ཞང་བོད་ཡིག་གཟུགས་ཀྱི་གནས་ཚུལ།
སྤྱི་ལོ་༢༠༡༨ལོའི་ཟླ་༦་པའི་ཚེས་༨ནས་༡༠་བར་བོད་ལྗོངས་ཆབ་མདོ་གྲོང་ཁྱེར་དུ། རྒྱལ་ཁབ་གཞུང་གི་དབུ་ཁྲིད་རྣམས་ཀྱིས་རྒྱབ་སྐྱོར་སྣེ་ཁྲིད་འོག་དངོས་མིན་རིག་གནས་ཤུལ་བཞག་གི་དུས་ཆེན་བསུ་བ་བྱས་པ་དང་། རིམ་པ་གོང་འོག་ཏུ་ཚུད་པའི་དངོས་མིན་རིག་གནས་ཤུལ་བཞག་རིག་རྩལ་སྣ་མང་འགྲེམས་སྟོན་ཆབ་མདོ་ཇ་རྟའི་ཐང་ཆེན་དུ་སྤེལ་བའི་ཁྲོད་ཞང་ཞུང་སྒོ་པའི་ཡུལ་གྲུ་ཁམས་ཁྱུང་པོ་སྟེང་ཆེན་ནས་དར་ཞིང་། གནའ་ནས་ད་བར་ཁྱུང་པོ་མི་ཡིས་རྒྱུན་འཛིན་བྱས་པའི་《ཞང་བོད་ཀྱི་ཡིག་བྲིས་》ནི་ཁྱད་ཆོས་ཕུན་སུམ་ཚོགས་ཤིང་ལོ་རྒྱུས་ཡུན་རིང་ལྡན་པ་ཞིག་ཡིན་ཕྱིར། ཁྱུང་པོ་སྟེང་ཆེན་རྫོང་རིག་གནས་ལས་ཁུང་གི་དབུ་ཁྲིད་རྣམས་ཀྱིས་བཀོད་སྒྲིགས་འོག ཞང་བོད་ཡིག་གཟུགས་དུས་ཆེན་དེའི་སྐབས་དངོས་སུ་འགྲེམས་སྟོན་བྱ་འགུལ་ལ་ཞུགས་པ་མ་ཟད། རིམ་པ་གོང་འོག་གི་དབུ་ཁྲིད་དང་མཁས་དབང་། མང་ཚོགས་ཚང་མས་བསྔགས་བརྗོད་དང་ཡིད་སྨོན་ཚད་མེད་གནང་བ་དང་འབྲེལ་ཞང་བོད་ཡིག་གཟུགས་ཀྱི་དབུ་འཕང་དགུང་དུ་བསྙེགས་ཤིང་རྒྱུད་འཛིན་མི་སྣའི་རླུང་རྟ་གྱེན་དུ་བསྒྲེངས་བར་བྱས།
|
|
