བྱ་མདོ་བུན་ཁྲང་ཚེ་རིང་གི་ཡིག་གཟུགས་འགྲེམས་སྟོན་ཐེངས་བཞི་བ།
སྤྱི་ལོ་༢༠༡༨ལོའི་ཟླ་༩་བའི་ཚེས་༡༤ཉིན་མང་རྫོང་མགོ་མང་ཆོལ་གསུམ་མི་རིགས་རིག་གནས་ལྟེ་གནས་སུ་བྱ་མདོ་བུན་ཁྲང་ཚེ་རིང་གི་ཡིག་གཟུགས་འགྲེམས་སྟོན་ཐེངས་བཞི་བ་བདེ་ལེགས་ངང་སྤེལ་འགྲུབ་བྱུང་། མཚོ་སྔོན་ཞིང་ཆེན་གྱི་རིག་གནས་དང་གསར་འགྱུར་པར་སྐྲུན་ཐིན་ཀྲང་གཞོན་པ་ཟི་ཚེ་རིང་དང་མི་དོན་ཁྲུའུ་ཀྲང་ཀྲང་ཀྲན་མེན། མི་དོན་ཁྲུའུ་ཀྲང་གཞོན་པ་ལི་ཡན། མཚོ་ལྷོ་ཁུལ་རིག་གནས་ལུས་རྩལ་རྒྱང་སྒྲོག་ཅུས་ཀྲང་ཀུག་བིན་ཅོན། རྒྱུན་ལས་རྫོང་དཔོན་གཞོན་པ་འབྲུག་འབུམ་རྒྱལ། རྫོང་དཔོན་གཞོན་པ་ལི་ཡུའུ་ཆིན་སོགས་གཙོ་བྱས་པའི་ཞིང་ཆེན་ཡོངས་ཀྱི་གྲོང་ཁྱེར་དང་ཁུལ། ཐད་གཏོགས་རྫོང་སོགས་ནས་ཁུལ་གསུམ་ཆེད་དོན་ལས་སྒྲུབ་མི་སྣ་༨༠ལྷག་འགྲེམས་སྟོན་ཡུལ་དངོས་སུ་ཕེབས། ཁོ་བོས་རང་གི་ཡིག་གཟུགས་སྒྱུ་རྩལ་གཙོ་བྱས་ཏེ་དབུས་བྲིས་དང་གཙང་བྲིས། གཞུང་བྲིས། སྙེ་བྲིས་སོགས་ཀྱི་ཡིག་གཟུགས་ཀྱིས་མཆོད་པས་སྐུ་མགྲོན་རྣམ་པར་བསུ་བ་བྱས།
|
|
