རྩེ་ཁོག་རྫོང་ནས་སློབ་མའི་ཡིག་གཟུགས་དང་མཛེས་རྩལ་འགྲན་བསྡུར་སྤེལ་བ།
༄༅།།རྩེ་ཁོག་རྫོང་སྐབས་དང་པོའི་ཆུང་འབྲིང་སློབ་མའི་ཡིག་གཟུགས་དང་མཛེས་རྩལ་འགྲན་བསྡུར་བྱ་འགུལ་༢༠༡༨ལོའི་ཟླ༦ཚེས་༡༢ཉིན་སྤེལ།
བྱ་འགུལ་འདི་ནི་རྩེ་ཁོག་རྫོང་སློབ་གསོ་ཅུའི་ཡན་ལག་ལོ་ཆུང་གཞོན་ནུའི་བྱ་འགུལ་ལྟེ་གནས་ཀྱིས་གཙོ་སྒྲུབ་བྱས་ཤིང་། ལག་བསྟར་རྩ་འཛུགས་པ་ནི་ལོ་ཆུང་གཞོན་ནུའི་བྱ་འགུལ་ལྟེ་གནས་ཀྱི་ཀྲུའུ་རེན་རྟ་མགྲིན་ལགས་ཡིན། བྱ་འགུལ་ཁྲོད་ཕེབས་པའི་གདན་ཞུའི་འགོ་ཁྲིད་ནི་རྩེ་ཁོག་རྫོང་སློབ་གསོ་ཅུའི་རྒན་འཇམ་དབྱངས་ཉི་མ་ལགས་དང་། རེབ་འདིའི་དཔྱད་འདེམས་པ་སོ་སོ་ནི་རྩེ་ཁོག་རྫོང་རིག་གནས་དཔེ་མཛོད་ཁང་གི་འགོ་ཁྲིད་མཁར་ལོ་རྒྱལ་ལགས་དང་། རྒན་བསོད་ནམས་རྒྱལ། རྒན་ནམ་མཁའ་བཀྲ་ཤིས། རྒན་ལྷ་ལྷ་རྒྱལ། རྒན་འཇིགས་མེད་བཀྲ་ཤིས་བཅས་ཡིན།
ཐེངས་འདིའི་འགྲན་བསྡུར་ཁྲོད་རྩེ་ཁོག་རྫོང་གི་སློབ་གྲྭ་ཉེར་གསུམ་དང་། སློབ་ཁུལ་སོ་སོའི་སློབ་མ་ཕུལ་བྱུང་ཅན་བདུན་ཅུ་ལྷག་ཞུགས་ཡོད། འགྲན་བསྡུར་གྱི་རིམ་པ་ལ་ཨང་དང་པོ་དང་གཉིས་པ་གསུམ་པ་བཅས་ཡོད་པ་མ་ཟད། རྟིང་སྐུལ་གྱི་ཚུལ་དུ་འགྲན་ཞུགས་སློབ་གྲོགས་ཡོངས་ལའང་འོས་འཚམས་ཀྱིས་ལེགས་སྐྱེས་རེ་ཕུལ་ཡོད།
|
|
