མདོ་བ་པཱ་ཐུར།
མདོ་བ་པཱ་ཐུར་ནི་མདོ་སྨད་རེབ་གོང་གསེར་མོ་ལྗོངས་ཀྱི་ཆར་གཏོགས་སྨད་པ་ཧ་ར་པཱ་ཐུར་སྡེ་བ་ནས་མི་ཚེའི་ལང་ཚོ་བཞད་ཅིང་།ཆུང་ལ་བྱམས་སྐྱོང་དང་།རྒན་ལ་བརྩི་བཀུར་ཡོད་པའི་བོད་རིགས་ཁྱིམ་ཚང་དཀྱུས་མ་ཞིག་ཏུ་སྐྱེས།ཁྱད་པར་དུ་བཀའ་དྲིན་མཚུངས་ཟླ་བྲལ་བའི་དྲིན་ཆེན་ཕ་མ་རྣམ་གཉིས་ཀྱི་གཅེས་པའི་སློབ་གསོ་དང་དགེ་རྒན་དམ་པ་དག་གི་ཐུགས་སྤྲུལ་ཡོན་ཏན་ལས་འཁྲུངས་པའི་ཆོས་འབྲེལ་བླ་མེད་ཐོབ་པ་དང་།ཉིས་སྟོང་དྲུག་ལོར་མཚོ་སྔོན་དགེ་ཐོན་སློབ་ཆེན་གྱི་བོད་ཀྱི་སྐད་ཡིག་དང་རྩོམ་རིག་སྡེ་ཁག་ནས་ཤེས་རམས་པའི་དམ་བཅའ་བཞག སློབ་ཆེན་མི་ལོ་བཞིའི་སྦྱངས་བརྩོན་ཁྲོད་བསླབ་འབྲས་གཡུར་དུ་ཟ་བ་ཐོབ་རྐྱེན་ལོ་དེར་ཡུལ་ཤུལ་བོད་རིགས་རང་སྐྱོང་ཁུལ་ཡུལ་ཤུལ་གྲོང་ཁྱེར་མི་རིགས་སློབ་འབྲིང་གཉིས་པའི་མཐོ་འབྲིང་ཚན་ཁག་ནས་བོད་ཀྱི་སྐད་ཡིག་འཆད་ཁྲིད་དང་ཡིག་སྒྱུར་གྱི་ལས་ལ་གཞོལ་ཏེ་གོང་རིམ་འགོ་ཁྲིད་དང་རྒྱ་ཆེའི་མང་ཚོགས་ཡོངས་ནས་དགའ་བསུ་བླ་མེད་ཐོབ།བྱ་བའི་དགོས་དབང་གིས་ད་ལྟ་རྨ་ལྷོ་ཁུལ་རྩེ་ཁོག་རྫོང་དམའ་རིམ་སློབ་འབྲིང་དུ་སློབ་གསོའི་ལས་དོན་ལ་མུ་མཐུད་ནས་བརྩོན་བཞིན་ཡོད། ཁོ་ནི་བོད་རང་གི་ཐུན་མོང་མ་ཡིན་པའི་རིག་གནས་ལ་དུངས་ཞེན་ཟབ་མོ་ཡོད་ཅིང་།ཁྱད་པར་བོད་ཀྱི་ཡིག་གཟུགས་སྒྱུ་རྩལ་ལ་དགའ་ཞེན་དང་འབད་འབུངས་རབ་ཏུ་བྱེད་པའི་གཞོན་སྐྱེས་སློབ་གསོ་བ་ཞིག་ཡིན།
|
|
