༢༠༡༧ལོ་ཟླ་བ༡༠ཚེས་༢༥ནས་28བར་གྱི་ཉིན་གསུམ་རིང་ལ་རྔ་བ་བོད་རིགས་རང་སྐྱོང་ཁུལ་རིག་གནས་ཅུས་ཀྱི་མགོ་ཁྲིད་དང་རྒན་ཡེ་ཤེས་འཇམ་དབྱངས་སོགས་ཐུགས་ཁུར་དང་རྒྱབ་སྐྱོར་འོག་༼ རྔ་བ་ཁུལ་སྐབས་གཉིས་པའི་བོད་ཡིག་ཡིག་གཟུགས་རྒྱུ་ཆ་བེད་སྤྱོད་གསོ་སྦྱོང་འཛིན་གྲྭ་ ༽ རྔ་བ་ཁུལ་ཐོག་ཏུ་འཚོགས།
རྫོང་ཁག་སོ་སོ་ནས་ཕེབས་པའི་ཡིག་མཁན་ལ་རྔ་བ་རྫོང་དང་མཛོད་དགེ་རྫོང་། འཛམ་ཐང་རྫོང་། ཧོང་ཡན་རྫོང་། ཟུང་ཆུ་རྫོང་། འབར་ཁམས་རྫོང་སོགས་ནས་ཕེབས་པ་མ་ཟད། གཞན་ད་དུང་ཁུལ་དགེ་འོས་སློབ་གྲྭ་བཅས་ནས་ཕེབས་པའི་ཡིག་མཁན་དང་ཡིག་གཟུགས་དགའ་ཞེན་པའང་མི་ཉུང་བ་ཞིག་ཀྱང་ཆེད་དུ་ཐེངས་འདིའི་གསོ་སྦྱོང་འཛིན་གྲྭར་ཞུགས།
ཐེངས་འདིའི་གསོ་སྦྱོང་ཐད་ཤོག་བུ་དང་སྣག་ཚའི་རྒྱུ་བརྟག་ཚུལ་དང་། ཤོག་བུའི་སྟེང་དུ་ཐིག་འདེབས་ལུགས་ནས་པར་ངོས་ཇུས་འགོད་བྱེད་སྟངས་དང་། ཡིག་མཁན་གྱི་ཆེད་ནོར་དུ་གྱུར་པའི་དམ་ཕྲུག་གམ་ཐམ་ག་རྒྱབ་ཚུལ། གཞན་ཐམ་ག་བཟོ་ཚུལ་སོགས་ཉིན་གསུམ་གྱི་རིང་ལ་གསོ་སྦྱོང་ཅ་ནོམ་པ་ཞིག་གནང་ཡོད།
གསོ་སྦྱོང་པར་རིས་དངོས་བྲིས།
གསོ་སྦྱོང་འཛིན་གྲྭའི་མཉམ་པར།
ཁུལ་ཡིག་གཟུགས་སྒྱུ་རྩལ་བཤམས་སྟོན་ཁང་གི་ཟུར་ཙམ།
ཁུལ་ཡིག་གཟུགས་སྒྱུ་རྩལ་བཤམས་སྟོན་ཁང་གི་ཟུར་ཙམ།
བཤམས་སྟོན་ཁྲོད་ཀྱི་ཡིག་གཟུགས།
ཁུལ་རིག་གནས་བཤམས་སྟོན་ཁང་གི་ཟུར་ཙམ།
ཁུལ་རིག་གནས་བཤམས་སྟོན་ཁང་གི་ཟུར་ཙམ།
རྒན་ཤན་པ་རྨེ་རི་རྩེས་སྨོན་ལམ་ཡིག་གཟུགས་འབྲི་བཞིན་པ།
|
|
