གཡང་འཛོམས། སྤྱི་ལོ༡༩༨༡ལོའི་ཟླ་༤བར་བོད་ལྗོངས་ལྷོ་ཁ་ས་ཁུལ་སྣེ་གདོང་རྫོང་ཡར་སྟོད་ཤང་དུ་ལྟེ་ཁྲག་འཕོས། ༢༠༠༢ལོར་བོད་ལྗོངས་ལྷོ་ཁ་ས་ཁུལ་དགེ་འོས་སློབ་གྲྭ་ནས་མཐར་ཕྱིན། ༢༠༠༨ལོར་བོད་ལྗོངས་ལྷོ་ཁ་ས་ཁུལ་ལས་རིགས་ལག་རྩལ་སློབ་གྲྭའི་ཨོ་ལིན་ལུས་རྩལ་འགྲན་ཚོགས་བསུ་བའི་ཡིག་གཟུགས་འགྲན་སྡུར་སྟེང་བྱ་དགའ་ཨང་གསུམ་པ་ཐོབ། སྣ་མང་ཕུན་སུམ་ཚོགས་པའི་མེས་པོའི་ཕྱག་རྒྱུན་གྱིས་བདག་གི་ཡིད་དབང་དབང་མེད་དུ་འཕྲོག་སོང་བས་སྤྱི་ལོ་༢༠༡༥ལོ་ནས་བཟུང་སློབ་གསོ་སློབ་ཁྲིད་ལས་ཀ་ཧུར་ཐག་བསྒྲུབ་ཞོར་དུ་རང་ཉིད་ཀྱིས་ཤིན་ཏུ་དགའ་བའི་མེས་པོའི་ཕྱག་རྒྱུན་སྦྱངས་འགོ་བཙུགས་པ་ཡིན། དུས་རྒྱུན་དྲ་ཐོག་ནས་དགེ་རྒན་ཆེན་མོ་བ་རྣམས་ཀྱི་ཕྱག་བྲིས་ལ་དཔེ་ལྟ་བ་དང་སྦྲགས་རྟག་ཏུ་དགེ་རྒན་ལ་བཀའ་འདྲི་དང་སྐྱབས་འཇུག་ཡང་ཡང་ཞུས་ནས་ཡིག་གཟུགས་ལམ་བུའི་ཐོག་གོམ་པ་རེ་རེ་བཞིན་མདུན་དུ་བསྐྱོད་པ་ཡིན། རྒན་ལགས་ཁོང་རྣམ་པའི་སྐུལ་ལྕག་དང་ངང་རྒྱུད་རིང་པོའི་བཀའ་སློབ་ནི་ཡར་རྒྱས་ཀྱི་སྟོབས་ཤུགས་ཉག་གཅིག་རེད་འདུག་ལ་མུ་མཐུད་མདུན་བསྐྱོད་ཀྱི་རེ་བ་དང་གསོན་ཤུགས་ཀྱང་རེད་འདུག རྒྱུན་དུ་སློབ་གྲྭའི་ནང་ཡིག་གཟུགས་དགེ་རྒན་བྱས་ནས་རང་ཉིད་ཀྱིས་ཤེས་པའི་ཡིག་གཟུགས་རྣམས་སློབ་མ་རྣམས་ལ་བརྒྱུད་སྤྲོད་བྱེད་པ་དང་སློབ་མས་རང་མི་རིགས་ཀྱི་ཡིག་གཟུགས་ལ་དགའ་ཞེན་དང་བརྩོན་པ་བྱེད་པའི་སྐུལ་འདེད་ཡང་ཡང་བྱས་ནས་རང་མི་རིགས་ཀྱི་ཕུན་སུམ་ཚོགས་པའི་མེས་པོའི་ཕྱག་རྒྱུན་གོང་འཕེལ་ཡོང་བའི་རང་ནུས་ཕྲན་བུ་འདོན་གྱི་ཡོད། ད་ལྟ་ལྷོ་ཁ་ས་ཁུལ་ལྷུན་རྩེ་རྫོང་གསང་གླིང་སློབ་ཆུང་ན་དགེ་རྒན་གྱི་བྱ་བ་གཉེར་བཞིན་ཡོད།
སྣ་མང་ཕུན་སུམ་ཚོགས་པའི་མེས་པོའི་ཕྱག་རྒྱུན་གྱིས་བདག་གི་ཡིད་དབང་དབང་མེད་དུ་འཕྲོག་སོང་བས་སྤྱི་ལོ་༢༠༡༥ལོ་ནས་བཟུང་སློབ་གསོ་སློབ་ཁྲིད་ལས་ཀ་ཧུར་ཐག་བསྒྲུབ་ཞོར་དུ་རང་ཉིད་ཀྱིས་ཤིན་ཏུ་དགའ་བའི་མེས་པོའི་ཕྱག་རྒྱུན་སྦྱངས་འགོ་བཙུགས་པ་ཡིན། དུས་རྒྱུན་དྲ་ཐོག་ནས་དགེ་རྒན་ཆེན་མོ་བ་རྣམས་ཀྱི་ཕྱག་བྲིས་ལ་དཔེ་ལྟ་བ་དང་སྦྲགས་རྟག་ཏུ་དགེ་རྒན་ལ་བཀའ་འདྲི་དང་སྐྱབས་འཇུག་ཡང་ཡང་ཞུས་ནས་ཡིག་གཟུགས་ལམ་བུའི་ཐོག་གོམ་པ་རེ་རེ་བཞིན་མདུན་དུ་བསྐྱོད་པ་ཡིན། རྒན་ལགས་ཁོང་རྣམ་པའི་སྐུལ་་ལྕག་དང་ངང་རྒྱུད་རིང་པོའི་བཀའ་སློབ་ནི་ཡར་རྒྱས་ཀྱི་སྟོབས་ཤུགས་ཉག་གཅིག་རེད་འདུག་ལ་མུ་མཐུད་མདུན་བསྐྱོད་ཀྱི་རེ་བ་དང་གསོན་ཤུགས་ཀྱང་རེད་འདུག རྒྱུན་དུ་སློབ་གྲྭའི་ནང་ཡིག་གཟུགས་དགེ་རྒན་བྱས་ནས་རང་ཉིད་ཀྱིས་ཤེས་པའི་ཡིག་གཟུགས་རྣམས་སློབ་མ་རྣམས་ལ་བརྒྱུད་སྤྲོད་བྱེད་པ་དང་སློབ་མས་རང་མི་རིགས་ཀྱི་ཡིག་གཟུགས་ལ་དགའ་ཞེན་དང་བརྩོན་པ་བྱེད་པའི་སྐུལ་འདེད་ཡང་ཡང་བྱས་ནས་རང་མི་རིགས་ཀྱི་ཕུན་སུམ་ཚོགས་པའི་མེས་པོའི་ཕྱག་རྒྱུན་གོང་འཕེལ་ཡོང་བའི་རང་ནུས་ཕྲན་བུ་འདོན་གྱི་ཡོད།
|
|
