༢༠༡༧ལོའི་ཟླ་༦ཚེས་༢༩ཉིན་ཀྱི་ཕྱི་དྲོ་མདོ་སྨད་ཀན་ལྷོ་ཀླུ་ཆུ་རྫོང་ནས་ཏང་གི་བགྲང་བྱ་གོ་དྲུག་གི་འཁྲུངས་སྐར་ལ་བསུ་མ་དང་སྤྱོད་གཙང་སྲིད་འཛིན་བྱ་བ་དར་སྤེལ་གཏོང་རྒྱུ་བརྗོད་གཞིར་བཟུང་པའི་རིག་རྩལ་བྱ་འགུལ་རྫོང་མི་དམངས་ཚོམས་ཆེན་ནས་གཟབ་རྒྱས་ངང་སྤེལ།
ཐེངས་འདིའི་བྱ་འགུལ་ནི་རྫོང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གིས་གཙོ་སྒྲུབ་དང་། རྫོང་རྩ་འཛུགས་པུའུ། རྫོང་རིག་རྩལ་མཉམ་འབྲེལ་ལྷན་ཚོགས། རྫོང་ཨུའི་ན་གཞོན་ལྷན་ཚོགས། ཡིག་གཟུགས་དང་མཛེས་རྩལ་མཁས་པ་མཐུན་ཚོགས་བཅས་ནས་རོགས་སྒྲུབ་བྱས་པའི་སྣ་མང་རང་བཞིན་གྱི་རིག་རྩལ་བྱེད་སྒོ་ཐེངས་གཅིག་ཡིན།
བྱེད་སྒོ་འདིར་ཏང་གི་བགྲང་བྱ་གོ་དྲུག་གི་འཁྲུངས་སྐར་དང་ལོ་ངོ་གོ་དྲུག་གི་མཛད་རྗེས་ལ་བསྔགས་བརྗོད་དང་། སྤྱོད་གཙང་སྲིད་འཛིན་གྱི་བྱ་སྤྱོད་དར་སྤེལ་ལ་སྐུལ་མ་གཏོང་བའི་བརྗོད་དོན་གཙོ་བོར་བཟུང་ནས། རྒྱ་བོད་ཡིག་གཟུགས་དང་མཛེས་རྩལ། བཟོ་རྩལ་དང་དོན་བརྗོད་རི་མོ། རིག་རྩལ་འཁྲབ་སྟོན་སོགས་ལས་གྲུབ་པ་མ་ཟད། ཡིག་གཟུགས་ཐད་ནས་རྒྱ་བོད་ཡིག་གཟུགས་ལ་རང་རྫོང་གི་བྲིས་པ་༤༠ལྷག་ཞུགས་ཡོད་པ་རེད།
ཉིན་འདིར་རྫོང་ཡོངས་ཀྱི་ལས་ཁུངས་སོ་སོ་ནས་ཐོན་པའི་ལས་བྱེད་པ་བདུན་བརྒྱ་ཙམ་བྱེད་སྒོའི་ཐོག་མཐའ་བར་གསུམ་ལ་ཞུགས་ཀྱང་ཡིག་གཟུགས་སྒྱུ་རྩལ་གྱིས་མི་རྣམས་ལ་རོ་བཅུད་མངར་བའི་ཚོར་སྣང་གསར་བ་ཞིག་སྦྱིན་ཡོད་པ་རེད།
|
|
