༄༅། རང་སློབ་རའི་ཐོན་མི་ཡིག་གཟུགས་སྒྱུ་རྩལ་འཛིན་གྲྭའི་མཐོ་གསུམ་སློབ་མས་སློབ་མཇུག་སྒྲིལ་བའི་མཛད་སྒོ།
玉树州第二民族高级中学
2016年藏文书法班高三学生结业典礼
འཛོམས་པ་ཡག་མོ 来自二高新青年
གཟའ་འཁོར་སྔོན་མའི་གཟའ་ལྷག་པའི་ཉིན་ཡུལ་ཤུལ་ཁུལ་མི་རིགས་མཐོ་འབྲིང་གཉིས་པའི་ཐོན་མིའི་ཡིག་གཟུགས་སྒྱུ་རྩལ་འཛིན་གྲྭའི་མཐོ་གསུམ་སློབ་མས་སློབ་མཇུག་སྒྲིལ་བའི་མཛད་སྒོ་སྤེལ་བ་ཡིན། ཐོན་མི་ཡིག་གཟུགས་འཛིན་གྲྭའི་སློབ་མས་སློབ་མཇུག་སྒྲིལ་བའི་མཛད་སྒོ
མ་གཞི་ངེད་སློབ་རའི་ཐོན་མིའི་ཡིག་གཟུགས་སྒྱུ་རྩལ་འཛིན་གྲྭ་ནི་༢༠༡༢ལོར་སློབ་ར་འདི་གསར་དུ་བཙུགས་པ་ནས་བཟུང་སློབ་གཙོ་དབང་འདུས་ལགས་ཀྱི་ཐུགས་བཀོད་བཞིན་སྒྲུབ་པ་ཞིག་ཡིན་ལ། ༢༠༡༥ལོའི་ཟླ༡༢པར་༧མི་རྣམ་རིན་པོ་ཆེ་ནས་འཛིན་གྲྭ་འདིར་ཐོན་མིའི་ཡིག་གཟུགས་སྒྱུ་རྩལ་འཛིན་གྲྭ་ཞེས་དངོས་སུ་མཚན་གསོལ་བ་རེད། འཛིན་གྲྭ་འདིའི་དགེ་རྒན་ནི་དེང་རབས་བོད་ཀྱི་བྲིས་པ་གྲགས་ཅན། དགེ་བའི་བཤེས་གཉེན་ཆེན་པོ་བཞད་པ་བསྟན་པ་རྒྱ་མཚོ་ཡིན་ལ། སློབ་མའི་ཆུ་ཚད་ལ་གཞིགས་ནས་དབུས་བྲིས་ཚུགས་རིང་དང་། འཁྱུགས་མ་ཚུགས། དབུ་ཅན་སོགས་ཁྲིད་ཀྱིན་ཡོད།
ཐེངས་འདིར་ཐོག་མར་བོད་ཀྱི་བྲིས་པ་གྲགས་ཅན་བོད་པ་བསྟན་པ་རྒྱ་མཚོ་མཆོག་ནས་བྲིས་ཀྱི་དགེ་མཚན་དང་ལོ་རྒྱུས། བྲིས་རྒྱུན་གྱི་གལ་ཆེན་རང་བཞིན། བྲིས་ཀྱི་མན་ངག་སོགས་སློབ་མ་རྣམས་ལ་སྙིང་གཏམ་གྱི་ཚུལ་དུ་གསུངས་བཤད་གནངས།
དེ་ནས་རང་སློབ་གྲྭའི་སློབ་གཙོ་གཞོན་པ་ཆའོ་ཧྲུའུ་ཡན་ནས་མཐོ་གསུམ་སློབ་མ་དག་ལ་རྟེན་འབྲེལ་ཞུ་བ་དང་ཆབས་ཅིག སློབ་རིམ་རྗེས་མ་དག་སློབ་མ་ཚོར་བྲིས་རྒྱུན་ལེགས་པོ་སྦྱངས་དགོས་ཚུལ་གྱི་གསུང་བཤད་གལ་ཆེན་གནངས། གལ་ཏེ་སློབ་མ་ཞིག་ཡིན་ཚེ་རང་ཉིད་ཀྱིས་རང་ལ་སེམས་ཁུར་དང་རང་གི་སློབ་སྦྱོང་འཐུས་ཚང་ཞིག་ཡོང་དགོས་པ་དང་། ཁྱད་པར་དུ་ཤེས་ཡོན་པ་ཞིག་ཡིན་ཚེ་རང་མི་རིགས་ལ་འགན་ཁུར་བྱེད་དགོས་ལ། སྤྱི་ཚོགས་ཀྱི་གནས་ཚུལ་ལ་ཡང་འགན་ཁུར་དགོས། ད་ལྟ་ཁྱེད་ཅག་གིས་བོད་ཀྱི་བྲིས་གཟུགས་ཡག་པོར་སྦྱངས་ནས་རང་ཉིད་ཀྱི་ནུས་པ་སྐྱེད་སྲིང་བྱས་ཏེ་མི་རིགས་རིག་གནས་རྒྱུད་འཛིན་ལེགས་པོར་བྱེད་དགོས། ང་ཚོ་རང་གིས་རང་མི་རིགས་ཀྱི་ཕུལ་བྱུང་རིག་གནས་ལ་མཐོང་ཆེན་བྱ་དགོས་པ་དང་། ད་དུང་གཞན་གྱི་ཤེས་བྱ་ལེགས་པར་སྦྱངས་ནས་ཀུན་སྤྱོད་ཇེ་ལེགས་དང་ཡོན་ཏན་ཇེ་འཛོམས་སུ་གཏོང་དགོས། མདོར་ན་ཁྱེད་ཅག་གིས་མི་རིགས་རིག་གནས་དར་སྤེལ་བཏང་ནས་གསར་གཏོད་ཀྱི་སྤོབས་པ་དང་ལྡན་པ་ཞིག་བྱ་དགོས་ཟེར།
འཛིན་གྲྭ་འདི་ནི་རང་མི་རིགས་ཀྱི་སྲོལ་རྒྱུན་རིག་གནས་རྒྱུད་འཛིན་བྱེད་པར་དམིགས་པའི་འཛིན་གྲྭ་ཞིག་ཀྱང་ཡིན། འདི་ལྟ་བུ་ནི་ཡུལ་ཤུལ་ས་ཁུལ་དང་སྤྱིར་བོད་ཀྱི་ས་གནས་དག་ཏུ་གཞུང་བཙུགས་སློབ་གྲྭ་ཁག་ན་ཤིན་ཏུ་ཉུང་བ་རེད། དེ་བས་མི་རིགས་རིག་གནས་དང་མི་རིགས་སློབ་གསོའི་ཐད་ཐུགས་ཁུར་བླ་མེད་གནངས་བཞིན་པའི་རང་སློབ་གྲྭའི་སློབ་གཙོ་དབང་འདུས་གཙོ་བྱས་འབྲེལ་ཡོད་མགོ་ཁྲིད་རྒན་ཆོའོ་ཧྲུའུ་ཡན་སོགས་ལ་ཤིན་ཏུ་བཀའ་དྲིན་ཆེ་ཞུའོ།།
རྒན་བོད་པ་བསྟན་པ་རྒྱ་མཚོ་མཆོག་ནས་གསུང་བཤད་གནངས་བ།
སློབ་གཙོ་གཞོན་པ་ཆའོ་ཧྲུའུ་ཡན་ནས་གསུང་བཤད་གནངས་བ།
མཐར་ཕྱིན་སློབ་མའི་བརྩམས་ཆོས།
མཐར་ཕྱིན་སློབ་མའི་བརྩམས་ཆོས།
སློབ་མཇུག་སྒྲིལ་བའི་དཔང་ཡིག
我校高三(8)班宗周同学 在2016年6月获得青海省青少年五好校公民“老师您好 我的好老师”主题教育活动 书法比赛（中学组）优秀奖。
撰稿：二高教研室羊羔花编辑部
