འདན་སྤྲུལ་དགེ་འདུན་དབང་ཕྱུག་ངོ་སྤྲོད།
རེབ་གོང་རིག་པ་འབྱུང་བའི་གྲོང་ཁྱེར་གྱི་ལྟེ་བ། དཔལ་ནཱལེནྡྲ་གཉིས་པ་རོང་བོ་དཔལ་གྱི་དགོན་ཆེན་བདེ་ཆེན་ཆོས་འཁོར་གླིང་གི་ཉེ་འདབ། རོང་བོ་སྡེ་བར་༼ ༡༩༨༢ ༽ སྐྱེས། ལོ་དགུའི་སྟེང་སྒྲུབ་པའི་དགའ་ཚལ་དམ་པ་རོང་བོ་བཀྲ་ཤིས་འཁྱིལ་དུ་ཆོས་པ་རིན་པོ་ཆེ་༧འཇམ་དབྱངས་དགེ་འདུན་རྒྱ་མཚོའི་མདུན་ནས་རབ་ཏུ་བྱུང་། དགེ་བའི་བཤེས་གཉེན་འཇིགས་མེད་ཐེག་མཆོག་དང་ལྷ་སྡེ་ཨ་ཁུ་ཡོངས་འཛིན་དགེ་འདུན་བསྟན་འཛིན་གྱི་ཞབས་ལ་གཏུགས་ནས་འདོན་ཆོས་བློ་འཛིན། ཡིག་གཟུགས་འབྲི་སྦྱོང་། སུམ་རྟགས་དག་གསུམ། ལམ་རིམ་བློ་སྦྱོང་སོགས་ལ་བསླབ། རིག་འཛིན་རྡོ་རྗེ་རྒྱལ་གྱི་མདུན་ནས་སུམ་རྟགས་དག་གསུམ། ལོ་རྒྱུས་སྙན་ངག མཚམས་སྦྱོར་ལྔ་བ་སོགས་ལ་བསླབ། ལོ་ཉེར་ལྔའི་སྟེང་ཁྲི་ཆེན་བསེ་རྡོ་རྗེ་འཆང་༧བློ་བཟང་དཔལ་ལྡན་ཆོས་ཀྱི་རྡོ་རྗེའི་མདུན་ནས་བསྙེན་པར་རྫོགས། སྒོ་དམར་ཨ་ཁུ་དགེ་འདུན་དོན་གྲུབ་ལས་ལཉྫའི་བྲིས་གཟུགས་ལ་སྦྱངས། ལོ་ཉེར་དགུའི་སྟེང་འདན་སྐུ་ཕྲེང་བརྒྱད་པར་ངེས་འཛིན་བྱས། ད་ལྟ་རོང་བོ་དགོན་པའི་དམངས་གཙོ་དོ་དམ་ཁང་གི་ཀྲུའུ་རིན་གཞོན་པ་དང་། རྨ་ལྷོ་ཁུལ་ནང་བསྟན་ཐུན་ཚོགས་ཀྱི་དྲུང་ཡིག་གཞོན་པ། ཁུལ་སྲིད་གྲོས་ཀྱི་ཨུ་ཡོན། ཁུལ་ན་གཞོན་ཚོགས་པའི་ཚོགས་མི་བཅས་ཡིན།
|
|
