༢༠༡༦ལོའི་ཟླ་༡༡ཚེས་༢༡ཉིན། བོད་ལྗོངས་ནག་ཆུ་ཨ་མདོ་རྗོང་སློབ་འབྲིང་གིས་སློབ་མའི་ཡིག་གཟུགས་འབྲི་སྦྱོང་གི་ནུས་པ་མཐོར་འདེགས་བཏང་ནས་རང་མི་རིགས་ཀྱི་ཡིག་གཟུགས་སྒྱུ་རྩལ་དར་སྤེལ་གཏོང་ཕྱིར། སློབ་རའི་ཡིག་གཟུགས་འགྲན་བསྡུར་གྱི་བྱ་འགུལ་གཟབ་རྒྱས་ངང་སྤེལ།
ཐེངས་འདིའི་ཡིག་གཟུགས་འགྲན་བསྡུར་ཁྲོད། ཚུགས་ཆེན་གཞུང་རིས་ཀྱི་ཡིག་གཟུགས་འགྲན་བསྡུར་བྱས་པ་དང་། སློབ་གྲྭ་ཡོངས་ཀྱི་འཛིན་གྲྭ་སོ་སོ་ནས་ཡིག་གཟུགས་ལེགས་ཤོས་ཅན་སློབ་མ་དྲུག་ཅུ་རེ་ལྔ་ཙམ་འགྲན་བསྡུར་ལ་ཞུགས་པ་རེད། དེ་དག་ལས་ལག་རྩལ་འཛིན་གྲྭའི་སློབ་མ་ཕུན་ཚོགས་བཀྲ་ཤིས་ལ་ཨང་དང་པོའི་བྱ་དགའ་ཐོབ་པ་དང་། ལག་རྩལ་འཛིན་གྲྭའི་སློབ་མ་ཚེ་རིང་ཆོས་འཕེལ་དང་། ལོ་རིམ་དགུ་པའི་འཛིན་གྲྭ་དང་པོའི་སློབ་མ་འཆི་མེད་དགྲ་འདུལ་གཉིས་ལ་ཨང་གཉིས་པའི་བྱ་དགའ་ཐོབ། ལག་རྩལ་འཛིན་གྲྭའི་སློབ་མ་སྐར་མ་སྒྲུབ་རྒྱུད་དང་སློབ་མ་དཀོན་མཆོག་ཚེ་རིང་། ལོ་རིམ་བརྒྱད་པའི་འཛིན་གྲྭ་དགུ་པའི་སློབ་མ་བསོད་ནམས་ལྷུན་གྲུབ་གསུམ་ལ་ཨང་གསུམ་པའི་བྱ་དགའ་ཐོབ་ཡོད། གཞན་ད་དུང་ཨང་བཞི་པ་བཅུ་དང་། ཨང་ལྔ་པ་བཅུ་བཅས་བསྡོམ་པའི་སློབ་མ་ཉི་ཤུ་རྩ་དྲུག་ལ་བྱ་དགའ་ཐོབ་ཡོད།
འགྲན་བསྡུར་ཡུལ་དངོས་ཀྱི་ཟུར་གཅིག
བརྩམས་ཆོས་དཔྱད་བསྡུར་གྱི་ཡུལ་དངོས།
འགྲན་ཞུགས་བརྩམས་ཆོས།
|
|
