བཀྲ་ཤིས་དོན་འགྲུབ། བོད་ཀྱི་ཡིག་མཁན་བཀྲ་ཤིས་དོན་འགྲུབ་མཆོག་ནི་བོད་ས་སྟག་ལོ་སྟེ་སྤྱི་ལོ་༡༩༣༨ལོར་མདོ་ཁམས་ཏྲེ་སྟོད་རོང་པ་ཚཞེས་པའི་ཡུལ་གྲུ་རུ་སྐུ་འཁྲུངས།སྔར་གཞུགས་རྣམས་སུ་མཚན་ལྡན་གྱི་བླ་མ་དུ་མ་ཚུལ་བཞིན་བསྟེན་ཅིང་ཟབ་རྒྱས་ཆོས་ཀྱི་གདམས་པ་ཅི་རིགས་པ་གསན་བཞེས་ལེགས་པར་གནང་བར་མ་ཟད། སྤྱི་ལོ་༡༩༨༢ལོར་ཞིང་ཆེན་བོད་ཡིག་སློབ་གྲྭ་རུ་ཕེབས་ཏེ་དམ་པ་དུ་མ་ལས་མདོ་སྔགས་རིག་གནས་དང་བཅས་པའི་ཆོས་ཚུལ་མཐའ་ཡས་གསན་ཞོར་དུ་བྲིས་ཀྱི་ཟུར་ཁྲིད་སློབ་དཔོན་ཡང་མཛད། སློབ་མཐར་ཕྱིན་རྗེས་དཀར་མཛེས་དགེ་འོས་སློབ་གྲྭའི་དགེ་རྒན་མཛད་ཞོར་དུ་བོད་ཡིག་གི་བྲིས་དཔེ་ཆ་ཚང་བ་ཞིག་གསར་དུ་བརྩམས། སྐབས་དེར་དགེ་སློབ་ཚོའིབྲིས་ནི་གཞན་ལས་ཁྱད་པར་ཅན་དུ་གྱུར་པའི་བྲིས་ཡག་པོ་བྱུང་ཡོད་པ་ནི་གཙོ་བོ་ཁོང་གི་སྐུ་དྲིན་རེད་སྙམ། གཞན་ཡང་ཁོང་སྔོན་རྗེས་ཅི་རིགས་ལ་རྫོང་གསར་བཤད་གྲྭ་དང་། སྡེ་དགེ་དགོན་ཆེན་དགོན་པ། རྒྱལ་བསྟན་སློབ་གྲྭ་སོགས་ལ་གདན་དྲངས་ནས་སུམ་རྟགས་དག་གསུམ་དང་།བྲིས་གཟུགས་དབུ་ཅན་དང་དབུ་མེད། རྩིས་ནག་བཅས་འཆད་སྤེལ་གྱི་ཕྲིན་ལས་རྒྱ་ཆེར་བསྐྱངས་ཏེ་ད་སྐབས་ཁོང་རང་ཉིད་ཀྱི་དགོན་པ་གླང་ནག་དགོན་ནང་དུ་བཞུགས་ནས་གྲྭ་པ་སོགས་ལ་བྲིས་སོགས་ཀྱི་སློབ་ཁྲིད་ཅུང་ཟད་རེ་གནང་ནས་འཚོ་ཞིང་བཞུགས་བཞིན་པའོ།།
|
|
