设为首页 | 收藏本站

བན་དེ་ཚེ་རིང་།

二维码 1501

发表时间：2017-09-21 22:19作者：ཡིག་གཟུགས་པ་རང་ཉིད། རྩོམ་སྒྲིག་པ།来源：བོད་ཀྱི་ཡིག་གཟུགས་དྲ་བ།网址：http://www.zgzzsfw.com

བྲིས་པ་བན་དེ་ཚེ་རིང་ནི་སྤྱི་ལོ1982ལོར་མདོ་སྨད་གཙོས་གྲོང་ཁྱེར་ཁ་གྱ་སྟོད་དུ་སྐྱེས། ད་ལྟ་གཙོས་གྲོང་ཁྱེར་ཁྲིམས་འཛིན་ཅུས་སུ་བྱ་བ་གཉེར་ཞོར་ཏུ་གཙོས་གྲོང་ཁྱེར་རིག་རྩལ་ལྷན་ཚོགས་ཀྱི་ཚོགས་མི་དང་ཀན་ལྷོ་ཁུལ་བོད་ཀྱི་ཡིག་མཁན་མཐུན་ཚོགས་ཀྱི་དྲུང་ཡིག་ཆེན་མོ་གཞོན་པའི་འགན་ཁུར་ཞོར་བྱས་ཡོད།

ལོ་ན་ཆུང་དུས་ནས་སློབ་གྲྭ་འགྲིམ་པའི་སྐལ་བ་ལྡན། 1995ལོ་ནས་བཟུང་ཡིག་གཟུགས་བློ་གསལ་སྤྱི་ནོར་གཙོ་བྱས་པའི་ཚད་ལྡན་གྱི་བྲིས་རྒྱུན་དག་ལ་དཔེ་བྱས་ཏེ་སྦྱངས་པ་ནན་ཏན་བྱས་ཤིང་། གྲུབ་འབྲས་ཀྱང་ཅུང་ཟད་ཐོབ། ལོ་འདི་འགར་ཁུལ་དང་ཞིང་ཆེན། རྒྱལ་ཡོངས་རིམ་པ་བཅས་ཀྱི་འགྲན་སྡུར་ཆེ་ཆུང་གང་མང་ལ་ཞུགས་ཏེ་བྱ་དགའ་ཐོབ་པ་ལས་རེ་འགའ་དྲངས་ན། 2016ལོར་སྐབས་གཉིས་པའི་རྒྱལ་ཡོངས་སྲ་སྨྱུག་ཡིག་གཟུགས་འགྲན་སྡུར་ཁྲོད་ཨང་བཞི་བའི་བྱ་དགའ་ཐོབ། 2016ལོའི་ཟླ་4བར་ཀན་སུའུ་ཞིང་ཆེན་སྲིད་ཁྲིམས་ཐེན་གྱིས་གཙོ་བསྒྲུབས་མཛད་པའི་ཡིག་གཟུགས་འགྲན་སྡུར་ཁྲོད་ཕུལ་བྱུང་བྱ་དགའ་ཐོབ། ལོ་དེའི་ཟླ་6པར་ཐོན་མིའི་ཡིག་རྒྱུན་སྐབས་དང་བོའི་རྒྱལ་ཡོངས་བོད་ཀྱི་ཡིག་གཟུགས་དྲ་ཐོག་འགྲན་སྡུར་ཆེན་མོའི་ཁྲོད་དབུ་ཅན་སྐོར་གྱི་ཨང་བཞི་བའི་བྱ་དགའ་ཐོབ། ཡིག་གཟུགས་བརྩམས་ཆོས་འགའ་2016ལོའི་སྦྲང་ཆར་དེབ་དང་བོ་དང་2016ལོའི་ཟླ་ཟེར་དེབ་གསུམ་པའི་སྟེང་དུ་བཀོད། ཀན་སུའུ་ཞིང་ཆེན་དགེ་འོས་སློབ་ཆེན་དང་མཚོ་སྔོན་མི་རིགས་སློབ་ཆེན་སོགས་ཀྱིས་ཡིག་གཟུགས་བརྩམས་ཆོས་འགའ་རེ་ཉར་ཚགས་བྱས་ཡོད། 2016ལོར་ཡབ་རྗེ་བླ་མ་༧བསེ་བློ་བཟང་དཔལ་ལྡན་ཆོས་ཀྱི་རྡོ་རྗེ་མཆོག་དགུང་གྲངས་བརྒྱད་ཅུར་བཞེས་པའི་དུས་སྟོན་སྐབས་སུ་ཡིག་གཟུགས་ཀྱི་ལམ་ནས་བརྟན་བཞུགས་འབུལ་བའི་སྐལ་བ་ལྡན་པ་དང་སྐབས་དེར་ཁོང་གིས་གུས་ཕྲན་བདག་ལ་ཁོམ་པ་རེ་ཡོད་དུས་སློབ་མ་སྐྱོངས་ཞེས་བཀའ་གསུང་མེ་ཏོག་གི་ཕྲེང་བ་བསྩལ། ད་ལྟ་ལས་ཀའི་ཞོར་ཏུ་རང་ཁྱིམ་ནས་སློམ་མ་རེ་གཉིས་ལ་ཡིག་གཟུགས་ཁྲིད་བཞིན་ཡོད།