༄༅།།བོད་ཀྱི་ཡིག་མཁན་སྐལ་བཟང་བཀྲ་ཤིས་མཚམས་སྦྱོར།

     སྐལ་བཟང་བཀྲ་ཤིས། པུར་མིང་ལ་ཨ་ནུ་སྐལ་བཟང་བཀྲ་ཤིས་ཟེར། བོད་རིགས།   1978ལོར་མཛོད་དགེ་སྟོད་ཀྱི་ཆར་རུ་སྟོད་མའི་ཡུལ་ཚོ་རུ་སྐྱེས།   སློབ་གྲྭ་ཆུང་འབྲིང་བརྒྱུད་མཐར་སྤྱི་ལོ2000ལོ་ནས་བཟུང་དགེ་རྒན་གྱི་བྱ་བ་གཉེར། ད་ལྟ་རྨ་ཆུ་རྫོང་བོད་སློབ་འབྲིང་གི་ཡིག་གཟུགས་དང་རི་མོའི་དགེ་རྒན་གྱི་འགན་འཁུར་བཞིན་ཡོད།

    ཀན་སུའུ་ཞིང་ཆེན་ཡིག་གཟུགས་མཐུན་འཚོགས་ཀྱི་ཚོགས་མི་དང་།   རྨ་ཆུ་རྫོང་བོད་ཀྱི་སྲོལ་རྒྱུན་རི་མོ་སྲུང་སྤེལ་ལྟེ་གནས་ཀྱི་ཁོངས་མི།   ན་ནིང་ལོར་ཆེད་དུ་ཡིག་གཟུགས་རིག་གནས་ཀྱི་ཚོང་རའི་དགོས་མཁོ་དང་ལས་དང་བོ་བར་མཐུན་རྐྱེན་ཨེན་ཙམ་རེ་ཡོང་ཕྱིར།   ཨ་ནུ་རྟགས་ཅན་བོད་ཀྱི་ཡིག་ཆས་ལས་སྣོན་བྱེད་བཞིན་ཡོད།   བརྩམས་ཆོས་ལ་ཡིག་གཟུགས་མཐོང་བ་དགའ་སྐྱེད་དང་དབུ་ཅན་ཡིག་གཟུགས་འབྲི་དེབ་སོགས་ཡོད།