ཡིག་གཟུགས་ནི་ཤོག་བུའི་སྟེང་དུ་བཀོད་པའི་ཡིད་སེམས་ཀྱི་འགྱུར་ཁུག་ཡིན་ལ། མིག་གིས་མཐོང་ཐུབ་པའི་དབྱངས་རྟ་དང་གཟུགས་རིས་འཐབ་པའི་རོལ་དབྱངས་གསོན་པོ་ཞིག་ཀྱང་ཡིན། འདི་ལྟ་བུའི་སྒྱུ་རྩལ་གྱི་ཀློང་ནས་རེ་བའི་ས་བོན་ལ་རེ་བའི་སྨྱུ་གུ་འཁྲུངས་དགོས་ན་ངེས་པར་དུ་ཆུང་ཆུང་བྱིས་པ་ནས་འཛིན་དགོས་པའི་ཆོས་ཉིད་ཀྱིས་བསྒྱུར་ཏེ། ཀན་ལྷོ་ས་ཁུལ་ཀྱིས་ཁུལ་ཡོངས་ཀྱི་ཆེས་ཐོག་མའི་སློབ་གྲྭ་ཆུང་འབྲིང་གི་བོད་ཀྱི་ཡིག་གཟུགས་འགྲན་སྡུར་སྤྱི་ཟླ༡༠བའི་ཚེས་༡༣ཉིན་གྱི་སྔ་དྲོ་ཀན་ལྷོ་ཁུལ་རིག་གནས་ཐོག་ཁང་ཆེན་མོ་ནས་སྤེལ།
བྱ་དགའ་དང་འགྲེམ་སྟོན་མཛད་སྒོའི་ཡུལ་དངོས།
ཐེངས་འདིའི་བྱ་འགུལ་ནི་ཁུལ་ཨུ་དང་ཁུལ་མི་དམངས་སྲིད་གཞུང་། ལྷོ་ཁུལ་རིག་གནས་ཅུས། ཁུལ་རིག་གནས་སྒྱུ་རྩལ་མཉམ་འབྲེལ་ལྷན་ཚོགས་སོགས་ཀྱི་རྒྱབ་སྐྱོར་འོག ཁུལ་བོད་ཀྱི་ཡིག་གཟུགས་མཁན་པ་མཐུན་ཚོགས་ཀྱིས་ཟླ་ངོ་གསུམ་རིང་ལ་དཀའ་སྤྱད་འབད་བརྩོན་བྱས་པ་བརྒྱུད་ལེགས་འགྲུབ་བྱུང་པའི་ལོ་མགོ་འཆར་གཞི་གལ་ཆེན་དངོས་འབེབས་བྱས་པ་ཞིག་ཡིན།
མཛད་སྒོའི་ཟུར་ཅིག
འགྲན་སྡུར་ཧྲིལ་བོར་ཁུལ་ཡོངས་ཀྱི་བོད་རིགས་སློབ་གྲྭ་ཆུང་འབྲིང་༡༣ལྷག་ཞུགས་ཡོད་པ་དང་། སྡོམ་པས་བརྩམས་ཆོས་276འབྱོར་ཡོད། དེའི་ཁྲོད་ན་སློབ་ཆུང་སྐོར་ལ་བརྩམས་ཆོས་146དང་། སློབ་འབྲིང་གི་སྐོར་ལ་བརྩམས་ཆོས་130ཡོད།
སྐབས་དང་པོའི་དཔྱད་འདེམ།
སྐབས་དང་པོའི་དཔྱད་འདེམ།
དཔྱད་འདེམ་བརྒྱུད་རིམ་ཁྲོད་འགྲན་སྡུར་ལས་འཛིན་ཚོགས་པས་ཐོག་མཐའ་བར་གསུམ་དུ་དྲང་བདེན་དང་གཟབ་ནན་རྒྱུན་འཁྱོངས་བྱས་ཤིང་། རེ་སྐུལ་དང་གསོ་སྐྱོང་དམིགས་ཡུལ་དུ་བཟུང་ནས། སྔ་རྗེས་གཉིས་སུ་དགར་ཏེ་དཔྱད་བསྡུར་ནན་མོ་བྱས་པ་མ་ཟད། བརྩམས་ཆོས་130ལྷག་ལ་གོང་གཤམ་སྤྲོས་དེ་འགྲེམས་སྟོན་བྱ་རྒྱུ་བྱས་ཡོད།
སྐབས་གཉིས་པའི་དཔྱད་འདེམ་ཡུལ་དངོས།
སྐབས་གཉིས་པའི་དཔྱད་འདེམ་ཡུལ་དངོས།
བྱ་དགའ་གནང་པ་དང་འགྲེམས་སྟོན་གྱི་མཛད་སྒོ་ཁུལ་རིག་གནས་ཐོག་ཁང་གི་འདུ་ཐང་བཀྲ་ཤིས་གཡས་འཁྱིལ་དུ་སྤེལ་ལ། ཚོགས་ཐོག་ཏུ་ཁུལ་དང་རྫོང་རིམ་པའི་འབྲེལ་ཡོད་མགོ་ཁྲིད་ཟབ་ཞུགས་བྱས་ཤིང་། རྫོང་མཁར་སོ་སོའི་སློབ་གྲྭ་ཆུང་འབྲིང་གི་སློབ་གཙོ་དང་ཡིག་གཟུགས་དགེ་རྒན། བྱ་དགའ་ཐོབ་པའི་སློབ་མ་སོགས་མི་གྲངས་༣༠༠ཙམ་ཡུལ་དངོས་སུ་ཐོན། མཛད་སྒོའི་སྟེང་འབྲེལ་ཡོད་མགོ་ཁྲིད་རྣམ་པས་གསུང་བཤད་གལ་ཆེན་གནང་ལ། བྱ་དགའ་ཐོབ་པའི་སློབ་མའི་སྐུ་ཚབ་དང་ཡིག་གཟུགས་མཛུབ་སྟོན་དགེ་རྒན་སོགས་ཀྱིས་གཏམ་བཤད་སྤེལ།
འགྲེམ་སྟོན་ཡུལ་དངོས།
ཐེངས་འདིའི་ཡིག་གཟུགས་འགྲན་སྡུར་ནི་ཁུལ་ཡོངས་ཀྱི་སློབ་གྲྭ་ཆུང་འབྲིང་གི་སློབ་མའི་སོར་རྩེ་ནས་འབུས་པའི་རེ་བའི་སྨྱུ་གུ་ཡིན་ལ། ཏང་གི་ཚོགས་ཆེན་བཅུ་དགུ་བའི་བསུ་མ་དང་ཀྲུང་གོའི་རླབས་ཆེན་གྱི་རྨི་ལམ་ལ་སྙེགས་པའི་གོམས་སྟབས་གསར་བ་ཞིག་ཀྱང་ཡིན་སྲིད། དེར་མ་ཟད་ཁུལ་ཐོག་གི་སློབ་གྲྭ་རེ་འགའི་སློབ་མ་མི་ཉུང་བ་ཞིག་འགྲེམས་སྟོན་ལ་ཞུགས་ཏེ་རང་དང་སྐལ་མཉམ་སློབ་གྲོགས་ཚོའི་སོར་མོས་བསྒྱུར་བའི་སྒྱུ་རྩལ་བརྩམས་ཆོས་ལ་རོལ་མྱོང་བྱས་རྗེས། སློབ་གྲོགས་ལ་ལས་༼ ཐེངས་འདིའི་འགྲན་སྡུར་ཁྲོད་རང་གི་སློབ་གྲོགས་གང་མ་ལ་བྱ་དགའ་ཐོབ་ཡོད་པས་ང་རང་ལའང་སྒུལ་ཤུགས་སྦྱིན་ཡོད་༽ ཟེར། ཡ་ལ་ལས ༼ རང་ཉིད་ཀྱིས་ཀྱང་ཡིག་གཟུགས་འབྲི་སྦྱོང་བྱས་ནས་མ་འོངས་པ་ན་ཡིག་གཟུགས་པ་ཞིག་བྱ་རྒྱུ་ཟེར། ༽ ལ་ལས་ ༼ ད་ཐེངས་ང་རང་བྱ་འགུལ་ལ་ཞུགས་མ་ཐུབ་པ་ནི་ཧ་ཅང་ཡིད་ཕམ་པ་ཞིག་ཏུ་གྱུར་སོང་། དེ་བས་ཐེངས་རྗེས་མ་ང་རང་ས་ཆ་གང་དུ་ཡོད་རུང་ངེས་པར་དུ་བྱ་འགུལ་འདི་རིགས་ལ་ཞུགས་རྒྱུ་ཡིན་ ༽ ལྟ་བུ་གང་མང་བཤད་བྱུང་།
འགྲེམ་སྟོན་བརྩམས་ཆོས་སྐོར་ཞིག
༼ འགྲན་བསྡུར་ཨང་རིམ་གནས་ཚུལ་ཤོག་ངོས་གསུམ་པའི་མཇུག་ཏུ་གསལ། ༽
|
|
