༢༠༡༧ལོའི་ཟླ་༤ཚེས་༢༦ཉིན་བོད་ལྗོངས་ལྷོ་ཁ་གྲོང་ཁྱེར་གྲ་ནང་རྫོང་དཀྱིལ་རུ་ཤང་སློབ་ཆུང་གིས་བོད་ཀྱི་ཡིག་གཟུགས་དུས་ཆེན་བསུ་བའི་བྱ་འགུལ་སྤེལ་བ།
སློབ་གྲྭ་འདིས་དུས་དང་རྣམ་པ་ཀུན་ཏུ་རང་མི་རིགས་ཀྱི་སྐད་ཡིག་ལ་དུང་ཞེན་གྱིས་སློབ་ཕྱིའི་དུས་ཚོད་ནང་བོད་ཡིག་གཟུགས་སྤྲོ་སྣང་འཛིན་གྲྭ་བཙུགས་ཏེ་སློབ་མའི་སྐད་ཡིག་གི་འབྲི་སྦྱོང་ནུས་པ་གསོ་སྐྱོང་གང་ལེགས་བྱེད་པ་དང་། ལྷག་དོན་སྐབས་དང་པོའི་བོད་ཀྱི་ཡིག་གཟུགས་དུས་ཆེན་གྱི་ཉིན་མོར་ཐོག་མའི་ལེགས་སྐྱེས་ཀྱི་ཚུལ་དུ་སློབ་རའི་ཡིག་གཟུགས་འགྲེམ་སྟོན་དང་ཡུལ་དངོས་ནས་སྨྱུག་རྩལ་འགྲན་པའི་བྱ་འགུལ་གཟབ་རྒྱས་ངང་ཚོགས།
བྱ་འགུལ་ཁྲོད་དགེ་སློབ་ཚང་མས་ཚ་ཚ་འུར་འུར་ངང་བཀྲ་ཤིས་རྟེན་འབྲེལ་གཟབ་རྒྱས་ཞུས་ཏེ་ཡིག་གཟུགས་རིག་གནས་ལ་དགའ་ཞེན་དང་ཕྱི་རབས་གསོ་སྐྱོང་གི་བག་ཆགས་ཟབ་མོ་བཞག་པ་རེད།
|
|
