ནང་ཆེན་ནས་བོད་ཀྱི་ཡིག་གཟུགས་དུས་ཆེན་དབུ་བརྙེས་པར་རྟེན་འབྲེལ་ཞུས།
མདོ་ཁམས་ནང་ཆེན་དུ4.30རྒྱལ་ཡོངས་བོད་ཀྱི་ཡིག་གཟུགས་དུས་ཆེན་དབུ་བརྙེས་པའི་ཉིན་མོར། ཀ་གཞུང་ཡུལ་ཤོག་སྲིད་གཞུང་དང་། ནང་ཆེན་རྫོང་བྲིས་པ་མཐུན་ཚོགས། ཀ་གཞུང་དམངས་ཁྲོད་བྲིས་པ་མཐུན་ཚོགས་ལྷན་ནས། རྒྱལ་ཁབ་རིམ་པས་བོད་ཀྱི་རིག་གནས་དང་སྐྱེ་ཁམས་སྲུང་སྐྱོབ་ཀྱི་ཚོད་སྒྲུབ་ཡུལ་ཤུལ་དུ་དབུ་ཚུགས་པར་རྟེན་འབྲེལ་དང་། ཐེངས་དང་པོ་གངས་ལྗོངས་ཡིག་གཟུགས་སྣ་བརྒྱའི་བཤམ་སྟོན་ཆེན་མོ། ཆེས་ཐོག་མའི་གངས་ལྗོངས་སྐྱེས་མའི་ཡིག་གཟུགས་བཤམ་སྟོན་གྱི་མཛད་སྒོ ཀ་བྲིས་མཐུན་ཚོགས་དབུ་བརྙེས་ནས་ལོ་འཁོར་གསུམ་ལོན་པའི་རྟེན་འབྲེལ་གྱི་མཛད་སྒོ་ཆེན་མོ་ནང་ཆེན་དུ་སྤེལ་ནས་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་དབུ་བརྙེས་པར་རྟེན་འབྲེལ་ཞུས།
ཐེངས་འདིར་བོད་ཀྱི་ཡིག་གཟུགས100ལྷག་དང་། ཡིག་ཐང185། ཡིག་གཟུགས་ཐང་རིང་19རིང་ཚད་བསྡོམས་སྤྱི་སྨི930.5 ནང་དོན། ས་སྐྱ་ལེགས་བཤད། ཚངས་དབྱངས་རྒྱ་མཚོའི་མགུར་གླུ ཆུ་ཤིང་བསྟན་བཅོས། སུམ་རྟགས་རྩ་བ། རྒྱལ་སྲས་ལག་ལེན། མཚན་བརྗོད་སོགས་ཡོད་ལ། ད་རེས་ཀྱི་མཛད་སྒོ་འདི་ནི་འཐུས་སྒོ་ཚང་ཞིང་། གཞི་རྒྱ་ཆེ་བ་ཞིག་སྟེ། ཆེས་ཐོག་མའི་ཡིག་གཟུགས་དུས་ཆེན་དང་། ཆེས་ཐོག་མའི་གངས་ལྗོངས་སྐྱེས་མའི་ཡིག་གཟུགས་བཤམ་སྟོན་ཆེན་མོ་འདི་ནི་ལོ་རྒྱུས་ཀྱི་དབུ་ཁྱུད་གསར་པ་ཞིག་ཡིན།
བོད་ཀྱི་ཡིག་གཟུགས་དུས་ཆེན་བསུ་བའི་མཛད་སྒོའི་རྒྱབ་ལྗོངས།
དང་པོ། ཡིག་གཟུགས་དུས་ཆེན་བསུ་བའི་དབུ་འབྱེད་མཛད་རིམ།
དབུ་འབྱེད། སྐུ་མགྲོན་ངོ་སྤྲོད། གཏམ་བཤད།
ཡིག་གཟུགས་སྒྱུ་རྩལ་དུས་ཆེན་དབུ་བརྙེས་པའི་མཛད་སྒོའི་ཐོག་ཕེབས་པའི་མི་ཚོགས།
མདོ་འཛིན་པའི་དབུ་འབྱེད་ཁ་གཡང་གཏམ་བཤད།
སྐུ་མགྲོན་དང་ལྟད་མོ་བ་རྣམས།
༡ ཡིག་གཟུགས་དུས་ཆེན་ཁར་ཕེབས་པའི་གདན་ཞུའི་སྐུ་མགྲོན།
ཁུལ་ཆོས་ལུགས་ལས་ཁུངས་ཀྱི་སྤྲུལ་རིན་ཆེན་རྡོ་རྗེ། ཁུལ་དམངས་སྲིད་ལས་ཁུངས་གི་འཐུས་ཚབ་པ་ཨ་ཏོག ནང་ཆེན་རྫོང་གི་རྫོོང་གཙོ་གཞོན་པ་མེ་ཏོག ནང་ཆེན་རྫོང་གི་རྫོང་གཙོ་གཞོན་པ་ཡོན་རྒྱམ། རྫོང་ཨུའུ་རྒྱུན་ལས་ཧུང་ཡང་རུང་། རྫོང་ཨུའི་རྒྱུན་ལས་དང་རྫོང་ཁྲིམས་སྲིད་ལས་ཁུངས་ཀྱི་དབུ་ཁྲིད་བདེ་ལྡན། རྫོང་ཨུའི་རྒྱུན་ལས་དང་རྫོང་དྲིལ་བསྒྲགས་ལས་ཁུངས་ཀྱི་བསོད་ནམས་བཀྲ་ཤིས། རྫོོང་སློབ་གསོ་ལས་ཁུངས་ཀྱི་དབུ་ཁྲིད་ཤེས་རྡོར། རྫོང་རིག་གནས་ཡུལ་སྐོར་རྒྱང་སྒྲོག་བརྙན་འཕྲིན་ལས་ཁུངས་ཀྱི་དབུ་ཁྲིད་ཤེས་ཆེན་ཧྥང་། རྫོང་བུད་མེད་མཐུན་ཚོགས་ཀྱི་དབུ་ཁྲིད་དབྱངས་ཅན་དཔལ་མོ།
༢ ཡིག་གཟུགས་དུས་ཆེན་ཁར་ཕེབས་འབྱོར་བྱུང་བའི་མི་སྣ་གཞན།
མཆོག་སྤྲུལ་མི་རྣམ་རིན་པོ་ཆེ། མཁན་བསོད་ནམས། བུ་ཚེ་དབང་། ཁུལ་བརྒྱད་གཅིག་ལས་རིགས་ལག་རྩལ་སློབ་གྲྭའི་དགེན་དང་། སྒྱུ་རྩལ་པ་འཇམ་དབྱངས་ཉི་མ། ཁུལ་བོད་ཡིག་ཆེད་སྦྱོང་སྡེ་ཁག་གི་སློབ་དཔོན་དང་། ནང་ཆེན་རྫོང་བྱམས་བརྩེ་ལས་རིགས་ལག་རྩལ་སློབ་གྲྭའི་སློབ་གཙོ་ཚེ་དབང་བཀྲ་ཤིས། ཁུལ་དམངས་ཕན་ཚོགས་པའི་ཚོགས་གཙོ་ཆོས་བཟང་། ཁུལ་དཔལ་རི་གླིང་ཚོགས་པའི་ཚོགས་གཙོ་མཁན་ཀུན་དགའ། ཀརྨ་ཆོས་བཟང་། རྣམ་གྲགས།
བོད་ཀྱི་ཡིག་གཟུགས་སྒྱུ་རྩལ་པ་ཆེན་པོ་འབྲུག་པ་མི་ཕམ་རྣམ་རྒྱལ་ལགས་དང་ནང་ཆེན་རྫོང་གི་རྫོང་གཙོ་གཞོན་པ་མེ་ཏོག་གཉིས་ཀྱིས་ཐེངས་འདིར་མཛད་སྒོ་དབུ་འབྱེད་གནང་བ།
ནང་ཆེན་རྫོང་གི་རྫོང་གཙོ་གཞོན་པ་མེ་ཏོག་ལགས་ཀྱིས་རྫོང་ཨུ་དང་རྫོང་མི་དམངས་སྲིད་གཞུང་གི་འཐུས་ཚབ་ཀྱི་གཏམ་བཤད་གནང་བཞིན་པ།
ཀ་གཞུང་ཡུལ་ཤོག་སྲིད་གཞུང་གི་ཡུལ་གཙོ་བསོད་ནམས་དོན་གྲུབ་ལགས་ཀྱིས་གཏམ་བཤད་གནང་བ།
བོད་ཀྱི་ཡིག་གཟུགས་སྒྱུ་རྩལ་པ་གྲགས་ཅན་མི་རྣམ་རིན་པོ་ཆེ་མཆོག་གིས་བོད་རྒྱ་དབྱིན་གསུམ་གྱི་ཐོག་ནས་གསུང་བཤད་གནང་བ།
གཉིས་པ། ཡིག་གཟུགས་དུས་ཆེན་བསུ་བའི་རིག་རྩལ་འཁྲབ་སྟོན་མཛད་རིམ།
ཞབས་བྲོ གླུ་དབྱངས།
ནང་ཆེན་རྫོང་བྲོ་རྒན་མའི་གླུ་གར་ཚོགས་པས་འབྲོང་རྭའི་སྒྲ་སྙན་སངས་རྒྱས་བསྟན་པ་དར་སོང་ཞེས་པའི་ཞབས་བྲོས་ཡིག་གཟུགས་སྒྱུ་རྩལ་དུས་ཆེན་ལ་རྟེན་འབྲེལ་ཞུས་པ།
ཀ་གཞུང་བྲིས་ཀྱི་ཕ་སའི་གླུ་བ་སྐྱེས་བུ་ཡིས་ང་ཚོའི་མདུན་ལམ་ཞེས་པའི་གླུ་དབྱངས་ཀྱིས་ཡིག་གཟུགས་སྒྱུ་རྩལ་དུས་ཆེན་ལ་རྟེན་འབྲེལ་ཞུས་པ།
གསུམ་པ། སྣ་བརྒྱའི་ཡིག་གཟུགས་བཤམ་སྟོན་ཆེན་མོར་གཟིགས་སྐོར།
སྣ་བརྒྱའི་ཡིག་གཟུགས། གངས་ལྗོངས་སྐྱེས་མའི་ཡིག་གཟུགས།
སྲོལ་རྒྱུན་གྱི་ཡིག་གཟུགས་འབྲི་མཁན།
དེང་རབས་ཀྱི་པིར་བྲིས་འབྲི་མཁན།
བུད་མེད་བྲིས་པ་རྣམས་ཀྱིས་པིར་བྲིས་འབྲི་བཞིན་པ།
ཡིག་གཟུགས་སྒྱུ་རྩལ་ལ་གཟིགས་སྐོར།
གངས་ལྗོངས་སྐྱེས་མའི་ཡིག་གཟུགས་བཤམ་སྟོན་གྱི་ཟུར་ངོས།
ཡིག་གཟུགས་འབྲི་སར་ལྟད་མོར་གཟིགས་པ།
ཡིག་གཟུགས་དུས་ཆེན་ཁར་ཕེབས་པའི་ཕྱོགས་སོ་སོའི་མགྲོན་པོ་རྣམས་ལྟད་མོར་གཡེངས་བ།
ཐེངས་འདིར་མདོ་དབུས་ཁམས་གསུམ་གྱི་མི་སྣ་དང་། དབུ་ཁྲིད། མཁས་དབང་། སྒྱུ་རྩལ་པ། སློབ་མ། མང་ཚོགས་སོགས་མི་གྲངས2000ལྷག་མཉམ་ཞུགས་ཀྱིས་ཐེངས་དང་པོ་བོད་ཀྱི་ཡིག་གཟུགས་སྒྱུ་རྩལ་དུས་ཆེན་སྲུང་རྩི་བྱས། མཇུག་མཐར་མཛད་སྒོ་འདི་སྤྲོ་སེམས་འཁོར་བའི་ངང་ནས་ལེགས་འགྲུབ་བྱུང་ཞིང་། ཕྱོགས་སོ་སོ་ནས་ཕེབས་པའི་དབུ་ཁྲིད་རྣམ་པ་དང་། རྒྱ་ཆེའི་གཟིགས་མོ་བ་ཡོངས་སྐུ་གཟུགས་བདེ་ཐང་དང་བྱ་བ་ལམ་འགྲོ་ཡོང་བའི་བཀྲ་ཤིས་སྨོན་འདུན་བཅས་གྲོལ་ལོ། །
གཙོ་སྒྲུབ་ལས་ཁུངས། ནང་ཆེན་རྫོང་ཨུའུ། ནང་ཆེན་རྫོང་མི་དམངས་སྲིད་གཞུང་།
རམ་འདེགས་ལས་ཁུངས། ཀ་གཞུང་ཡུལ་ཤོག་ཏང་ཨུའུ། ཀ་གཞུང་ཡུལ་ཤོག་མི་དམངས་སྲིད་གཞུང་།
ལག་བསྟར་ལས་ཁུངས། ནང་ཆེན་རྫོང་བྲིས་པ་མཐུན་ཚོགས། ཀ་གཞུང་དམངས་ཁྲོད་བྲིས་པ་མཐུན་ཚོགས།
2017.4.30
|
|
