སངས་རྒྱས་ཆོས་འཕེལ

༄༅།།སྨྱུག་འཛིན་པ་ལས་དབང་གི་སྦྲ་ནག་ངོ་སྤྲོད་མདོར་བསྡུས།།

    སྨྱུག་འཛིན་པ་ལས་དབང་གི་སྦྲ་ནག་གམ་སངས་རྒྱས་ཆོས་འཕེལ་མཆོག་ནི་།   སྤྱི་ལོ་༡༩༨༧ལོར་སྙེ་མོར་སྐུ་འཁྲུངས།   བགྲང་བྱ་བདུན་ནས་སློབ་ཆུང་ལ་བསྐྱོད་དེ་བརྡ་སྤྲོད་གཞུང་ལ་སྦྱངས།   བགྲང་བྱ་བཅུ་གསུམ་ནས་ད་བར་བསམ་ཡས་ཁྲི་སྲོང་ལྔ་རིག་ནང་བསྟན་སློབ་གླིང་སོགས་སུ་གཞུང་ཆེན་པོད་ལྔ་གཙོས་བོད་ཀྱི་རིག་གནས་སྤྱི་ལ་ཐོས་བསམ་བྱས་ཤིང་།   སྤྱི་ལོ༢༠༠༩ལོ་ནས་བཟུང་སྔ་ཕྱིར་བསམ་ཡས་ཁྲི་སྲོང་ལྔ་རིག་ནང་བསྟན་སློབ་གླིང་གི་དགེ་བའི་བཤེས་གཉེན་ཆེན་མོ་རྒན་ཐུབ་བསྟན་རབ་གསལ་ལགས་དང་།   དེ་བཞིན་བསམ་དགོན་སྨྱུག་འཛིན་པ་ཆེན་པོ་རྒན་བློ་བཟང་བསྟན་འཛིན་ལགས།   རྩེ་སློབ་གྲྭའི་ཡིག་གཟུགས་རྒྱུན་འཛིན་པ་ཆེན་མོ་རྒན་སྙེ་མོ་འཕྲིན་ལས་རྒྱལ་མཚན་ལགས་སོགས་དགེ་རྒན་དུ་བསྟེན་ནས་ཡོན་ཏན་ཀུན་གྱི་གཞི་མ་འབྲི་ཀློག་གཉིས་ལས།   དབུ་ཅན་ཁམས་བྲིས་དང་།   དབུ་ཅན་སྙེ་བྲིས།   འབྲུ་ཚ།   དཔེ་ཚུགས།   ཚུགས་རིང་། ཚུགས་ཐུང་།   འཁྱུག་སོགས་ཡིག་གཟུགས་སྣ་ཚོགས་འབྲི་བ་ལ་ད་བར་མི་ལོ་དྲུག་ཙམ་རིང་བརྩོན་པ་ཆུ་བོའི་རྒྱུན་བཞིན་བསྟེན་ནས་སྦྱངས།   སྤྱི་ལོ་༢༠༡༡ལོར་ལྷོ་ཁའི་ལོ་ངོ་དྲུག་ཅུའི་འཕོ་འགྱུར་ལ་བསྟོད་པའི་ཡིག་གཟུགས་འགྲན་སྡུར་ནང་བྱ་དགའ་རིམ་པ་གསུམ་པ་ཐོབ་པ་དང་སྤྱི་ལོ་༢༠༡༣ལོའི་བསམ་ཡས་ཁྲི་སྲོང་ལྔ་རིག་ནང་བསྟན་སློབ་གླིང་གི་ཡིག་གཟུགས་འགྲན་བསྡུར་ནང་བྱ་དགའ་རིམ་པ་དང་པོ་ཐོབ།   སྔ་ཕྱིར་དྲྭ་སྟེང་དུ་བོད་ཡིག་ཡིག་གཟུགས་སྣ་ཚོགས་སྤེལ་བར་གཟིགས་པ་མང་པོས་དགའ་བསུ་ཐོབ།   ཆེས་དགའ་ས་ནི་རང་མི་རིགས་ཀྱི་རིག་གནས་དང་ལྷག་པར་དུ་བོད་ཡིག་ཡིག་གཟུགས་ཡིན་ནོ།   །