དཀར་མཛེས་རྫོང་ནས་ཡིག་གཟུགས་དུས་ཆེན་བསུ་མའི་བྱ་འགུལ་སྤེལ་བ།
དཀར་མཛེས་རྫོང་མི་རིགས་སློབ་འབྲིང་དང་དཀར་མཛེས་ཡིག་གཟུགས་དགའ་མོས་ལྷན་ཚོགས་ཀྱིས་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་དགའ་སྟོན་གྱི་བྱེད་སྒོ་སྤེལ། སློབ་གྲྭ་ཡོངས་ཀྱི་སློབ་མ་གཉིས་སྟོང་བཞི་བརྒྱ་ལྷག་ཙམ་ཚོགས་ཆུང་བཅུ་གཉིས་ཙམ་ལ་དབྱེ་ནས་དགེ་རྒན་དཔག་བསམ་དོན་འགྲུབ་ཀྱིས་ཡིག་གཟུགས་སྦྱོང་བའི་ཕན་ཡོན་དང་མ་སྦྱོང་བའི་ཉེས་དམིགས་སོགས་དང་འབྲེལ་ནས། རྒྱལ་ཡོངས་བོད་ཀྱི་ཡིག་གཟུགས་དུས་ཆེན་དང་ཚོགས་རྟགས་སོགས་ཀྱི་སྐོར་ལ་འཆད་ཁྲིད་ཞིབ་ཕྲ་བྱས་ཞིང་། འཆད་ཁྲིད་རྗེས་སུ་སློབ་མ་སོ་སོས་ཡིག་གཟུགས་རེ་བྲིས་འབྲི་བ་དང་ཡང་ན་སྙན་ཚིག་ཤོ་ལོ་ཀ་རེ་བྲིས་ནས་དུས་ཆེན་རྟེན་འབྲེལ་ཞུས་ཤིང་རང་སེམས་ཀྱི་ཟབ་ས་ནས་བསྟོད་གླུ་གྲངས་མེད་འབུལ།
དེ་མིན་སློབ་གྲྭས་ཡིག་གཟུགས་དུས་ཆེན་འདི་དང་འབྲེལ་བའི་ཡིག་གཟུགས་འགྲན་བསྡུར་བྱེད་སྒོ་ཞིག་དྲུག་གཅིག་བྱིས་པའི་དུས་ཆེན་ནང་དུ་སྤེལ་བྱས་པ་མ་ཟད། ཐེངས་དང་པོའི་ཡིག་གཟུགས་དུས་ཆེན་ནས་བཟུང་སློབ་བུ་རྣམས་ལ་རྒྱུན་དུ་ཡི་གེ་ཡག་པོ་འབྲི་བ་དང་སློབ་སྦྱོང་ལ་འབད་བརྩོན་བྱ་དགོས་པའི་རེ་བ་ནན་འདོན་བྱས།
དང་པོ། ཡིག་གཟུགས་འཆད་ཁྲིད་བྱེད་སྒོ
སློབ་མ་རྣམས་ལ་བོད་ཀྱི་ཡིག་གཟུགས་དང་ཡིག་གཟུགས་དུས་ཆེན་སྐོར་གྱི་འཆད་ཁྲིད་གནང་བཞིན་པ།
སློབ་མ་རྣམས་ལ་བོད་ཀྱི་ཡིག་གཟུགས་དུས་ཆེན་གྱི་མཚོན་རྟགས་གསལ་བཤད་གནང་བཞིན་པ།
གཉིས་པ། ཡིག་གཟུགས་འཛིན་གྲྭའི་སློབ་མ་རྣམས་ལ་སྲོལ་རྒྱུན་གྱི་དྲི་མ་ཡལ་པའི་དཔེ་ཁྲིད་གནང་བའི་བྱེད་སྒོ།
སློབ་མ་རྣམས་ལ་བོད་ཀྱི་ཡིག་གཟུགས་དཔེ་ཁྲིད་གནང་བཞིན་པ།
གསུམ་པ། ཁམས་རིས་ལས་དོན་ཁང་དུ་ཡིག་གཟུགས་དགའ་མོས་ལྷན་ཚོགས་ཀྱིས་སྤེལ་བའི་བྱེད་སྒོ།
བཞི། སློབ་མ་སྐོར་གཅིག་གི་ཡིག་གཟུགས་བརྩམས་ཆོས།
ལྔ། སློབ་མ་རྣམས་ཀྱིས་བོད་ཀྱི་ཡིག་གཟུགས་དུས་ཆེན་ལ་ཕུལ་བའི་ཤིས་ཚིག
དྲུག སློབ་མ་སྐོར་ཞིག་གིས་རྒྱ་ཡུལ་ནས་བོད་ཀྱི་ཡིག་གཟུགས་དུས་ཆེན་སྐབས་སྤེལ་བའི་ཡིག་གཟུགས་འགྲན་བསྡུར་ཀྱི་བརྩམས་ཆོས།
བདུན། སློབ་མ་ཞིག་གིས་གངས་རིའི་འདབས་ནས་དུས་ཆེན་ལ་དགའ་སྟོན་རྟེན་འབྲེལ་ཞུ་ཚུལ།
|
|
