收藏本站
我的资料
   
查看手机网站
གསར་འགྱུར།新闻中心སྤྱི་བསྒྲགས།公告ཀླུ་ཆུའི་ཆེད་སྒྲིག碌曲专栏ས་ཁུལ་འགྲེམ་སྟོན་ཁང་།地区展厅ཐུན་མོང་འགྲེམ་སྟོན་ཁང་།集体展厅ཆེད་མཁས།书坛名家ཡིག་མཁན།书坛达人ཡིག་བྲིས་པ།书坛新秀གངས་ལྗོངས་བུ་མོའི་ཡིག་གཟུགས།雪域女性展厅སློབ་རའི་འགྲེམ་སྟོན་ཁང་།校园展厅འགྲན་ཞུགས་ཁང་།参赛厅གནའ་དཔེ་ཉར་ཚགས།古籍收藏ཡིག་གཟུགས་སྒྱུ་རྩལ།书法艺术ཤེས་བྱའི་ཟེགས་མ།书法常识དཔྱད་རྩོམ།  论  文བརྙན་གཟུགས་དཔེ་ཁྲིད།视频教程འཆད་ཁྲིད་དོ་ར།书法讲堂ཡིག་གཟུགས་ཀ་དཔེ། 字帖བསླབ་དེབ།学习资料སྡེ་ཁག་འོས་སྦྱོར།团体推介གནའ་ཉེ་རབས་ཡིག་མཁན།古近代名家དེང་རབས་ཡིག་མཁན།现代名家

སྐལ་བཟང་དོན་གྲུབ།

 二维码 1402
发表时间:2017-02-22 01:41作者:སྐལ་བཟང་དོན་གྲུབ།来源:བོད་ཀྱི་ཡིག་གཟུགས་དྲ་བ།


   སྐལ་བཟང་དོན་གྲུབ་ནི་ཀླུ་ཆུ་རྫོང་བླ་རི་མགུལ་ཡུལ་ཚོའི་རྫས་ཚ་འབྲོག་སྡེ་རུ་༡༩༧༥ལོའི་ཟླ་༢པའི་ཚེས་༦ཉིན་མི་ཡུལ་འདིར་ཚེ་སྲོག་གི་ངུ་སྐད་ཐོག་མ་གྱེར་ལ། ཕ་མའི་སྐུ་དྲིན་གྱིས་སྦྲ་གུར་སློབ་གྲྭ་འགྲིམས་པའི་སྐལ་བ་ལྡན་ཞིང་དགེ་རྒན་རྣམ་པའི་བཀའ་དྲིན་གྱིས་ཡི་གེ་འབྲི་ཀློག་ཐོག་མར་སྦྱོང་བའི་ཉི་མ་ཤར།  རིམ་བཞིན་ཀླུ་ཆུའི་བོད་རིགས་སློབ་འབྲིང་ནས་རྒན་རྒྱ་ནག་པ་ཡོན་ཏན་དམ་ཆོས་བསྟན་པའི་ཉི་མ་སོགས་གཙོ་བྱས་པའི་སློབ་དཔོན་རྣམ་པའི་ཐུགས་རྗེ་འོད་སྣང་ལ་བསྟེན་ཏེ་དམའ་འབྲིང་དང་མཐོ་འབྲིང་སློབ་མཐར་ཕྱིན།  དུས་དེར་རང་གི་དགའ་ཕྱོགས་ཡིག་གཟུགས་ལ་རང་སྦྱོང་ཕྲན་བུ་ཙམ་གྱི་བག་ཆགས་བཞག་མྱོང་།  

    ༡༩༩༣ལོར་གཙོས་མི་རིགས་དགེ་ཐོན་སློབ་གྲྭར་ཞུགས་ནས་སློབ་ཆེན་གྱི་ལས་ལ་འབད།  སྐལ་བ་བཟང་པོ་ཞིག་ལ་བོད་ཀྱི་ཡིག་མཁན་རྒན་སངས་རྒྱས་བཀྲ་ཤིས་སོགས་ཀྱི་མདུན་ནས་ལོ་ངོ་གསུམ་ལྷག་ལ་སློབ་སྦྱོང་གི་ཞོར་དུ་ཡིག་གཟུགས་ཁྲིད་སྦྱོང་ལ་འབད་ཁུལ་ཙམ་བྱས་པ་ཡིན།

   ༡༩༩༦ལོར་བྱ་བར་ཟབ་ཞུགས་བྱས་ནས་ད་བར་དུ་བྱ་བའི་ཞོར་དུ་ཡིག་གཟུགས་ལ་རང་སྦྱོང་བྱས་ཤིང་དྲ་ཐོག་ནས་ཡིག་གཟུགས་དགེ་རྒན་གང་མང་ལ་བསྟེན་ནས་རང་གི་བྲིས་ཀྱི་ཆུ་ཚད་སྔར་བས་མཐོར་འདེགས་ལ་བརྩོན་བཞིན་ཡོད།

  བར་སྐབས་ཡིག་གཟུགས་བརྩམས་ཆོས་མི་ཉུང་བ་༼  སྦྲང་ཆར༽  དང་།  ༼  ཀྲུང་གོའི་བོད་ཀྱི་ཡིག་གཟུགས་དྲ་བ༽ ། ཀན་ལྷོའི་ཚགས་པར། ཨ་མྱེས་རྨ་ཆེན་གྱི་འཕྲིན་སྟེགས། ཁྱུང་སྔོན་རྩོམ་རིག་འཕྲིན་སྟེགས་སོགས་སུ་བཀོད་ཡོད།

   ཡང་བོད་ཀྱི་ཡིག་གཟུགས་འཕེལ་རྒྱས་ལ་དམིགས་ཏེ། དེང་རབས་དྲ་བ་བེད་སྤྱད་ནས་སྐད་འཕྲིན་གྱི་ཚོམས་ལས་བོད་ཀྱི་ཆེས་ཐོག་མའི་ཡིག་གཟུགས་ཀྱི་གླེང་ཚོམས་ཐོན་མའི་མཛུབ་རིས་ཞེས་པ་ཞིག་བཙུགས་པ་མ་ཟད། གངས་ལྗོངས་སྐྱེས་མའི་ཡིག་གཟུགས་ཆེད་སྒྲིག་ཞེས་པའི་ལེ་ཚན་ཐོག་མར་སྤེལ་ཏེ། བོད་མདོ་དབུས་ཁམས་གསུམ་ལ་བྲིས་ཀྱི་བསྟན་པ་རྒྱས་པར་སྲི་ཞུ་ཅུང་ཙམ་རེ་སྒྲུབ་ཡོད་པ་མ་ཟད།  བྲིས་རྒྱུན་རྣལ་མའི་ཡིག་གཟུགས་ཀྱི་ཆེད་སྒྲིག་གང་མང་སྤེལ་མྱོང་ཡོད།  

   རྗེས་མར་ཡིག་གཟུགས་ནི་རིག་གནས་ཀྱི་སྲོག་ཏུ་ལྟ་དགོས་ཞེས་པའི་གསུང་དུམ་བསམ་ལ་བཟུང་སྟེ། མུ་མཐུད་དུ་རང་གི་བྲིས་གཟུགས་ཡར་རྒྱས་སྣ་མང་ཅན་ལ་ཁ་ཕྱོགས་ཏེ་མེས་པོའི་ཕྱག་བྲིས་གསེར་གྱི་ཨོཾ་ཡིག་སེམས་ཀྱིས་གཅེས་ཤིང་མིག་གིས་འཚོ་བའི་དམ་བཅའ་ཡོད།