འཇའ་སྤྲིན་ཅན་གྱི་ལྷ་ལམ། 10:36
༄༅། །ལི་ཁམ་འཛར་གསུམ་ནི། གམ་དང་ཁམ་གཉིས་སྔར་གདམ་ང་ཡིན་པ་འདྲ། འཛར་ལ་འཛག་ཀྱང་འབྲི། ལི་ནི་མཛུབ་མོས་གཡས་བསྒྱུར་གཡོན་བསྒྱུར་བྱས་པ་ལས་ཐོན་པའི་ཉམས་དང་། ཁམ་ཞེས་སྨྱུག་ཁ་གཏོད་ལེགས་པ་ལས་སྨྱུག་ཁམ་བཙུགས་མ་ཐག་ཏུ་ཐོན་པའི་སྔ་ཟུར་ཕྱི་ཟུར་གྱི་ཉམས། འཛག་གམ་འཛར་ཞེས་ཡིག་འབྲུ་བྲིས་ཟིན་ལ་ཁད་ཀྱི་མཐེབ་སྐྱུར་ལས་ཐོན་པའི་ཉམས་ལ་ཟེར་བ་སྟེ། ཡིག་གཟུགས་ཀྱི་ཉམས་སྣ་ཚོགས་འདུས་པའི་མིང་ཡིན་པར་བདག་(འདིར་བདག་ནི་འཇའ་སྦྲིན་ཅན་གྱི་ལྷ་ལམ་ཡིན།)གི་བཤེས་གཉེན་བྲིས་ཆེན་༧འཕྲིན་ལས་དཔལ་འབྱོར་གྱིས་གསུངསོ། །གཞན་ཡང་ཉམས་ལ་ཤ རུས། བཤོན། འཇམ་སོགས་ཀྱི་གསུང་ཚུལ་མཆིས་སོ། །
བླ་སྲོག 10:40
ལགས་སོ། །ཤ རུས། བཤོན། འཇམ་སོགས་ལ་ཇི་ལྟར་གསུངས་བཞིན་ཡོད་དམ། ཁ་གསལ་གྱིས་གསུངས་རོགས།
འཇའ་སྤྲིན་ཅན་གྱི་ལྷ་ལམ། 10:50
༄༅།།ལན་ཞུ། ཐོག་མར་སྨྱུག་ཁའི་ཕྲ་སྦོམ་བསྒྱུར་ཚུལ་ལ་མ་ལྟོས་པར་ཐིག་སྟེང་ཡི་གེའི་ཁོག་དབུབས་ཚུལ་ཙམ་དོན་དུ་གཉེར་བ་ལ་ཐིག་ལ་རུས་ཉམས་འདོན་པ་ཟེར། དེ་ནས་རུས་ལས་གང་གི་ཆ་སྦོམ་པ་དང་། གང་ཞིག་ཕྲ་བར་འབྲི་ཚུལ་གཉེར་བ་རུས་ལ་ཤ་ཉམས་འདོན་པ་ཟེར། མཐར་ཡི་གེའི་མགོ་སྐེ་སོགས་གང་ཐད་ཀྱི་ཉམས་འདོན་ཚུལ་ཚད་ལྡན་བྲིས་དཔེ་ལྟར་དོན་དུ་གཉེར་བར་ཤ་ལ་མཛེས་ཉམས་འདོན་པ་ཞེས་བརྗོད་དོ། །
དུས་ཐོག་བགྲོ་གླེང་གདམ་བཀོད།
|
|
