དྲ་ཚིགས་གསར་འགོད་པས་རྒྱུས་ལོན་བྱས་པ་ལྟར་ན། ད་ལོའི་ཟླ4བའི་ཚེས30ཉིན། མགོ་ལོག་ཁུལ་རྨ་སྟོད་རྫོང་ཧོར་སྐོར་དགོན་པས་བོད་ཀྱི་ཡིག་གཟུགས་དུས་ཆེན་སྐབས་གཉིས་པ་བསུ་བའི་བྱེད་སྒོ་རྒྱ་ཆེར་སྤེལ། ཡུལ་དངོས་ཀྱི་རྣམ་པའི་ཟུར་ཙམ་བཀོད་ན་གཤམ་ལྟར།
མགོ་ལོག་ཁུལ་རིག་གནས་ཅུས་དང་། མགོ་ལོག་ཁུལ་མི་རིགས་སྐད་ཡིག་བྱ་བའི་གཞུང་ལས་ཁང་། མགོ་ལོག་ཁུལ་མང་ཚོགས་སྒྱུ་རྩལ་ཁང་བཅས་ཀྱིས་ཁུལ་གེ་སར་བཀོད་ཐང་དུ་རྒྱལ་ཡོངས་མི་རིགས་མཐུན་སྒྲིལ་དཔེ་སྟོན་ཁུལ་གསར་འཛུགས་དང་མི་རིགས་སྲོལ་རྒྱུན་ཕུལ་བྱུང་རིག་གནས་རྒྱུད་འཛིན་བྱེད་པ་གཙོ་བྱང་ཡིན་པའི་བོད་ཀྱི་ཡིག་གཟུགས་དུས་ཆེན་ལ་རྟེན་འབྲེལ་ཞུ་བའི་བྱ་འགུལ་མཛད་སྒོ་སྤེལ།
ཐེངས་འདིའི་བྱ་འགུལ་དུ་མགོ་ལོག་ཁུལ་ཐོག་གི་སློབ་གྲྭ་བརྒྱད་ཞུགས་ཡོད་པ་དང་། དགེ་སློབ་ཉིས་བརྒྱ་བཞི་བཅུ་ལྷག་དང་། སྤྱི་ཚོགས་ལས་རིགས་སོ་སོའི་བྲིས་ཞེན་པ་ཉི་ཤུ་ལྷག་བཅས་ཀྱི་བྲིས་ཆོས་སུམ་བརྒྱ་ཉི་ཤུ་ཙམ་འགྲེམ་སྟོན་དུ་ཞུགས། དེའི་ནང་ནས་སློབ་མ48ལ་སོ་སོར་ཡིག་གཟུགས་ཨང་དང་པོ་དང་། གཉིས་པ། གསུམ་པ་བཅས་ཀྱི་བྱ་དགའ་སྤྲད། ཡིག་གཟུགས་འགྲེམ་སྟོན་འདི་ལ་ཕེབས་མཁན་གྱི་ལྟད་མོ་བ་མི2000ཡན་ཟིན་ཡོད།
|
|
