དག་སའི་བསམ་གྲུབ་གྱིས་གསུངས་དོན། དེ་ཡང་ཐོག་མར་ཀ་ཁ་དང་། དེ་ནས་ཟློས་ཧྲལ། ཚུགས་རིང་། ཚུགས་ཐུང་། ཚུགས་མ་འཁྱུག འཁྱུག་ཡིག་བཅས་གཟུགས་རིས་ཆེ་བ་ནས་ཆུང་བའི་བར་རིམ་བཞིན་སྦྱོང་དགོས། དེ་ནས་ཤོག་ཐོག་ལ་རིམ་བཞིན་བྲིས་ན་ལེགས་སོ།།
རྒན་བསྟན་འཛིན་ལགས་ཀྱིས་ཁ་གསབ་ཏུ་དབུ་མེད་ཡིག་གཟུགས་སྦྱོང་བའི་གོམ་པ་གཉིས་པ་ཟློས་ཧྲལ་ནི། ར་མགོ་ཅན་བཅུ་གཉིས་དང་། ལ་མགོ་ཅན་བཅུ། ས་མགོ་ཅན་བཅུ་གཅིག ཡ་བཏགས་ཅན་བདུན། ར་བཏགས་ཅན་བཅུ་བཞི། ལ་བཏགས་ཅན་དྲུག ཝ་བཏགས་ཅན་བཅུ་གཉིས། དེའི་སྟེང་དུ་ཡ་བཏགས་ཅན་བདུན་ལ་ཞབས་ཀྱུ་ཅན། ར་བཏགས་བཅུ་བཞིར་ཞབས་ཀྱུ་ཅན། ལ་བཏགས་ཅན་དྲུག་ལ་ཞབས་ཀྱུ་ཅན་དེ་དག་ལ་ཟློས་ཧྲལ་ཟེར།
|
|
