སྤྱི་ལོ་༢༠༡༧ལོའི་ཟླ་༡༡པའི་ཚེས་༦ཉིན་ལྷོ་ཁ་གྲོང་ཁྱེར་གྱིས་སྣང་ཆེན་བཞི་དང་དགའ་ཞེན་བཞི། ཏང་གི་ཚོགས་ཆེན་བཅུ་དགུ་པ་རྒྱལ་ཁའི་ངང་བསྐོང་ཚོགས་བྱུང་བར་བཀྲ་ཤིས་རྟེན་འབྲེལ་ཞུ་བ་སོགས་ཀྱི་ཆེད་དུ། ཡིག་གཟུགས་དང་། པར་ལེན་། རི་མོ་བཅས་ཀྱི་རྣམ་པའི་ཐོག་ནས་སྣང་ཆེན་བཞི་དང་དགའ་ཞེན་བཞིའི་བྱེད་སྒོའི་གྲུབ་འབྲས་དང་རང་གྲོང་ཁྱེར་གྱི་རིག་གནས་འཛུགས་སྐྱོང་ཟམ་མི་ཆད་པར་གོང་འཕེལ་གཏོང་བའི་འགྲེམ་སྟོན་བྱེད་སྒོ་ལྷོ་ཁ་གྲོང་ཁྱེར་དཔེ་མཛོད་ཁང་དུ་སྤེལ།
ཐེངས་འདིའི་བྱེད་སྒོ་ནི་ལྷོ་ཁ་གྲོང་ཁྱེར་རིག་གནས་ཅུས་དང་། གྲོང་ཁྱེར་རིག་རྩལ་ལྷན་ཚོགས་ཀྱིས་སྤེལ་བ་ཡིན་ལ། བྱ་འགུལ་ཧྲིལ་བོ་གཟབ་རྒྱས་ངང་ལྷོ་ཁ་གྲོང་ཁྱེར་དཔེ་མཛོད་ཁང་དུ་སྤེལ་བ་རེད།
འགྲེམ་སྟོན་བྱ་བའི་ཐོག་མཐའ་བར་གསུམ་ལ་ཇུས་བཀོད་ལེགས་ཞིང་གོ་རིམ་ཚགས་དམ་ལ་ནང་དོན་ཕུན་སུམ་ཚོགས་པ་ལྡན་ཡོད་པས་ས་གནས་མི་རིགས་ཀྱི་རིག་གནས་དར་སྤེལ་དང་རྒྱ་ཆེའི་མི་དམངས་མང་ཚོགས་ཀྱི་རིག་གནས་འཚོ་བའི་ནང་དོན་ཕུན་སུམ་ཚོགས་པར་བཏང་ཡོད་པ་མ་ཟད། ལྷག་དོན་བོད་ཀྱི་ཡིག་གཟུགས་རིག་གནས་འཛིན་སྐྱོང་སྤེལ་གསུམ་ལ་བག་ཆགས་ཟབ་ཀྱང་། ཕྱི་རབས་བྲིས་པ་སྐྱེད་བསྲིང་དང་བྱ་བཞག་འདི་ཉིད་ལ་མུ་མཐུད་འབད་བརྩོན་དང་དུས་བསྟུན་གོང་སྤེལ་གྱི་སྒོ་ནས་མཁས་བརྒྱ་འགྲན་གླེང་དང་མེ་ཏོག་མཉམ་བཞད་ཀྱི་རིག་གནས་ལྟ་བ་རྒྱུན་འཁྱོངས་བཅས་ལ་མཛུབ་སྟོན་དང་སྐུལ་ཁྲིད་ཀྱི་ནུས་པ་ཆེན་པོ་ཐོན་ཡོད་པ་རེད།
གཞུང་བྲིས་རྒྱུད་འཛིན་པ་རྒན་འཇུ་ཡེ་ཤེས་ཚུལ་ཁྲིམས།
ཨེ་བྲིས་རྒྱུད་འཛིན་པ་རྒན་དགའ་ཆེན་པ་རྡོ་རྗེ་ཚེ་རིང་།
ཡིག་མཁན་མདའ་ནུབ་བསྟན་འཛིན་ལགས་ཀྱིས་འབྲུ་ཚ་བྲི་བཞིན་པ།
ཡིག་མཁན་ཤག་ལྷོ་བ་ལགས་ཀྱིས་འབྲུ་ཚའི་ཡིག་གཟུགས་བྲི་བཞིན་པ།
|
|
