འཇམ་མགོན་ས་པཎ་གྱིས། གང་དག་ཡི་གེ་འབྲི་བ་པོ། །སྙོམ་གཙང་འགྲིག་གསུམ་ལྡན་པ་དང་། །ལེགས་མགྱོགས་དག་གསུམ་དྲུག་ཚང་ན། །མཁས་པའི་གོ་ས་ཐོབ་པ་ཡིན། ཅེས་གསུངས་པ་ལྟར་དུ་གང་དག་ཡི་གེ་འབྲི་བ་པོ་དེས་དབུ་ཅན་དང་དབུ་མེད་གང་བྲིས་པའི་ཡིག་གཟུགས་ལ་དཀར་ནག་གི་ཆ་མཉམ་ལ་འབྲུ་ཁོག་སྒྲོས་པ། སྣག་ལམ་གཙང་ཞིང་ཡི་གེ་གྲ་འགྲིག་པར་མ་ཟད། ཡིག་གཟུགས་ལེགས་ལ། ལག་པ་བཟང་གོམས་སུ་ཆགས་ནས་མགྱོགས་པ་དང།ཆད་ལྷག་ནོར་འཁྲུལ་མེད་པའི་དག་པ་བཅས་དྲུག་དང་ལྡན་ན་བྲིས་མཁན་ཞེས་པའི་མིང་ཐོབ་པ་ཡིན་ཅིང་། དེ་ཡང་ཇི་སྐད་དུ། དང་པོ་མཁས་པའི་སློབ་དཔོན་བསྟེན་པ་དང་། ། བར་དུ་རིག་པའི་ཕྲེང་ལ་ཤར་བ་དང་། ། མཐའ་མར་ལག་ལེན་བརྩོན་འགྲུས་བྱེད་པར་གནས། །དེ་ཡང་ཐོག་མར་ཐིག་ལ་རུས་པ་དང། །བར་དུ་རུས་ལ་ཤ་ཉམས་འདོན་པ་དང་། ། མཐའ་མ་ཤ་ལ་མཛེས་ཉམས་བསླབ་པ་སོགས། ། གོ་རིམ་བཞིན་དུ་སྦྱོང་བ་གནད་དུ་ཆེ། །མགོ་ལ་མཐོ་དམའ་བར་ལ་ཡངས་དོག་དང་། །དེ་བཞིན་རྐང་ལ་རིང་ཐུང་མེད་པའི་ངོས། ། འབྲུ་ནི་ཡུངས་དཀར་བསྟར་ལ་བཀོད་འདྲ་བ། ། སྙོམས་ལེགས་བྱུང་དུས་ཧ་ལམ་ཤེས་པའི་ཚད། ། ཅེས་གསུངས་པ་ལྟར་ཤེས་པར་བྱ་དགོས་སོ། །
|
|
