རྒྱ་ཆེའི་བོད་ཀྱི་ཡིག་མཁན་མཁས་དབང་དང་དྲ་གྲོགས་ཡོངས་ལ་ཞུ་རྒྱུར། ཉེ་པའི་ཟླ་ངོ་འགའ་ལ་བོད་ཀྱི་ཡིག་གཟུགས་དྲ་བ་དང་སྐད་འཕྲིན་ཚོགས་པའི་ཡིག་གཟུགས་བརྗོད་དོན་བྱ་འགུལ་ཅུང་ཉུང་བས། ད་ཐེངས་ཆེད་དུ་བོད་ཟླ་དྲུག་པའི་བཅོ་ལྔའི་རྔ་བའི་རྫ་ཁྲོམ་དུས་ཆེན་ལ་བརྗོད་དོན་ཡིག་གཟུགས་བྱ་འགུལ་ཅིག་སྤེལ་པར་རྣམ་པ་ཚོས་བརྩམས་ཆོས་ཅི་འབྱོར་རེ་གསར་རྩོམ་པར་ལེན་སོགས་གྲ་སྒྲིག་བྱས་ནས་བོད་ཟླ་དྲུག་པའི་ཚེས་བཅུ་གསུམ་ཉིན་གྱི་ཕྱི་དྲོ་བར་ངེད་དྲ་ཚིགས་ལ་སྐུར་ན་དྲ་ཚིགས་ཀྱི་བརྗོད་དོན་བྱ་འགུལ་ལེ་ཚན་དུ་འགོད་རྒྱུན་ཡིན་པས་བྱ་འགུལ་ལ་ཞུགས་ནས་བྲིས་རྩལ་ཅི་དགའ་ངོམས་པར་དགའ་བསུ་ཞུ།
རྫ་ཁྲོམ་དུས་ཆེན་ནི་བོད་ཟླ་དྲུག་པའི་ཚེས་བཅོ་ལྔའི་ཉིན་འདིར་མདོ་སྨད་རྔ་བ་ཁུལ་དུ་རྫ་ཁྲོམ་དུས་ཆེན་རོལ་པའི་སྲོལ་ཡོད་པ་དེར་གོ་དགོས། དུས་ཆེན་འདིའི་ཐོག་མའི་ལམ་སྲོལ་ནི་རྔ་བ་རྨེ་ཚང་གི་དཔོན་པོ་སྐལ་བཟང་གིས་ཕྱེས་ཤིང༌། རིམ་གྱིས་ཟླ་ལྔ་པའི་ཚེས་གཅིག་དེ་༡༩༨༥ལོ་ནས་བོད་ཟླ་དྲུག་པའི་ཚེས་བཅོ་ལྔར་བསྒྱུར། དུས་ཆེན་དེར་ཞིང་ཆེན་ཕྱི་ནང་ནས་ཐོན་པའི་རྫ་ཆས་མང་པོ་ཁྲོམ་རར་བཤམས་པས་མིང་དེ་ལྟར་ཐོགས་ཤིང༌། ཚོང་འདུས་རྒྱ་ཆེ་ཞིང༌། མི་རྣམས་མ་བསྡུས་གཅིག་ཏུ་འདུས་ནས་དུས་སྟོན་རོལ། ཉིན་འདི་ཙམ་ནས་མདོ་སྨད་བླ་བྲང་སོགས་ཡུལ་ཁ་ཅིག་ཏུ་ཤིང་སློང་གི་དུས་སྟོན་ཟླ་གཅིག་ཙམ་ལ་རོལ།
|
|
