ནུབ་བྱང་མི་རིགས་སློབ་གླིང་ནས་ཡིག་གཟུགས་བྱེད་སྒོ་རྒྱ་ཆེར་སྤེལ་བ།

ནུབ་བྱང་མི་རིགས་སློབ་གྲྭ་ཆེན་མོའི་བོད་ཀྱི་ཡིག་གཟུགས་འགྲན་སྡུར་སྐབས་དགུ་བའི་བརྩམས་ཆོས་འགྲེམ་སྟོན་དང་གཟེངས་བསྟོད་མཛད་སྒོ་གཡུ་གྲོང་སློབ་ཁུལ་དུ་གཟབ་རྒྱས་ངང་སྤེལ།   

སྤྱི་ལོ་2019ལོའི་ཟླ་4ཚེས་27ཉིན།   ནུབ་བྱང་མི་རིགས་སློབ་གྲྭ་ཆེན་མོའི་བོད་ཀྱི་ཡིག་གཟུགས་འགྲན་སྡུར་སྐབས་དགུ་བའི་བརྩམས་ཆོས་འགྲེམ་སྟོན་དང་གཟེངས་བསྟོད་མཛད་སྒོ་ནུབ་བྱང་མི་རིགས་སློབ་ཆེན་གྱི་གཡུ་གྲོང་སློབ་ཁུལ་དུ་གཟབ་རྒྱས་ངང་སྤེལ།

ཐེངས་འདིའི་བྱ་འགུལ་ཁྲོད་བོད་ཀྱི་སྐད་ཡིག་རིག་གནས་སློབ་གླིང་གིས་མཚོ་སྔོན་ཞིང་ཆེན་བོད་ཀྱི་ཡིག་གཟུགས་རྒྱུན་འཛིན་དང་དར་སྤེལ་ལས་འཛིན་ལྷན་ཚོགས་ཀྱི་ཚོགས་གཙོའམ། མཚོ་སྔོན་མི་རིགས་དགེ་ཐོན་སློབ་ཆེན་གྱི་དགེ་རྒན་ཆེན་མོ་དོན་གྲུབ་ཚེ་རིང་ལགས་དང་། ཀན་ལྷོ་ཁུལ་ཡིག་གཟུགས་མཐུན་ཚོགས་ཀྱི་ཀྲུའུ་ཞི། ཀན་སུའུ་མི་རིགས་དགེ་ཐོན་སློབ་ཆེན་གྱི་དགེ་རྒན་ཆེན་མོ་རྒན་སངས་རྒྱས་བཀྲ་ཤིས་ལགས་གཉིས་ཆེད་དུ་དཔྱད་འདེམས་པར་གདན་དྲངས།

ཐེངས་འདིའི་གཟེངས་བསྟོད་ཀྱི་མཛད་སྒོ་ལ་བོད་ཀྱི་སྐད་ཡིག་རིག་གནས་སློབ་གླིང་གི་ཏང་ཨུའི་ཧྲུའུ་ཅི་མཱ་ཞོས་ཧྥུང་། གླིང་གཙོ་རྒན་རྟ་མགྲིན་ཚེ་རིང་ལགས་ཀྱིས་མདོ་འཛིན་གནང་བ།

བོད་ཀྱི་སྐད་ཡིག་རིག་གནས་སློབ་གླིང་གི་ཏང་ཨུའི་ཧྲུའུ་ཅི་མཱ་ཞོས་ཧྥུང་ལགས་དང་།   བོད་ཀྱི་སྐད་ཡིག་རིག་གནས་སློབ་གླིང་གི་དགེ་རྒན་ཆེན་མོ།   ཡིག་གཟུགས་མཐུན་ཚོགས་ཀྱི་མཛུབ་སྟོན་དགེ་རྒན་སངས་རྒྱས་ཚེ་རིང་ལགས་གཉིས་ནས་ཤིས་ཚིག་ཕུལ་བཞིན་པ།

གདན་ཞུའི་སྐུ་མགྲོན་ནམ་ཡིག་གཟུགས་དཔྱད་འདེམ་དགེ་རྒན་ལ་ལྷ་དར་འབུལ་བཞིན་པ།

གདན་ཞུའི་སྐུ་མགྲོན་ནམ་ཡིག་གཟུགས་དཔྱད་འདེམ་དགེ་རྒན་ལ་ལྷ་དར་འབུལ་བཞིན་པ།

ཐེངས་འདིའི་ཡིག་གཟུགས་འགྲེམ་སྟོན་གྱི་བརྩམས་ཆོས་ལ་རིགས་གཉིས་ཏེ། དགེ་རྒན་གྱི་བརྩམས་ཆོས་༡༢དང་། འགྲན་ཞུགས་ཀྱི་སློབ་མའི་བརྩམས་ཆོས་༦༤བཅས་ཁྱོན་བརྩམས་བྱ་༧༦འགྲེམ་སྟོན་བྱས་ཡོད་ཅིང་། དེ་དག་ལས་སློབ་མའི་བརྩམས་ཆོས་༡༢ལ་བྱ་དགའ་ཨང་དང་བོ་གཅིག་དང་།   བྱ་དགའ་ཨང་གཉིས་པ་གཉིས། བྱ་དགའ་ཨང་གསུམ་པ་གསུམ།ཕུལ་བྱུང་བྱ་དགའ་དྲུག་བཅས་བྱིན་པ་ཡིན།

འགྲན་བསྡུར་ཡུལ་དངོས་ནས་དཔྱད་འདེམ་བླང་བྱ་གསལ་བཤད་དང་རྒན་རྣམ་པས་དཔྱད་འདེམ་གནང་བཞིན་པ།

ཡིག་གཟུགས་འགྲེམ་སྟོན་གྱི་རྗེས་སུ་རྒན་དོན་གྲུབ་ཚེ་རིང་དང་རྒན་སངས་རྒྱས་བཀྲ་ཤིས་རྣམ་གཉིས་ལགས་ཀྱིས་ཡུལ་དངོས་སུ་ཕྱག་བྲིས་གང་མང་གནང་ལ།ཡིག་གཟུགས་དགའ་ཞེན་པ་དང་དགེ་སློབ་མ་རྣམས་ལ་སྨྱུག་ཁ་སྐོར་ཚུལ་དང་ཤོག་བུ་ལྟེབ་ལུགས།བརྩམས་ཆོས་ཀྱི་སྒྲོམ་གཞི་འགོད་ལུགས། ཕྱག་ཐམ་འགོད་ལུགས་ལ་སོགས་ཀྱི་ཐད་ནས་མཛུབ་སྟོན་གང་མང་གནང་བས་སློབ་མ་རྣམས་ཀྱི་ཤེས་རྒྱ་ཆེ་ཆེར་བསྐྱེད།

མཚོ་སྔོན་ཞིང་ཆེན་བོད་ཀྱི་ཡིག་གཟུགས་རྒྱུན་འཛིན་དང་དར་སྤེལ་ལས་འཛིན་ལྷན་ཚོགས་ཀྱི་ཚོགས་གཙོ། མཚོ་སྔོན་མི་རིགས་དགེ་ཐོན་སློབ་ཆེན་གྱི་དགེ་རྒན་ཆེན་མོ་རྒན་དོན་གྲུབ་ཚེ་རིང་ལགས་ཀྱིས་ཐེངས་འདིའི་མཛད་སྒོའི་ཐད་ནས་གསུངས་བཤད་གནང་བ།

བྱ་དགའ་ཐོབ་པའི་སློབ་མ་རྣམས་ལ་བྱ་དགའ་གནང་བ།

          ཐེངས་འདིར་བོད་ཀྱི་སྐད་ཡིག་རིག་གནས་སློབ་གླིང་གི་ཏང་ཨུའི་ཧྲུའུ་ཅི་མཱ་ཞོས་ཧྥུང་ལགས་ཀྱིས་བོད་ཀྱི་ཡིག་གཟུགས་ནི་བོད་ཀྱི་རིག་གནས་ཀྱི་གྲུབ་ཆ་གལ་ཆེན་ཞིག་ཡིན་ཞིང་། ཀྲུང་ཧྭའི་སྒྱུ་རྩལ་བང་མཛོད་ལས་རིན་བྲལ་གྱི་ནོར་བུ་ཞིག་ཡིན་པས་དེ་ཉིད་རྒྱུན་འཛིན་དང་དར་སྤེལ་བྱེད་རྒྱུ་ནི་ཤིན་ཏུ་གལ་ཆེ་བར་གསུངས་ཤིང་། ད་ཐེངས་ཀྱི་ཡིག་གཟུགས་འགྲན་སྡུར་གྱི་འགྲེམ་སྟོན་དང་གཟེངས་བསྟོད་འདི་འདྲ་བ་སྤེལ་ཐུབ་པར་བཀྲ་ཤིས་བདེ་ལེགས་ཞུས།   བོད་ཀྱི་སྐད་ཡིག་རིག་གནས་སློབ་གླིང་གི་དགེ་རྒན་ཆེན་མོ་སྐུ་གཞོན།   ཡིག་གཟུགས་མཐུན་ཚོགས་ཀྱི་མཛུབ་སྟོན་དགེ་རྒན་སངས་རྒྱས་བསོད་ནམས་ལགས་ཀྱིས་བོད་ཀྱི་ཡིག་གཟུགས་མཐུན་ཚོགས་ཀྱི་བྱ་བའི་སྙན་ཞུ་དང་ཚོགས་འདུར་སྤྱི་སྡོམ་གནང་།

    བོད་ཀྱི་སྐད་ཡིག་རིག་གནས་སློབ་གླིང་གི་དགེ་རྒན་ཆེན་མོ།   ཡིག་གཟུགས་མཐུན་ཚོགས་ཀྱི་མཛུབ་སྟོན་དགེ་རྒན་སངས་རྒྱས་ཚེ་རིང་ལགས་ཀྱིས་ཐོག་མར་གདན་ཞུས་ཀྱི་རྒན་རྣམ་གཉིས་ལ་ས་ཐག་རིང་ནས་སྐུ་ངལ་ལ་མ་འཛེམས་པར་ཐེངས་འདིའི་མཛད་སྒོ་ལ་ཕེབས་པར་སྙིང་ཐག་པ་ནས་བཀའ་དྲིན་ཆེ་ཞུས་པ་དང་ཆབས་གཅིག    ནུབ་བྱང་གི་བོད་ཀྱི་ཡིག་གཟུགས་འགྲན་སྡུར་གྱི་སྔ་མའི་རྒྱུན་བསྐྱངས་ཤིང་། སློབ་གླིང་གི་མགོ་ཁྲིད་དང་དགེ་སློབ་རྣམས་པའི་ཤུགས་ཆེའི་རྒྱབ་སྐྱོར།ལྷག་པར་དུ་ཡིག་གཟུགས་མཐུན་ཚོགས་ཀྱི་དགེ་རྒན་དང་ཚོགས་མི་རྣམས་ནས་ཧུར་ཐག་འབད་ཐག་བྱས་ཏེ་ད་ཐེངས་ཀྱི་ཡིག་གཟུགས་འགྲན་སྡུར་གྱི་བརྩམས་ཆོས་འགྲེམ་སྟོན་དང་གཟེངས་བསྟོད་མཛད་སྒོ་སྤེལ་ཐུབ་པ་ནི་མདུན་སྐྱོད་ཀྱི་གོམ་པ་དང་པོ་ཡིན་ལ། སླད་ཕྱིན་མཐུན་ཚོགས་ཀྱི་བྱ་གཞག་ཡར་ངོའི་ཟླ་ལྟར་འཕེལ་ཕྱིར་འབད་པ་ལྷོད་མེད་བྱ་དགོས་བར་གསུངས།   མཚོ་སྔོན་ཞིང་ཆེན་བོད་ཀྱི་ཡིག་གཟུགས་རྒྱུན་འཛིན་དང་དར་སྤེལ་ལས་འཛིན་ལྷན་ཚོགས་ཀྱི་ཚོགས་གཙོ། མཚོ་སྔོན་མི་རིགས་དགེ་ཐོན་སློབ་ཆེན་གྱི་དགེ་རྒན་ཆེན་མོ་སྐུ་གཞོན་དོན་གྲུབ་ཚེ་རིང་ལགས་ཀྱིས་ཐེངས་འདིའི་མཛད་སྒོའི་ཐད་ནས་གདེང་འཇོག་མཐོན་པོ་གནང་ཞིང་། ནུབ་བྱང་ལ་སྔ་མོ་ཞིག་ནས་སྲོལ་བཟང་མང་པོ་ཡོད་པ་ལས་གཅིག་ནི་བོད་ཡིག་ཡིག་གཟུགས་རྒྱུན་འཛིན་དང་དར་སྤེལ་དེ་ཉིད་ཡིན་པ་སྟེ། སྔ་རྗེས་སུ་ཨ་ལགས་ཚེ་ཏན་ཞབས་དྲུང་མཆོག་དང་ཨ་ལགས་དོར་ཞི་མཆོག དགེ་རྒན་ཆེན་མོ་དཔའ་རིས་སངས་རྒྱས་མཆོག་སོགས་ཀྱིས་བོད་ཡིག་ཡིག་གཟུགས་བྲིས་རྒྱུན་དང་གཞུང་ལུགས་རྒྱུན་འཛིན་དང་དར་སྤེལ་གང་ཐད་ནས་ཀྱང་མཛད་རྗེས་བླ་ན་མེད་པ་བཞག་གནང་ཡོད་པས་ང་ཚོས་སྔར་བཞིན་སྲོལ་བཟང་དེ་དག་མ་ཉམས་རྒྱུན་འཛིན་བྱ་དགོས་པར་གསུངས་ལ། བོད་ཡིག་ཡིག་གཟུགས་དེ་ཉིད་བྲིས་རྒྱུན་དང་གཞུང་ལུགས་མན་ངག    རིག་གནས་བཅས་ཕྱོགས་གསུམ་གྱི་ཐད་ནས་རྒྱུན་འཛིན་གྱི་རྨང་གཞིའི་སྟེང་དར་སྤེལ་གཏོང་དགོས་པར་གསུངས།

བོད་ཀྱི་སྐད་ཡིག་རིག་གནས་སློབ་གླིང་གི་དགེ་རྒན་ཆེན་མོ།   ཡིག་གཟུགས་མཐུན་ཚོགས་ཀྱི་མཛུབ་སྟོན་དགེ་རྒན་སངས་རྒྱས་བསོད་ནམས་ལགས་ཀྱིས་བོད་ཀྱི་ཡིག་གཟུགས་འགྲན་སྡུར་གྱི་བྱེད་སྒོའི་འཕེལ་རིམ་དང་ནུབ་བྱང་མི་རིགས་སློབ་གྲྭ་ཆེན་མོའི་བོད་ཀྱི་ཡིག་གཟུགས་མཐུན་ཚོགས་ཀྱི་བྱུང་བ།    མ་འོངས་པའི་འཆར་གཞི།    ཚོགས་འདུའི་སྤྱི་སྡོམ་བཅས་ཕྱོགས་བཞི་ནས་གསུངས་ཤིང་།    ༢༠༠༦ལོ་ནས་༢༠༠༩ལོའི་བར་བོད་ཀྱི་སྐད་ཡིག་རྩོམ་རིག་སྡེ་ཁག་གི་ཡིག་གཟུགས་དང་རི་མོ་འགྲན་སྡུར་ཐེངས་གསུམ་སྤེལ་བ་དང་།    ༢༠༡༠ལོ་ནས་ད་ལྟའི་བར་ནུབ་བྱང་མི་རིགས་སློབ་གྲྭ་ཆེན་མོའི་བོད་ཀྱི་ཡིག་གཟུགས་འགྲན་སྡུར་སྐབས་དགུ་རྒྱུན་མ་ཆད་པར་སྤེལ་ཞིང་།    ༢༠༡༧ལོའི་ཟླ་བཞི་བར་ནུབ་བྱང་མི་རིགས་སློབ་གྲྭ་ཆེན་མོའི་བོད་ཀྱི་ཡིག་གཟུགས་མཐུན་ཚོགས་དངོས་སུ་དབུ་རྙེད་ཚུལ་དང་ཚོགས་པའི་རྒྱུན་ལྡན་གྱི་ལས་རིམ་གྱི་གནས་ཚུལ་ཞིབ་ཕྲ་གསུངས་ཤིང་། སླད་ཕྱིན་ཆད་ནུབ་བྱང་མི་རིགས་སློབ་གྲྭ་ཆེན་མོའི་བོད་ཀྱི་ཡིག་གཟུགས་འགྲན་སྡུར་མུ་འབྲེལ་མའི་རྒྱུན་ལེགས་པར་བསྐྱང་རྒྱུ་དང་།    རྒྱལ་ཡོངས་ལ་ཁ་ཕྱོགས་ནས་བོད་ཀྱི་ཡིག་གཟུགས་འགྲན་སྡུར་སྤེལ་རྒྱུ་དང་ཡིག་གཟུགས་བགྲོ་གླེང་ཚོགས་འདུ་འཚོགས་རྒྱུའི་འཆར་གཞི་ཡོད་པ་མ་ཟད།     སློབ་གྲྭ་དང་ཞིང་ཆེན་རིམ་པའི་དངོས་གཞི་སློབ་མའི་གསར་གཏོད་ཀྱི་ལས་གཞི་འགར་རེ་ཞུ་རྩིས་ཡོད་པ་སོགས་གསུངས།

རྒན་དོན་གྲུབ་ཚེ་རིང་ལགས་ནས་ཚེས26ཉིན་གནང་བའི་འཆད་ཁྲིད།

རྒན་སངས་བཀྲ་ལགས་ནས་སློབ་མའི་ཡུལ་དངོས་བརྩམས་ཆོས་ལ་དཔྱད་བརྗོད་གནང་བཞིན་པ།

དཔྱད་འདེམ་གྱི་རྒྱུད་རིམ་ཁྲོད་ཡིག་གཟུགས་ཆེད་མཁས་དགེ་རྒན་རྣམ་པས་དཔྱད་འདེམ་གནང་བཞིན་པ།

   མཐའ་མར། ནུབ་བྱང་མི་རིགས་སློབ་གྲྭ་ཆེན་མོའི་བོད་ཀྱི་ཡིག་གཟུགས་འགྲན་སྡུར་སྐབས་དགུ་བ་གཟབ་རྒྱས་དང་བདེ་བླག་ངང་ལེགས་འགྲུབ་བྱུང་བར་རྟེན་འབྲེལ་ཞུས་ཤིང་། ཐེངས་འདིའི་མཛད་སྒོར་ཕེབས་པའི་རྒན་དོན་གྲུབ་ཚེ་རིང་དང་སངས་རྒྱས་བཀྲ་ཤིས་གཉིས་ཀྱིས་གཙོ་བྱས་པའི་འདིར་བཞུགས་ཀྱི་མགོ་ཁྲིད་དང་དགེ་སློབ་ཡོངས་ཀྱིས་འདས་ཟིན་ལ་སྦྱི་སྡོམ་དང་མ་འོངས་ལ་རྒྱང་གཟིགས་ཀྱི་འདུན་པ་མཚོན་པའི་མཉམ་པར་སྒྲོན་ནས་ཀྲུང་ཧྭ་མི་རིགས་ཀྱི་ཁྱིམ་ཚང་ཆེན་པོ་འདིར་དཔལ་ཡོན་གཉིས་ཀྱི་ཆུ་གཏེར་ལྷག་ཏུ་རྒྱས་པ་དང་། ས་ཆེན་ཨ་མའི་ཕང་བར་ཉལ་བའི་སྐྱེ་འགྲོ་ཀུན་གྱི་ལུས་ལ་ན་ཚ་དང་སེམས་ན་སྡུག་བསྔལ་མེད་པའི་བཀྲ་ཤིས་སྨོན་འདུན་དང་བཅས་བྱ་འགུལ་ལ་བཞི་ཤད་བཀོད་དོ།།

为了丰富校园文化生活,提升我校师生的综合素养,陶冶广大师生的情操,营造浓厚的文化艺术氛围,4月27日,在学校里举办了书法艺术品大赛暨展览活动。

本次活动,师生们投入了极大的热情,积极发挥自己的长处,踊跃报名参加。活动邀请青海省藏文书法传承与发展研究会理事长、青海师范大学副教授东珠才让，甘南藏族自治州书法家协会主席、甘肃民族师范学院副教授桑吉扎西老师等担任评委,评选出一等奖1名,二等奖2名,三等奖3名，优秀奖6名。

这次展出的作品,内容丰富,形式多样,特别是书法作品,或苍劲有力,或隽永飘逸,或清秀雅致,充分彰显了我校师生深厚精湛的书法技艺。展示台前,前来参观的师生络绎不绝、赞不绝口。

本次活动的开展,不仅为师生们提供了一个相互切磋、展示自我的舞台,而且还在传承中华文化,弘扬国粹魅力的同时,提高了师生的艺术修养和审美情操。