༄༅། །ཀན་ལྷོའི་གཙོས་དགོན་པས་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་སྐབས་གཉིས་པ་བསུས་པ།
སྤྱི་ཟླ་༤པའི་ཚེས་༣༠ཉིན་ཏེ་ནག་ཟླའི་ཉ་ལ་མདོ་སྨད་གཙོས་དགའ་ལྡན་ཆོས་གླིང་གི་རིག་ཚལ་སློབ་གྲྭས་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་སྐབས་གཉིས་པ་བསུས་པ་དང་སྐབས་དང་པོའི་སློབ་མའི་ཡིག་གཟུགས་འགྲན་སྡུར་གྱི་བརྩམས་ཆོས་འགྲེམ་སྟོན་བྱས། ཐེངས་འདིར་སློབ་གྲྭས་ཆེད་དུ་གདན་ཞུས་བྱས་པའི་བོད་ཀྱི་ཡིག་མཁན་ཆེན་མོ་ཆོ་ཚང་རྡོར་བྷ་ལགས་འགྲེམ་སྟོན་མཛད་སྒོར་ཞུགས་ཤིང་། དགོན་པ་རང་གི་དོ་དམ་མི་སྣ་དང་སློབ་གྲྭའི་དགེ་སློབ་བཅས་ཀྱིས་ཐེངས་འདིར་བརྩམས་ཆོས་ལ་དཔྱད་སྡུར་གནང་། དཔྱད་འདེམས་གནང་བའི་བརྒྱུད་རིམ་དུ་བརྩམས་ཆོས་༥༧ ལས་བཅུ་དྲུག་གདམས་པ་དང་། དེ་ལས་རྟིང་སྐུལ་དང་ཕུལ་བྱུང་། ཨང་གསུམ་པ་དང་། གཉིས་པ། དང་པོ་བཅས་བརྩམས་ཆོས་༡༠ གདམས།
དོ་དམ་ཁང་གི་ཀྲུའུ་རིན་གྱིས་གསུངས་བཤད་གནང་བ།
ཐེངས་འདིའི་འགྲན་སྡུར་ནི་དོ་དམ་ཁང་དང་ངེད་སློབ་གྲྭའི་སློབ་དོན་ཁང་གཉིས་ཀྱིས་ཐག་བཅད་པ་ལྟར་༢༠༡༧ ལོར་ཀན་ལྷོའི་སློབ་གྲྭ་ཆུང་འབྲིང་གི་སློབ་མའི་ཡིག་གཟུགས་འགྲན་སྡུར་ཁྲོད་སྦྱངས་འབྲས་རྩེ་གྲ་ལོན་པའི་རྗེས་སློབ་གྲྭ་ནང་ཁུལ་དུ་སྤེལ་པའི་ཡིག་གཟུགས་འགྲན་སྡུར་གྱི་བྱ་འགུལ་ཞིག་ཡིན་ལ། འགྲན་སྡུར་འདི་འདྲ་སྤེལ་པ་ནི་གྲྭ་བཙུན་སློབ་མ་དག་ལ་སྦྱོང་བརྡར་དང་བྱང་གོམས། བློ་སྤོབས། ཉམས་མྱོང་། འདུན་པ། བརྩོན་སེམས་བཅས་ཡར་ལྡན་དུ་གཏོང་བ་དམིགས་ཡུལ་དུ་བཟུང་ཡོད།
ཡིག་མཁན་རྡོར་བྷ་ལགས་ཀྱིས་ཡིག་སྐྱེས་གནང་བ།
གཞན་ལཉྫ་ཁོ་ནའི་ལམ་ནས་ཆེད་བྲིས་བྱས་པའི་ཚེ་ལྷ་རྣམ་གསུམ་གྱི་གཟུངས་རིང་སྨི་༡༥ཅན་དང་། དེ་མིན་བརྩམས་ཆོས་སུམ་ཅུ་ལྷག་དུས་འཁོར་རྩ་རྒྱུད་གསུངས་པའི་ཉིན་དུས་འདིར་རྟེན་འབྲེལ་གྱིས་བཤམ་སྟོན་བྱས་ཡོད།
ཡིག་མཁན་རྡོར་བྷ་ལགས་ཀྱིས་ཡིག་སྐྱེས་གནང་བ།
གཙོས་དགོན་རིག་ཚལ་སློབ་གྲྭ་ནི་༢༠༡༧ལོར་སྐྱབས་མཆོག་༧ བསེ་རྡོ་རྗེ་འཆང་གི་ཐུགས་བཀོད་དང་བླ་གྲྭ་ཡོངས་ཀྱི་དད་འདུན་རྩེ་གཅིག་པའི་རེ་འདུན་ལྟར་གསར་དུ་བཙུགས་ཏེ་ད་བར་དུ་ལོ་གཅིག་ལས་ཕྱིན་མེད་ནའང་། སློབ་མའི་དོ་དམ་དང་སློབ་ཁྲིད་ཀྱི་སྤུས་ཀ་བཅས་ཧ་ཅང་ཚགས་དམ་པས། ཆོས་རིག་གང་ཅིའི་ཐད་སྦྱངས་འབྲས་གཡུར་དུ་ཟ་བ་ལོན་དང་ལེན་བཞིན་ཡོད་པ་དང་། མ་འོངས་པར་ཡང་དགོན་པ་རང་གི་རྐང་འཛིན་མི་སྣ་དང་བོད་པའི་ཆོས་དང་རིག་གཞུང་ལ་ཞབས་འདེགས་བླ་མེད་ཞུ་ཐུབ་པའི་རེ་བ་དང་སྨོན་འདུན་འགྲན་པ་བཞིན་དུ་ཡོད་དོ་ཞེས་སློབ་དོན་ཁང་ནས་ཟླ་༤ ཚེས་༣༠ ལ།
དཔྱད་འབྲས་ཕྱོགས་སྡོམ་གནང་བ།
ཡིག་མཁན་དང་དགོན་པའི་གྲྭ་བཙུན། ལྷ་སའི་སློབ་མ་འགས་ཡིག་གཟུགས་འབྲི་བཞིན་པ།
ཡིག་མཁན་དང་དགོན་པའི་གྲྭ་བཙུན། ལྷ་སའི་སློབ་མ་འགས་ཡིག་གཟུགས་འབྲི་བཞིན་པ།
ཡིག་མཁན་དང་དགོན་པའི་གྲྭ་བཙུན། ལྷ་སའི་སློབ་མ་འགས་ཡིག་གཟུགས་འབྲི་བཞིན་པ།
ཡིག་མཁན་དང་དགོན་པའི་གྲྭ་བཙུན། ལྷ་སའི་སློབ་མ་འགས་ཡིག་གཟུགས་འབྲི་བཞིན་པ།
ཡིག་མཁན་དང་དགོན་པའི་གྲྭ་བཙུན། ལྷ་སའི་སློབ་མ་འགས་ཡིག་གཟུགས་འབྲི་བཞིན་པ།
ཡིག་མཁན་དང་དགོན་པའི་གྲྭ་བཙུན། ལྷ་སའི་སློབ་མ་འགས་ཡིག་གཟུགས་འབྲི་བཞིན་པ།
འགྲེམ་སྟོན་བརྩམས་ཆོས་ཁག
འགྲེམ་སྟོན་བརྩམས་ཆོས་ཁག
འགྲེམ་སྟོན་བརྩམས་ཆོས་ཁག
འགྲེམ་སྟོན་བརྩམས་ཆོས་ཁག
འགྲེམ་སྟོན་བརྩམས་ཆོས་ཁག
འགྲེམ་སྟོན་བརྩམས་ཆོས་ཁག
འགྲན་ཞུགས་བརྩམས་ཆོས་ཁག་ཅིག
འགྲན་ཞུགས་བརྩམས་ཆོས་ཁག་ཅིག
འགྲན་ཞུགས་བརྩམས་ཆོས་ཁག་ཅིག
འགྲན་ཞུགས་བརྩམས་ཆོས་ཁག་ཅིག
དགེ་སློབ་མཉམ་པར།
|
|
