒྱལ་ཁབ་ཀྱི་རིམ་པ་གཉིས་པའི་གཟུགས་འདས་ཤུལ་བཞག་རིག་གནས་སུ་ཚུད་ཡོད།
ཡིག་གཟུགས་དགེ་རྒན་རྣམ་པར་རྟེན་འབྲེལ་གྱི་ཁ་བཏགས་ཕུལ་བ།
བོད་ཡིག་ཡིག་གཟུགས་བརྩམས་ཆོས་ལ་བྱ་དགའ་ཐོབ་པའི་དགེ་རྒན་དང་སློབ་བུ་ཚོ།
འགོ་ཁྲིད་དང་དགེ་རྒན་ལྷན་རྒྱས་འཛོམས་ནས་རྒྱལ་ཡོངས་བོད་ཡིག་ཡིག་གཟུགས་དུས་ཆེན་ལ་རྟེན་འབྲེལ་ཞུ་བ་དང་
ཐེངས་འདིའི་ཡིག་གཟུགས་དུས་ཆེན་སྐབས་བྱ་དགའ་ཐོབ་པའི་སྐལ་ལྡན་སློབ་བུ་ཚོགས།
ཡིག་གཟུགས་འགྲེམ་སྟོན་བྱ་འགུལ་བརྒྱུད་ནས་གཟུགས་འདས་བོད་ཀྱི་ཡིག་གཟུགས་འཕེལ་རྒྱས་སུ་འགྲོ་བ་དང་བྱིས་པས་ཀྱང་རང་གི་འཇོན་ནུས་མངོན་པར་སྐུལ་འདེད་བྱེད་པ། བོད་ཀྱི་ཡིག་གཟུགས་ཁྱབ་ཆེ་རུ་གཏོང་བར་ནུས་པ་གལ་ཆེན་བཏོན་ཡོད། བརྩམས་ཆོས་ལེགས་གྲས་འདི་དག་ལས་ངས་མ་འོངས་པར་བོད་ལ་ཡིག་གཟུགས་མཁན་པོ་མང་དུ་འབྱུང་ཐུབ་པ་དཔོག་ནུས།
བྱ་འགུལ་འདི་བརྒྱུད་ནས། མི་རིགས་སློབ་ཆུང་དང་པོའི་དགེ་སློབ་ཡོངས་ཀྱི་གཟི་ཉམས་ཕྱིར་མངོན་པར་བྱས་ལ། སློབ་རའི་ཁྱོན་ལ་ཡིག་གཟུགས་ཀྱི་མཁའ་དབུགས་སྟུག་པོ་ཞིག་ཀྱང་ཆགས་པར་བྱར་པར་མ་ཟད། ཡིག་གཟུགས་སྦྱོང་བརྡར་ལ་སྤྲོ་བ་བསྐྱེད་པ་དང་། རང་སློབ་གྲྭའི་བོད་ཡིག་སློབ་ཁྲིད་ལའང་རྨང་གཞི་བརྟན་པོ་བཞག་པ་རེད།
|
|
