ཀན་ལྷོའི་བོད་ཀྱི་ཡིག་མཁན་མཐུན་ཚོགས་གཞི་རིམ་དུ་བསྐྱོད་པ།
甘南藏文书法家协会深入基层开展工作
བྲག་ཁུང་ལུང་སློབ་ཁུལ་གྱི་དགེ་རྒན་རྣམ་པ་དང་མཉམ་པར།
སྤྱི་ཟླ་༦པའི་ཚེས་༩ནས་ཚེས་༡༠ལ། ཀན་ལྷོ་བོད་རིགས་རང་སྐྱོང་ཁུལ་བོད་ཀྱི་ཡིག་མཁན་མཐུན་ཚོགས་ཀྱི་ཚོགས་གཙོ་རྒན་སངས་རྒྱས་བཀྲ་ཤིས་ཀྱིས་སྣེ་ཁྲིད་དེ་ཚོགས་མི་རྟ་མགྲིན་མགོན་པོ་དང་བསོད་ནམས་ཚེ་རིང་། འཇིགས་མེད་ཆོས་དར། ཁ་གྱ་འཇིགས་མེད། ཆོས་འཁོར་བསྟན་འཛིན། བཀྲ་ཤིས་དོན་གྲུབ། མགོན་པོ་སྐྱབས། བན་དེ་ཚེ་རིང་། འཇམ་དཔལ་ཚེ་ལོ། སྐལ་བཟང་དོན་གྲུབ། ཨ་ལ་དུང་དཀར་སོགས་ཅོ་ནེ་བྲག་ཁུང་ལུང་ལོ་དགུའི་ལམ་ལུགས་ཀྱི་སློབ་གྲྭ་དང་ཉིན་པ་སློབ་ཁུལ་དུ་སོང་ནས་བོད་ཡིག་ཡིག་གཟུགས་ཀྱི་སྐོར་ནས་བསམ་བློ་བརྗེ་རེ་བྱས་ཤིང་། དགེ་སློབ་སྟོང་ལྷག་དང་མང་ཚོགས་ལ་ཡིག་གཟུགས་ཀྱི་ལེགས་སྐྱེས་གྱ་ནོམ་པ་ཕུལ་ནས་མ་འོངས་པར་གནས་འདི་ནས་ཡིག་གཟུགས་ཀྱི་བསྟན་པ་དར་བའི་བཀྲ་ཤིས་སྨོན་འདུན་ཞུས་ཡོད་དོ།།
|
|
