ལྗོངས་ཡོངས་ཀྱི་སྐབས་དང་པོའི་བྱིས་པའི་བོད་ཡིག་ཡིག་གཟུགས་འགྲེམ་སྟོན་དང་བོད་ཡིག་ཡིག་གཟུགས་འགྲན་སྡུར་ཆེན།
ཉེ་བའི་ཉིན་འདི་འགར་བོད་ལྗོངས་མང་ཚོགས་སྒྱུ་རྩལ་ཁང་༼ རང་སྐྱོང་ལྗོངས་དངོས་མིན་ཤུལ་བཞག་རིག་གནས་སྲུང་སྐྱོབ་ལྟེ་བ ༽ དང་རང་སྐྱོང་ལྗོངས་ཡིག་གཟུགས་མཁས་པ་མཐུན་ཚོགས་གཉིས་ཀྱིས་གཙོ་སྒྲུབ་དང་། ལྷ་ས་གཡག་གུ་བྱིས་པའི་རིག་གནས་འཕེལ་རྒྱས་ཚད་ཡོད་ཀུང་སིས་འགན་སྒྲུབ་མཛད་པའི་ལྗོངས་ཡོངས་ཀྱི་སྐབས་དང་པོའི་བྱིས་པའི་བོད་ཡིག་ཡིག་གཟུགས་འགྲེམ་སྟོན་དང་བོད་ཡིག་ཡིག་གཟུགས་འགྲན་སྡུར་ཆེན་མོ་ཚ་ཚ་འུར་དུ་སྤེལ་བཞིན་པ་རེད།
ཐེངས་འདིའི་འགྲེམ་སྟོན་དང་འགྲན་སྡུར་ཆེན་མོར་དངོས་སུ་ཞུགས་པའི་སློབ་འབྲིང་སློབ་མ115དང་། སློབ་ཆུང་སློབ་མ1228། བུ་བཅོལ་ཁང་གི་བྱིས་པ64དང་བཅས་སྡོམ་པས་འགྲན་ཞུགས་སློབ་མ1407ལྷག་འདུས་ཡོད།
གཙོ་སྒྲུབ་ཚན་པས་བོད་ཀྱི་རིག་གནས་དང་། སློབ་གསོ། དཔལ་འབྱོར། སྤྱི་ཚོགས་སོགས་ཕྱོགས་གང་ཐད་ནས་འཕེལ་རྒྱས་བྱུང་ཡོད་པའི་སྐལ་བཟང་རྫོགས་ལྡན་གྱི་དུས་སྐབས་འདིར། ང་ཚོས་འབྱོར་ཕྱུག་ཤེས་དཔལ་ལྡན་པའི་ཁོར་ཡུག་ཅིག་གསར་སྐྲུན་བྱུང་ཡོད་རུང་། མ་འོངས་ཀྱི་འཕེལ་རྒྱས་ལམ་བུར་རྒྱང་ལྟ་བྱས་ཚེ། ལོ་ཆུང་བྱིས་པ་ནི་འཇིག་རྟེན་འདི་དང་སྤྱི་ཚོགས་འདིའི་ཐོག་གསར་དུ་ཕེབས་པའི་སྐུ་མགྲོན་ཞིག་ཡིན་ཞིང་། ཁོང་ཚོས་རང་ཉིད་འཚོ་གནས་བྱ་ཡུལ་གྱི་ངོ་མཚར་ཆེ་བའི་འཇིག་རྟེན་འདིར་ཤེས་རྟོགས་དང་རྒྱུས་མངའ་བྱ་འདོད་ཀྱི་བློ་ནི། ལྟོགས་པ་ལ་ཟས་དང་སྐོམ་པ་ཆུ་ཡི་འདུན་པ་ལྟར་བཅངས་བཞིན་ཡོད་དང་གཅིག སྤྱི་ཚོགས་དང་མི་རྒན་ཉམས་མྱོང་ཅན་ཚོས་ན་ཆུང་བསམ་མེད་ཀྱི་བྱིས་པ་དེ་དག་བསམ་ཡོད་ཀྱི་མི་སྣ་བཟང་པོ་ཞིག་ལ་སྐྱེད་བསྲིང་ཐུབ་པ་བྱ་དགོས་ཞེས་པ་དང་གཉིས། སྤྱི་ཁྱབ་ཧྲུའུ་ཅི་ཞིས་ཅིན་ཕིང་གིས་བྱིས་དུས་ནི་མིའི་མི་ཚེའི་ནང་གི་ཆེས་རྩ་ཆེ་བའི་དུས་ཚོད་ཅིག་རེད། དུས་ཚོད་དེའི་ནང་ཡང་དག་པའི་མི་ཚེའི་དམིགས་ཡུལ་དང་། བསམ་བློ་དང་ཀུན་སྤྱོད། གོམས་གཤིས་ཡག་པོ་བཅས་འཛུགས་སྐྱོང་ཐུབ་པ་བྱ་དགོས་ཤིང་། དེ་རིང་མེས་རྒྱལ་གྱི་བུ་ཕྲུག་བཟང་པོ་དང་། སང་ཉིན་མེས་རྒྱལ་གྱི་འཛུགས་སྐྲུན་པ་ཡག་པོ་ཞིག་ཆགས་པ་བྱེད་དགོས། མཛེས་སྡུག་ལྡན་པའི་འཚོ་བ་དང་ཀྲུང་གོའི་ཕུགས་འདུན་ཁྱེད་ཚོར་དབང་བ་ཡིན་ཞེས་པ་དང་གསུམ། དེ་མིན་བོད་རང་གི་གཏམ་དཔེར་རྟ་ཞིག་དགོས་ན་རྟེའུ་ནས་དགོས། མི་ཞིག་དགོས་ན་ཆུང་ནས་དགོས་ཞེས་གསུངས་བཅས་ཕྱོགས་བཞི་ནས། ན་ཆུང་བྱིས་པའི་སློབ་གསོའི་གལ་ཆེན་དུ་མཐོང་ཞིང་། ལོ་ཆུང་བྱིས་པ་རྣམས་ལ་ཆུང་དུས་ནས་སློབ་སྦྱོང་ལ་དད་བརྩོན་གྱི་བསམ་པའི་སོན་བཟང་འདེབས་གང་ཐུབ་བྱེད་དགོས་པའི་དམིགས་འདུན་གསལ་པོ་ཞིག་ལ་རྟེན་ནས་ཐེངས་འདིའི་ལྗོངས་ཡོངས་ཀྱི་བྱིས་པའི་བོད་ཡིག་ཡིག་གཟུགས་འགྲེམ་སྟོན་འདི་ལྟ་བུ་ཞིག་གཉེར་བ་ཡིན་ལ། ཁྱད་པར་དུ་བྱིས་པའི་ཡང་དག་པའི་མི་ཚེའི་ཁ་ཕྱོགས་སམ་བདེ་ཐང་འཚར་ལོངས་ལ་ཕན་པ་དང་། རང་ལྗོངས་ཀྱི་བྱིས་པའི་ཡིག་གཟུགས་སྒྱུ་རྩལ་གྱི་གྲུབ་འབྲས་གང་ལེགས་མངོན་པར་བྱས་ཏེ། སྔར་ལས་ལྷག་པའི་སྒོ་ནས་བྱིས་པའི་ཧུར་བརྩོན་ཡར་བསྐྱེད་ཀྱི་སྙིང་སྟོབས་གསོ་སྐྱོང་ཐུབ་པ། ལོ་རྒྱུས་ཆུ་རྒྱུན་རིང་ཞིང་ངོ་མཚར་སྒྱུ་རྩལ་གྱི་རྣམ་པས་ཕྱུག་པའི་བོད་ཡིག་ཡིག་གཟུགས་ཀྱི་རྒྱུན་འཛིན་པ་གང་མང་གསོ་སྐྱོང་བྱས་ཏེ། ཀྲུང་ཧྭ་མི་རིགས་ཀྱི་སྲོལ་རྒྱུན་རིག་གནས་ཀྱི་ཉིང་བཅུད་དར་སྤེལ་གཏོང་བ་སོགས་ཀྱི་ཆེད་དུ་ཡིན་སྐད།
བྱ་འགུལ་གྱི་གླེང་གཞི། 活动前言
ཡིག་མཁན་རྣམ་པས་ངལ་བ་རྒྱབ་ཏུ་དོར་ནས་ལས་ཀར་ཞུགས་བཞིན་པ།
书法家们在紧张有序地工作
རྣམ་རྒྱལ་དབང་གྲགས། སྤེན་ནོར། བསོད་ནམས་དབང་ཕྱུག མཛུབ་སྨྱོ་ལྷག་པ་ཚེརིང་།
西藏自治区部分书法名家在书法比赛现场
འགྲེམ་སྟོན་ཁང་གི་ཇུས་འགོད་ལ་བྲེལ་བ།
布置展厅
རྣམ་རྒྱལ་དབང་གྲགས། སྤེན་ནོར། ངག་དབང་། བཀྲ་ཤིས་ཕུན་ཚོགས། བསོད་ནམས་དབང་ཕྱུག མཛུབ་སྨྱོ་ལྷག་ཚེ་བཅས་ཀྱི་མཉམ་པར།
南杰昂智 边罗 昂旺 扎西平措 索南旺秀 拉巴才让等在工作之余合影留念
（汉字按安多口语翻译，如有不妥敬请凉解）
|
|
