༢༠༢༠ལོའི་བརྩམས་ཆོས་འགྲེམ་སྟོན་ཁང་།
རྩོམ་པ་པོའི་མཚམས་སྦྱོར་མདོར་བསྡུས།
རྩོམ་པ་པོ་བ་རོད་བྱམས་པ་སངས་རྒྱས་སམ་སྨྱུག་མིང་ནས་སོན་ནི། སྔོན་མདོ་ཁམས་རྫ་ཆུ་ཁ་བའི་རིགས་ལས་ཡར་མཆེད་དེ་དེང་སྐབས་བྱང་ནག་ཆུའི་ཤར་ཕྱོགས་སུ་ཨོ་ཏོག་ཅེས་པའི་འབྲོག་སྡེ་རུ་ ༡༩༨༦ ལོར་སྐྱེས། ཆུང་དུས་ནས་བཟུང་རིག་གནས་ལ་དུང་བ་ཟབ་པའི་དབང་གིས་སེ་ར་དགོན་པ་དང་བོད་ལྗོངས་སློབ་གྲྭ་ཆེན་མོ། དེ་བཞིན་བོད་ལྗོངས་གསོ་རིག་སློབ་གླིང་སོགས་སུ་ཤེས་བྱའི་གནས་དུ་མར་སྦྱངས་པ་ལྷོད་མེད་བྱས་པ་དང་། རྒྱལ་ནང་མིང་དུ་གྲགས་པའི་དགེ་རྒན་དུ་མའི་ཞབས་ལ་གཏུགས་ནས་རིག་གནས་སྤྱི་དང་ལྷག་ཏུ་སྙན་ངག་དང་བརྡ་སྤྲོད། ཡིག་གཟུགས་གསུམ་འབུར་དུ་ཐོན་པ་ཞིག་སྦྱོང་བ་བྱས་པའི་འབྲས་བཟང་གིས། ལྗོངས་དང་རྒྱལ་ཡོངས་སོགས་ཀྱི་བྱ་དགའ་ཨང་དང་པོ་དང་གཉིས་པ་གསུམ་པ་སོགས་ཐེངས་མང་པོར་ཐོབ། སྤྱིར་བོད་ཀྱི་རིག་གཞུང་ཀུན་ལ་སྦྱངས་འབྲས་གཟེངས་སུ་ཐོན་ཏེ་མཁས་དབང་རྣམ་པས་གདེང་འཇོག་མཐོན་པོར་ཐོབ་ཡོད། ལྷག་ཏུ་མཁས་དབང་རྡོ་དགོན་གསང་བདག་རྡོ་རྗེ་མཆོག་གིས་གདེང་འཇོག་མཐོན་པོའི་དཔང་ཡིག་ཐེངས་གཉིས་གནང་མྱོང་ཡོད། སྔ་རྗེས་སུ་དྲ་རྒྱ་དང་དུས་དེབ་ཁག་ཏུ་རྩོམ་ཡིག་དང་ཡིག་གཟུགས་ཅི་མང་སྤེལ་མྱོང་བར་མ་ཟད། དཔེ་དེབ་《ངག་གི་བྲག་ཅ་》དང་། 《ཡར་ཀླུང་གི་མི་ཞིག 》 《བོད་ཀྱི་ཡིག་གཟུགས་སྣ་ཚོགས་རང་མཉམ་བློ་གསར་དགྱེས་པའི་མཆོད་སྤྲིན་》 སོགས་བརྩམས་ཏེ་འབྲེལ་ཡོད་ཚན་པ་ཁག་དང་རྒྱ་ཆེའི་མི་དམངས་ཡོངས་ཀྱིས་དགའ་བསུ་ཆེན་པོར་བྱས་དང་བྱེད་མུས་སུ་མཆིས། དེ་སྔོན་ལྷ་ས་གྲོང་ཁྱེར་ཇོ་མོ་གླང་མའི་མཐོ་རིམ་སློབ་འབྲིང་གི་དགེ་རྒན་ཡིན། ད་ལྟ་བོད་ལྗོངས་ནང་བསྟན་སློབ་གྲྭ་ཆེན་མོའི་དགེ་རྒན་གནང་བཞིན་ཡོད། བོད་ལྗོངས་རྩོམ་པ་པོའི་མཐུན་ཚོགས་དང་ཡིག་གཟུགས་མཁས་པའི་མཐུན་ཚོགས་ཀྱི་ལས་འཛིན་གྲས་སུ་ཞུགས་ཡོད།
པར་བསྐྲུན་གནང་ཟིན་པའི་ཡིག་གཟུགས་ཀ་དཔེ།
|
|
