སྨྱུག་མིང་ཡར་ཀླུང་འཁྱམ་པོའམ་དངོས་མིང་ལ་ངག་དབང་མཐར་ཕྱིན་དུ་འབོད་པའི་ཡིག་གཟུགས་པ་ཁོང་༡༩༨༦ལོའི་ཟླ་༢པའི་ཚེས་༢༧ཉིན་བོད་གངས་ཅན་ཡུལ་ཡར་ཀླུང་གོང་དཀར་རྫོང་དུ་སྐྱེས་ཤིང་། སློབ་གྲྭ་མ་བསྒྲིམས་གོང་ནས་ཡབ་བཟང་པོའི་བཀའ་སློབ་ཐོག་སྦྱང་ཤིང་ཐོག་ཏུ་བོད་ཡིག་འབྲི་བའི་གོམས་པ་ཐོག་མ་སྤོས།
༡༩༩༤ལོ་ནས་བཟུང་སློབ་གྲྭ་ཆུང་འབྲིང་ཆེ་གསུམ་རིམ་པ་བཞིན་འགྲིམས་པའི་སྐལ་བཟང་དང་བསྟུན། སློབ་གསེང་སོགས་ཀྱི་དུས་ཚོད་དང་ཁོམས་པའི་དུས་སྐབས་གང་ཡིན་འཕྲོ་བརླག་ཏུ་མ་བཏང་བར་རྒན་བཟང་པོ་ཇི་སྙེད་ཅིག་གི་མདུན་ནས་ཡིག་གཟུགས་འབྲི་སྦྱོང་དང་བཀའ་སློབ་ཁྲིད་སྟོན་གྱི་སྐུ་དྲིན་འོག་ཡིག་གཟུགས་རིག་གནས་ལ་སྦྱངས་པ་ལྷོད་མེད་བྱས་ཤིང་། ༢༠༠༧ལོར་སློབ་མཐར་ཕྱིན་ཏེ་བོད་ལྗོངས་གཞིས་རྩེ་གྲོང་ཁྱེར་དིང་རི་རྫོང་ཆུ་སྟེང་ཤང་དུ་ལོ་ངོ་བརྒྱད་རིང་སློབ་ཆུང་བོད་ཡིག་སློབ་ཁྲིད་ཀྱི་ལས་འགན་བསྒྲུབས། ༢༠༡༥ལོར་བོད་ལྗོངས་ལྷ་རྩེ་རྫོང་ལྷ་རྩེ་གྲོང་བརྡལ་ལྟེ་བའི་སློབ་ཆུང་དུ་སླར་ཡང་བོད་ཡིག་སློབ་ཁྲིད་རྒྱུན་འཁྱོངས་དང་ལས་གནས་ཐོག་འབྱོར་བའི་ལོ་ངོ་དེ་དག་རིང་སློབ་གསོ་སློབ་ཁྲིད་གཙོ་གཞིར་བཟུང་ནས་བུ་སློབ་སྐྱོང་བ་དང་ཆབས་གཅིག རང་ཉིད་མོས་དད་ཆེ་སའི་བོད་ཀྱི་ཡིག་གཟུགས་སྒྱུ་རྩལ་འདིར་རང་ཐོག་ནས་མི་ཉམས་ཡར་བརྩོན་དང་བརྩི་བཅུད་ལྷུག་ལེན་དང་། ལྷག་པར་འཕྲིན་ཕྲན་བརྒྱུད་གྲགས་ཅན་ཡིག་མཁན་རྒན་བསྟན་འཛིན་ལགས་དང་རྒན་པད་དཀར་འབངས། རྒན་རྣམ་རྒྱལ་དབང་གྲགས་ལ་སོགས་པ་རྒན་དྲིན་ཆེན་མང་པོར་བཀའ་དྲི་དང་ཁོང་རྣམས་པའི་བཀའ་སློབ་དང་ལེན་ཐོག་རིག་པ་རྩེ་གཅིག་ཏུ་བསྒྲིམས་ནས་ཡིག་གཟུགས་ལ་འབད་པ་ལྷུག་ལེན་བྱ་བཞིན་ཡོད་དོ།།
དང་པོ། དབུ་ཅན་སྙེ་བྲིས་ཀྱི་སྐོར།
གཉིས་པ། དབུ་མེད་སུག་རིང་གི་སྐོར།
གསུམ་པ། དབུ་མེད་སུག་ཐུང་གི་སྐོར།
བཞི་བ། དབུ་མེད་འབྲི་ཚའི་སྐོར།
ལྔ་བ། དབུ་མེད་དཔེ་ཚུགས་ཀྱི་སྐོར།
དྲུག་པ། དབུ་ཅན་མཛེས་ཡིག
|
|
