འཇིགས་མེད་ཆོས་དར་ལགས་ནི། ༡༩༦༩ལོའི་ཧོར་ཟླ་༢ཚེས་༡༨ཉིན་མཚོ་སྔོན་ཞིང་ཆེན་མཚོ་ཤར་ས་ཁུལ་དཔའ་ལུང་རྫོང་ཐོ་གྱ་ཡུལ་ཚོ་བཱེ་གྱ་སྐྱིད་སྡེ་བ་རུ་སྐྱེས། ༡༩༧༤ལོའི་ཧོར་ཟླ་༨པའི་ནང་སྡེ་དམངས་སློབ་ཆུང་དུ་ཞུགས་ནས་རྒྱ་བོད་ཡིག་རིགས་སོགས་ལ་སྦྱངས། ༡༩༨༢ལོའི་ཧོར་ཟླ་༩ཚེས་༢༢ཉིན་བཱེ་གྱ་དགོན་དུ་ཆོས་སྒོར་ཞུགས་ཤིང་། ༡༩༨༨ལོའི་བར་དུ་གྲྭ་ཚང་དེ་གའི་འདོན་རྟ་དབྱངས་ཆོ་ག་ཆོས་སྤྱོད་ཀྱི་རིགས་ལ་གང་ལེགས་ཤིག་སྦྱངས། ༡༩༨༩ལོར་བླ་བྲང་བཀྲ་ཤིས་འཁྱིལ་དུ་ཡོང་ནས་བཤེས་གཉེན་དམ་པ་དུ་མ་ལས་གཟབ་གཤར་ཡིག་རིས་སྣ་ཚོགས་ལ་དཔྱིས་ཕྱིན་པར་སྦྱངས། ༡༩༩༤ལོར་བླ་བྲང་དགོན་པའི་རྨད་བྱུང་ཐོས་བསམ་གླིང་དུ་ཚོགས་ཞུགས་བྱས། ༢༠༠༣ལོར་ཕར་ཕྱིན་སྟོན་མོའི་དམ་བཅའི་སྐལ་བ་མངོན་པར་ཐོབ། ༡༩༩༩ལོའི་ཟླ་༦པའི་ཚེས་༥ནས་༢༠༡༡ལོའི་ཟླ་༥ཚེས་༡༥པར་ཀན་སུའུ་ཞིང་ཆེན་ནང་བསྟན་སློང་གྲྭའི་ན་གཞོན་སྤྲུལ་སྐུའི་རིག་གནས་སློབ་སྦྱོང་འཛིན་གྲྭའི་ཡིག་གཟུགས་དགེ་རྒན་གྱི་འགན་འཁུར་དང་དུ་བླངས། གཞན་ཡང་ཁོམ་ལོང་ནམ་ཡོད་ཀྱི་དུས་ཚོད་བེད་སྤྱད་ནས་ཕྱོགས་འདུས་ཀྱི་གྲྭ་སློབ་མང་བོ་ལ་ཡིག་གཟུགས་སྣ་ཚོགས་ཁྲིད་པའི་ཁོས་ག་ཡང་སྦྱོང་མུས་སུ་བཞུགས། ༢༠༡༢ལོའི་ཟླ་༩བར་ཀན་སུའུ་ཞིང་ཆེན་ནང་བསྟན་སློབ་གྲྭའི་ཡིག་གཟུགས་དགེ་རྒན་བྱེད་པའི་སྐལ་བ་ཐོབ་བོ། ། ༢༠༡༤ལོའི་ཟླ་༡༠ཚེས་༡ནས་བླ་བྲང་ཐང་ག་རིག་གནས་གླིང་གི་ཡིག་གཟུགས་དགེ་རྒན་དུ་གདན་ཞུ་བྱས། ༢༠༡༥ལོའི་ཟླ་༦པའི་ཚེས་༡༣ནས་བླ་བྲང་དགོན་པའི་རིག་གནས་སྦྱོང་བརྡར་འཛིན་གྲྭའི་ཡིག་གཟུགས་དགེ་རྒན་དུ་གདན་ཞུ་བྱས།
|
|
