ཀླུ་ཆུ་རྫོང་གི་རིག་རྩལ་ལེ་ཚན་གཞི་རིམ་དུ་སྐྱེལ་བ་ཞེས་པའི་འདུ་བྱེད་དེ་༢༠༡༧ལོའི་ཟླ་༡༢པའི་ཚེས་༢༩ཉིན་ཀླུ་ཆུ་རྫོང་མ་ངེ་གྲོང་བརྡལ་དཔལ་སྒར་སྡེ་བའི་རིག་གནས་ཐང་ཆེན་ནས་གཟབ་རྒྱས་ངང་སྤེལ།
ཐེངས་འདིའི་བྱ་འགུལ་གྱི་ནང་དོན་ལ་རིག་རྩལ་འཁྲབ་སྟོན་དང་། ཡིག་གཟུགས་འགྲེམ་སྟོན་སོགས་འདུ་ལ། ནམ་ཟླའི་ཙག་ཁ་རྒོད་པའི་དགུན་ཁའི་དུས་འདིར་རིག་རྩལ་འཁྲབ་སྟོན་གྱིས་མི་དམངས་ཀྱི་སེམས་སུ་སྤྲོ་ཁོལ་རྒྱས་སུ་བཅུག་པ་དང་། ཡིག་གཟུགས་འགྲེམ་སྟོན་དང་ཡིག་མཁན་རྣམ་པས་ཡུལ་དངོས་ནས་ཡིག་གཟུགས་འབྲི་བའི་རྣམ་པ་དེ་མི་དམངས་མང་ཚོགས་ཀྱི་མིག་གི་ལོངས་སྤྱོད་དུ་གྱུར་ཅིང་བསྟོད་པའི་མཐེ་བོང་སྒྲེང་། ད་དུང་བཀྲ་ཤིས་བདེ་ལེགས་དང་ཚེ་རིང་ལོ་བརྒྱ་ལྟ་བུའི་ཤིས་ཚིག་ཐུང་ངུའི་ལེགས་སྐྱེས་སྟེར་བ་དེས་མི་དམངས་མང་ཚོགས་ཀྱི་སེམས་སུ་སྨྲ་མི་ཤེས་བའི་སྤྲོ་བས་བརྟས་ཡོད། ཐེངས་འདིའི་འདུ་བྱེད་བརྒྱུད་ནས་དེར་འདུས་ཀྱི་མང་ཚོགས་རྣམས་ལ་རང་ཅག་ཁ་བ་ཅན་ལ་འདི་འདྲའི་བླ་མེད་ཀྱི་ཡིག་གཟུགས་འབྲི་རྒྱུན་ཡོད་པའི་བག་ཆགས་ཟབ་མོ་ཞིག་ཀྱང་བཞག་ཡོད་དོ།།
|
|
