༄༅།།ཀན་ལྷོ་བོད་རིགས་རང་སྐྱོང་ཁུལ་བོད་ཀྱི་ཡིག་མཁན་མཐུན་ཚོགས་དབུ་བརྙེས་པ་དང་། སྐབས་དང་པོའི་འཐུས་མིའི་ཚོགས་ཆེན་བདེ་ལེགས་ངང་འཚོགས་པ།
2016ལོའི་ཟླ་7པའི་ཚེས་30ཉིན། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་གཙོས་གྲོང་ཁྱེར་ནས་ཀན་ལྷོ་བོད་རིགས་རང་སྐྱོང་ཁུལ་བོད་ཀྱི་ཡིག་མཁན་མཐུན་ཚོགས་དབུས་བརྙེས་པའི་མཛད་སྒོ་དང་འཐུས་མིའི་ཚོགས་ཆེན་སྐབས་དང་པོ་བདེ་ལེགས་ངང་འཚོགས།
ཀན་ལྷོ་ཁུལ་ཨུའི་རྒྱུན་ཨུ། ཁུལ་ཨུའི་དྲིལ་བསྒྲགས་པུའུ་པུའུ་ཀྲང་བཀྲ་ཤིས་འཚོ་དང་། ཀན་སུའུ་ཞིང་ཆེན་མི་དམངས་སྲིད་གཞུང་གི་ཚན་ཧྲི། ཀན་སུའུ་མི་རིགས་དགེ་འོས་ཆེད་གཉེར་སློབ་གླིང་གི་སློབ་གཙོ་གཞོན་པ་རྡོར་ཕྲུག ཀན་སུའུ་མི་རིགས་དགེ་འོས་ཆེད་གཉེར་སློབ་གླིང་གི་སློབ་གཙོ་གཞོན་པ་མུའུ་ཅི་ཞིན། ཁུལ་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་བང་ཡོན་ཅོའུ། ཁུལ་བཟོ་ཚོགས་ཀྱི་རྒྱུན་ལས་ཀྲུའུ་ཞི་གཞོན་པ་གདུགས་དཀར་སྐྱབས། ཁུལ་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པ་ཏེན་ཡུ་ཕིན། ཁུལ་ཀྱི་མཐུན་ཚོགས་སོ་སོའི་འགོ་འཛིན་པ། ཁུལ་བོད་ཀྱི་ཡིག་མཁན་མཐུན་ཚོགས་ཀྱི་ཚོགས་མི་སོགས་སྡོམ་པས་མི་གྲངས86ལྷག་ཚོགས་ཞུགས་མཛད།
ཚོགས་ཐོག་ནས་ཁུལ་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པ་ཏེན་ཡུ་ཕིན་ལགས་ཀྱིས་ཁུལ་ཨུ་དང་ཁུལ་མི་དམངས་སྲིད་གཞུང་གིས་གནང་བའི་ཁུལ་བོད་ཀྱི་ཡིག་མཁན་མཐུན་ཚོགས་དབུ་བརྙེས་བའི་ཆོག་མཆན་ཡིག་ཆ་ཁྱབ་བསྒྲགས་བྱས་པ་མ་ཟད། ཞིང་ཆེན་ཕྱི་ནང་གི་འབྲེལ་ཡོད་སྡེ་ཁག་དང་རྫོང་སོ་སོའི་ཡིག་གཟུགས་མཐུན་ཚོགས བོད་ཀྱི་ཡིག་མཁན་མཁས་དབང་སོ་སོས་མཐུན་ཚོགས་དབུ་བརྙེས་བར་སྐུར་བའི་རྟེན་འབྲེལ་ཤིས་ཚིག་བརྒྱུད་བསྒྲགས་བྱས།
ཀན་ལྷོའི་སྤུན་ཟླ་མཐུན་ཚོགས་ཀྱིས་མཐུན་ཚོགས་དབུ་བརྙེས་པའི་རྟེན་འབྲེལ་ལ་ཤིས་ཚིག་འབུལ་བཞིན་པ།
སྐབས་དང་པོའི་འཐུས་མིའི་ཚོགས་ཆེན་བརྒྱུད་ནས་ཁུལ་བོད་ཀྱི་ཡིག་མཁན་མཐུན་ཚོགས་ཀྱི་སྒྲིག་སྲོལ་དང་། འདེམ་བསྐོ་བྱེད་ཐབས། ནོར་དོན་སྒྲིག་སྲོལ་བཅས་ཀྱི་ཡིག་ཆ་ལ་ཞིབ་བཤེར་བྱས་ཤིང་གྲོས་འཆམ་བྱུང་། དེར་མཐུད་དེ་ཡིག་མཁན་མཐུན་ཚོགས་ཀྱི་ཀྲུའུ་ཞི་སངས་རྒྱས་བཀྲ་ཤིས་དང་། ཀྲུའུ་ཞི་གཞོན་པ་ངག་དབང་རྒྱ་མཚོ། འཇིགས་མེད་ཆོས་དར། རྟ་མགྲིན་མགོན་པོ། ཐེ་བོ་རིན་ཆེན། སྣང་འབུལ་ཡག ཕྱག་རྡོར་ཚེ་རིང་། ཚེ་བརྟན། ཚེ་དཔག་སྐྱབས། སངས་རྒྱས་ཚེ་རིང་། བསོད་ནམས་ཚེ་རིང་བཅས་དང་། དྲུང་ཡིག་ཆེན་མོ་རྟ་མགྲིན་མགོན་པོ་སོགས་ལས་སྣ་བཅུ་གཉིས་འདེམ་བསྐོ་བྱས་ཤིང་དུས་ཐོག་ཏུ་འདེམ་བསྐོའི་མཇུག་འབྲས་ཁྱབ་བསྒྲགས་བྱས། གཞན་ཐེངས་དང་པོའི་ཀྲུའུ་ཞི་ཚོགས་པའི་གྲོས་འདོན་ལྟར་དྲུང་ཡིག་གཞོན་པ་སྐལ་བཟང་བཀྲ་ཤིས། སྐལ་བཟང་དོན་གྲུབ། ཆོས་འཁོར་བསྟན་འཛིན། འཇིགས་མེད། བན་དེ་ཚེ་རིང་། ཤེས་རབ་རྒྱ་མཚོ། རིན་ཆེན་དོན་གྲུབ་བཅས་མི་བདུན་དང་། མཐུན་ཚོགས་ཀྱི་གཞུང་སྒྲུབ་ཁང་གི་ཀྲུའུ་རིན་འཇམ་དཔལ་ཚེ་ལོ་སོགས་འདེམ་བསྐོ་བྱས་ཤིང་མིང་ཐོ་ཁྱབ་བསྒྲགས་བྱས།
མཐུན་ཚོགས་ཀྱི་ཀྲུའུ་ཞི་དང་ཀྲུའུ་ཞི་གཞོན་པ། དྲུང་ཡིག་ཆེན་མོ་སོགས་ལ་འདེམ་བསྐོ་བྱེད་པ།
སྒོས་སུ་༧བསེ་ཚང་བློ་བཟང་དཔལ་ལྡན་ཆོས་ཀྱི་རྡོ་རྗེ་མཆོག་མཐུན་ཚོགས་ཀྱི་མཚན་འཛིན་ཀྲུའུ་ཞིར་གདན་འདྲེན་བྱས་ཤིང་། མཐུན་ཚོགས་ཀྱི་བློ་འདྲི་ཡུལ་ཐད་ཚུལ་ཁྲིམས། རྡོར་ཕྲུག དབང་རྒྱལ། སྒོམ་པ་བཀྲ་ཤིས། ལྷ་རྒྱལ་ཚེ་རིང་། གུ་གྲགས། དཀོན་ལོ། ཡུམ་བྷ། སྐལ་དེ་བཅས་ལ་གདན་ཞུའི་ཡི་གེ་ཕུལ།
མཐུན་ཚོགས་ཀྱི་བློ་འདྲི་ཞུ་སའི་མཁས་དབང་རྣམ་ལ་གདན་ཞུའི་ཡི་གེ་འབུལ་བཞིན་པ།
ཚོགས་ཐོག་ཏུ་སློབ་དཔོན་ཆེན་མོ་རྡོར་ཕྲུག་དང་བོད་ཀྱི་སྙན་ངག་པ་ལྷ་རྒྱལ་ཚེ་རིང་། ཀན་སུའུ་ཞིང་ཆེན་ནང་བསྟན་སློབ་གླིང་གི་དགེ་རྒན་ཟམ་ཚ་ཚེ་རིང་དོན་གྲུབ་སོགས་ཀྱིས་བོད་ཀྱི་ཡིག་མཁན་མཐུན་ཚོགས་ཀྱི་ལས་དོན་ལ་མཐུན་རྐྱེན་དང་རྒྱབ་སྐྱོར་གང་ལེགས་གནང་བའི་ཁུལ་ཨུ་དང་ཁུལ་མི་དམངས་སྲིད་གཞུང་སོགས་འབྲེལ་ཡོད་སྡེ་ཁག་དང་མི་སྣ་རྣམ་པར་བཀའ་དྲིན་ཞུས་པ་དང་ཆབས་ཅིག བོད་ཀྱི་ཡིག་གཟུགས་མ་ཉམས་རྒྱུན་འཛིན་དང་ཉམས་པ་སླར་གསོའི་ཐད་ལ་གསུང་བཤད་གནད་དུ་ཁེལ་བ་གནང་བ་དང་། ཀན་སུའུ་དགེ་འོས་སློབ་ཆེན་གྱི་སློབ་དཔོན་ཆེན་མོའམ་ཡིག་གཟུགས་མཐུན་ཚོགས་ཀྱི་ཀྲུའུ་ཞི་སངས་རྒྱས་བཀྲ་ཤིས་ཀྱིས་ཚོགས་པའི་དགེ་མཚན་དང་མ་འོངས་པའི་བྱ་བཞག་ཐད་གཏམ་བཤད་གྱ་ནོམ་པ་བསྩལ་ཏེ་ཚོགས་འདུའི་མཇུག་བསྡུས།
སློབ་དཔོན་ཆེན་མོ་ལྷ་རྒྱལ་ཚེ་རིང་ལགས་ཀྱིས་གསུངས་བཤད་གནང་བཞིན་པ།
སློབ་དཔོན་ཆེན་མོ་རྡོར་ཕྲུག་ལགས་ཀྱིས་གསུངས་བཤད་གནང་བཞིན་པ།
ཀན་སུའུ་ཞིང་ཆེན་ནང་བསྟན་སློབ་གླིང་གི་དགེ་རྒན་ཟམ་ཚ་ཚེ་རིང་དོན་གྲུབ་ཀྱིས་ཡིག་མཁན་ཡོངས་ཀྱི་ཚབ་བྱས་ནས་གསུངས་བཤད་གནང་བ།
ཀན་སུའུ་དགེ་འོས་སློབ་ཆེན་གྱི་སློབ་དཔོན་ཆེན་མོའམ་ཡིག་གཟུགས་མཐུན་ཚོགས་ཀྱི་ཀྲུའུ་ཞི་སངས་རྒྱས་བཀྲ་ཤིས་ལགས་ཀྱིས་ཡིག་མཁན་མཐུན་ཚོགས་ཀྱི་དགེ་མཚན་དང་མ་འོངས་པའི་བྱ་བཞག་ཐད་གསུངས་བཤད་གནང་པ།
ཐེངས་འདིའི་ཚོགས་ཆེན་གྱི་མདོ་འཛིན་པའམ་ཀན་ལྷོའི་ཟླ་ཟེར་རྩོམ་སྒྲིག་ཁང་གི་གཙོ་སྒྲིག་པ་ཕྱག་རྡོར་ཚེ་རིང་གིས་ཚོགས་ཆེན་ལ་མཇུག་བསྡུ་མཛད་པ།
ཚོགས་ཞུགས་མགོ་ཁྲིད་དང་ཚོགས་མི་ལྷན་རྒྱས་ཀྱིས་མཉམ་པར་བརྒྱབས་པ།
ཚོགས་ཆེན་མཇུག་རྫོགས་རྗེས་ཀན་ལྷོ་གཡང་ལྡན་ཕྱུག་མོའི་ཁུལ་ཡོངས་ཀྱི་བོད་ཀྱི་ཡིག་གཟུགས་འགྲེམས་སྟོན་སྐབས་དང་པོ་གཟབ་རྒྱས་ངང་སྒོ་མོ་ཕྱེ་ཞིང་། འབྲེལ་ཡོད་སྡེ་ཁག་གི་མགོ་ཁྲིད་རྣམ་པ་དང་། ཡིག་གཟུགས་མཐུན་ཚོགས་ཀྱི་ཚོགས་མི་ཡོངས་ཀྱིས་སྒྱུ་རྩལ་གྱི་རོ་བཅུད་སྣུམ་པའི་བོད་ཀྱི་ཡིག་གཟུགས་ཀྱི་མཛེས་པར་མྱོང་རོལ་མཛད།
ཡིག་གཟུགས་འགྲེམས་སྟོན་གྱི་སྒོ་མོ་འབྱེད་པའི་མཛད་སྒོ།
འགྲེམ་སྟོན་ཁང་གི་རྣམ་པ1
འགྲེམ་སྟོན་ཁང་གི་རྣམ་པ2
འགྲེམ་སྟོན་ཁང་གི་རྣམ་པ3
འགྲེམ་སྟོན་ཁང་གི་རྣམ་པ4
ཁུལ་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་བང་ཡོན་ཅོའུ་ལགས་ནས་ཕྱག་བྲིས་གནང་བཞིན་པ།
ཕྱི་དྲོ་ཆུ་ཚོད་གཉིས་དང་ཕྱེད་ནས་བཟུང་ཀན་ལྷོའི་བྲིས་པ་ཚོས་རང་གི་བྲིས་རྩལ་ངོམ་བཞིན་ཡིག་གཟུགས་འགྲེམ་སྟོན་ལ་རོལ་མྱོང་བྱས་པའི་གནས་ཚུལ་མདོར་བསྡུས།
ཡིག་མཁན་སྐལ་བཟང་དོན་གྲུབ་ཀྱིས་བྲིས་རྩལ་ངོམ་བཞིན་པ།
ཡིག་མཁན་ཁ་གྱ་འཇིགས་མེད་ཀྱིས་བྲིས་རྩལ་ངོམ་བཞིན་པ།
ཡིག་མཁན་བཀྲ་ཤིས་དོན་གྲུབ་ཀྱིས་བྲིས་རྩལ་ངོམ་བཞིན་པ།
ཡིག་མཁན་ཆོས་སྐྱོང་སྐྱབས་ཀྱི་བྲིས་རྩལ།
ཡིག་མཁན་ཨ་ནུ་སྐལ་བཟང་བཀྲ་ཤིས་ཀྱིས་བྲིས་རྩལ་ངོམ་བཞིན་པ།
ཡིག་མཁན་པད་མ་ཚེ་རིང་གིས་བྲིས་རྩལ་ངོམ་བཞིན་པ།
|
|
