设为首页 | 收藏本站
 
གསར་འགྱུར།新闻中心སྤྱི་བསྒྲགས།公告གནའ་དཔེ་ཉར་ཚགས།古籍收藏ཡིག་གཟུགས་སྒྱུ་རྩལ།书法艺术ཤེས་བྱའི་ཟེགས་མ།书法常识དཔྱད་རྩོམ།  论  文ས་ཁུལ་འགྲེམ་སྟོན་ཁང་།地区展厅ཐུན་མོང་འགྲེམ་སྟོན་ཁང་།集体展厅ཡིག་གཟུགས་མཁས་དབང་།书法名家ཡིག་གཟུགས་མཁན་པོ།书法家ཡིག་གཟུགས་བྲིས་ཆེན།书法达人ཡིག་གཟུགས་བྲིས་ཆུང་།书法新秀ཡིག་གཟུགས་དགའ་ཞེན་པ།书法爱好者སྐྱེ་མའི་ཡིག་གཟུགས།女性展厅སློབ་རའི་འགྲེམ་སྟོན་ཁང་།校园展厅འགྲན་ཞུགས་ཁང་།参赛厅བརྙན་གཟུགས་དཔེ་ཁྲིད།视频教程འཆད་ཁྲིད་དོ་ར།书法讲堂ཡིག་གཟུགས་ཀ་དཔེ། 字帖བསླབ་དེབ།学习资料སྡེ་ཁག་འོས་སྦྱོར།团体推介གནའ་ཉེ་རབས་ཡིག་མཁན།古近代名家དེང་རབས་ཡིག་མཁན།现代名家

མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པ་དབུ་བརྙེས་པའི་མཛད་སྒོ

 二维码 1931
发表时间:2019-04-15 21:21作者:ཚེ་རིང་དོན་གྲུབ།来源:ཀྲུང་གོ་བོད་ཀྱི་དྲབ་།



སྤྱི་ལོ་2019ལོའི་ཟླ4པའི་ཚེས་15ཉིན། མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པ་དབུ་བརྙེས་པའི་སྒོ་བྱང་འགེལ་བའི་མཛད་སྒོ་མཚོ་སྔོན་དགེ་ཐོན་སློབ་ཆེན་མི་རིགས་དགེ་འོས་སློབ་གླིང་གི་སློབ་ཁུལ་གསར་པའི་རིག་གཞུང་སྙན་ཞུ་ཁང་དུ་གཟབ་རྒྱས་ངང་འཚོགས།


མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པ་དབུ་བརྙེས་པའི་མཛད་སྒོ (4).jpg


མཚོ་སྔོན་ཞིང་ཆེན་ཡུལ་སྐོར་རིག་གནས་ཐིང་གི་ཐིང་ཀྲང་གཞོན་པ་ཚེ་རིང་ཐར་དང་། མཚོ་སྔོན་དགེ་ཐོན་སློབ་ཆེན་གྱི་སློབ་གཙོ་གཞོན་པ། མི་རིགས་དགེ་འོས་སློབ་གླིང་གི་ཧྲུའུ་ཅིའམ་གླིང་གཙོ། འབུམ་རམས་པའི་མཛུབ་སྟོན་དགེ་རྒན་རྒྱ་ཡེ་བཀྲ་བྷོ། མཚོ་སྔོན་ཞིང་ཆེན་སྲིད་གྲོས་ཀྱི་རིག་གནས་དང་ལོ་རྒྱུས་སློབ་ཨུའི་གཞུང་སྒྲུབ་ཁང་གི་ཀྲུའུ་རེན་མཁར་རྩེ་རྒྱལ། ཀྲུང་གོའི་རི་མོའི་བཟོ་རྩལ་མཁས་ཆེན། མཚོ་སྔོན་ཞིང་ཆེན་རི་མོ་བའི་མཐུན་ཚོགས་ཀྱི་ཀྲུའུ་ཞི་གཞོན་པ་ཟུར་པ་བརྩོན་འགྲུས་རབ་རྒྱས་སོགས་ཚོགས་མི་གཙོ་བྱས་དགེ་སློབ་ཉིས་བརྒྱ་ལྷག་ཚོགས་འདུ་ལ་ཞུགས།


མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པ་དབུ་བརྙེས་པའི་མཛད་སྒོ (5).jpg


ཚོགས་འདུ་ལ་མཚོ་སྔོན་དགེ་ཐོན་སློབ་ཆེན་མི་རིགས་དགེ་འོས་སློབ་གླིང་གི་གླིང་གཙོ་གཞོན་པ་ཁྲིན་ཡུང་ལིང་གིས་འགོ་འཛིན་བྱས་ཤིང་། སློབ་གཙོ་གཞོན་པ་བརྒྱ་ཡེ་བཀྲ་བྷོ་ལགས་ཀྱིས་གཏམ་བཤད་གནང་།

གཞན་ཚོགས་སྟེང་དུ་འགོ་འཛིན་པས་《མཚོ་སྔོན་ཞིང་ཆེན་དམངས་སྲིད་ཐིང་མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པ་བཙུགས་ཆོག་པའི་འབྲེལ་ཡོད་ཡིད་མཐུན་ཆོག་མཆན་བཀོད་པའི་ཡིག་ཆ》་དང་། མཚོ་སྔོན་ཞིང་ཆེན་དམངས་སྲིད་ཐིང་གི《མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པའི་ཐག་གཅོད་ཡི་གེ》སྒྲོག་འདོན་བྱས་པ་མ་ཟད། ཕྱོགས་སོ་སོ་ནས་མཛད་སྒོར་ལེགས་སྐྱེས་ཕུལ་བའི་རྟེན་འབྲེལ་ཞུ་ཡིག་སོགས་སྒྲོག་འདོན་བྱས།


མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པ་དབུ་བརྙེས་པའི་མཛད་སྒོ (3).jpg


རྒྱ་ཡེ་བཀྲ་བྷོ་ལགས་ཀྱིས་བཤད་རྒྱུར། མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པ་དབུ་བརྙེས་པའི་མཛད་སྒོ་བདེ་བླག་གིས་སྤེལ་ཐུབ་པ་འདི་ནི། མཚོ་སྔོན་ཞིང་ཆེན་ཡིག་གཟུགས་སྒྱུ་རྩལ་འཕེལ་རྒྱས་ཁྲོད་ཀྱི་དགའ་འོས་པའི་དོན་བཟང་ཞིག་ཡིན་ལ། རང་ཞིང་གི་ཁྱད་ཆོས་ལྡན་པའི་རིག་གནས་འཕེལ་རྒྱས་ཀྱི་དོན་བཟང་ཞིག་ཀྱང་ཡིན། མཚོ་སྔོན་ཞིང་ཆེན་བོད་ཡིག་ཡིག་གཟུགས་སྒྱུ་རྩལ་འཕེལ་རྒྱས་ལ་སྔ་ན་མེད་པའི་གསར་གཏོད་རང་བཞིན་གྱི་དགེ་མཚན་ཆེན་པོ་ཐོན་ཡོད་པའི་བྱ་གཞག་རླབས་ཆེན་ཞིག་ཡིན་པས། ཚོགས་འདུ་བདེ་བླག་གིས་ཚོགས་པ་ལ་དགའ་བསུའི་རྟེན་འབྲེལ་ཞུ་པ་དང་ཆབས་ཅིག ཚོགས་ཞུགས་འགོ་ཁྲིད་པ་དང་རྒྱ་ཆེ་བའི་བོད་ཡིག་བྲིས་པ། ཚོགས་ཞུགས་པ་ཡོངས་ཚོགས་འདུར་ཞུགས་པར་བཀའ་དྲིན་ཆེ་ཞུ།


མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པ་དབུ་བརྙེས་པའི་མཛད་སྒོ (2).jpg


བོད་རིགས་ནི་ཀྲུང་ཧྭ་མི་རིགས་ཁྱིམ་ཚང་ཆེན་པོའི་ཁྲོད་ལོ་རྒྱུས་ཀྱི་རྒྱུན་རིང་ཞིང་། རིག་གནས་ཕུན་སུམ་ཚོགས་པ། མི་གྲངས་མང་པའི་གནའ་བོའི་མི་རིགས་ཤིག་ཡིན། རིག་གནས་ཀྱི་རྨང་མཐུག་པའི་བོད་ཀྱི་ཤེས་རིག་ནི་ཀྲུང་ཧྭ་རིག་གནས་ཁྲོད་ཀྱི་འོད་དུ་འཚེར་བའི་མུ་ཏིག་རྡོག་པོ་ཞིག་ཡིན། མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པའི་ཚོགས་མི་རྣམས་ཀྱིས་མ་འོངས་པར། བོད་ཀྱི་རིག་གནས་རྒྱུན་འཛིན་དང་དར་སྤེལ་བཏང་སྟེ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དར་ཆ་མཐོན་པོ་བསྒྲངས་ཏེ། རིག་གནས་རང་རློམ་སྲ་བརྟན་དང་། བཅོས་བསྒྱུར་གསར་གཏོད་རྒྱུན་འཁྱོངས། ཆབ་སྲིད་ཀྱི་འདུ་ཤེས་མཐོར་འདེགས། སྔོན་ཐོན་རང་བཞིན་དང་། མང་ཚོགས་རང་བཞིན། མི་རིགས་རིག་གནས་རྒྱུན་འཛིན་དང་དར་སྤེལ་གཏོང་བར་ནུས་པ་བླ་ལྷག་འདོན་དགོས་ཞེས་བཤད།


མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པ་དབུ་བརྙེས་པའི་མཛད་སྒོ (1).jpg


ཐེངས་འདིའི་ཚོགས་སྟེང་དུ།   དོན་འགྲུབ་ཚེ་རིང་མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པའི་ལས་འཛིན་པ་གཙོ་བོར་བདམས་པ་དང་། བདེ་མཚོག་རྒྱལ་དང་། མཁར་རྩེ་རྒྱལ། ངག་དབང་རྒྱ་མཚོ། གཡང་འབུམ་ལས་འཛིན་པ་གཞོན་པར་བདམས། གུ་རུ་རྒྱ་མཚོ་དྲུང་ཡིག་ཆེན་མོ་དང་། ལྷན་འགྲུབ་རྡོ་རྗེ་དང་རྡོ་རྗེ་རིན་ཆེན་གཉིས་དྲུང་ཡིག་པ་གཞོན་པར་བདམས་ཐོན་བྱུང་། ཚེ་མགོན་རྒྱལ་དང་།ལྕགས་བྷེ། འཇིགས་མེད་བློ་གྲོས་སོགས་མི་ཉེར་བདུན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པའི་ལས་འཛིན་ཚོགས་མིར་བདམས་པ་ཁྱབ་བསྒྲགས་བྱས།       

རྩོམ་སྒྲིག་པ། ཚེ་རིང་དོན་འགྲུབ།