བོད་ཀྱི་དེང་རབས་ཡིག་གཟུགས་པ་ཆེན་མོ་རྒན་སྐལ་བཟང་ཆོས་འཕེལ་ངོ་སྤྲོད།
2016-05-05 01:51来源:བོད་ཀྱི་ཡིག་གཟུགས་དྲ་བ།作者:རིག་བསྟན།网址:http://www.zgzzsf.com浏览数:320 

སྐལ་བཟང་ཆོས་འཕེལ།

       བྲིས་མཁན་ཆོས་འཕེལ་ཚང་ནི་སྤྱི་ལོ་༡༩༤༣ལོར་ཁམས་འབའ་ཐང་རྫོང་གི་ལྷ་ས་བུ་མོ་ཚང་ལ་སྐུ་འཁྲུངས། དཀར་མཛེས་མི་རིགས་དགེ་འོས་སློབ་གྲྭ་མཐར་ཕྱིན། དཀར་མཛེས་གསར་འགྱུར་ཁང་གི་ནང་དུ་ལོ་བཅོ་ལྔའི་རིང་ལ་བོད་ཡིག་རྩོམ་སྒྱུར་གྱི་ལས་དོན་བསྒྲུབས། སི་ཁྲོན་ཞིང་ཆེན་བོད་ཡིག་སློབ་གྲྭའི་དགེ་རྒན་ལོ་ལྔ་ཙམ་བྱས། ཁུལ་མི་རིགས་ལས་བྱེད་སློབ་གྲྭའམ་ཁུལ་སྲིད་འཛིན་སློབ་གླིང་གི་བོད་རྒྱ་ཡིག་སྒྱུར་དང་ཡིག་གཟུགས་དགེ་རྒན་ལོ་མང་མཛད་ནས་བོད་ཀྱི་བྲིས་གཟུགས་ལ་བྱས་རྗེས་ཆེན་པོ་བཞག་ཡོད། ཁོང་གི་གོ་མིང་ནི་གླིང་གེ་སར་རིག་པ་བ་དང་ལོ་ཙཱ་བ། (འགྱུར་ཞུས་དགེ་རྒན་ཆེན་མོ) ཡིན། སི་ཁྲོན་ཁམས་བོད་ཞིབ་འཇུག་ལྟེ་གནས་ཀྱི་ཞིབ་འཇུག་པ། དཀརམཛེས་ཁུལ་རྒན་པའི་ཡིག་རིས་ཞིབ་འཇུག་ལྷན་ཚོགས་ཀྱི་ཚོགས་གཙོ་གཞོན་པ་བོད་ཡིག་《གངས་དཀར་རི་བོ》དུས་དེབ་ཀྱི་ལག་བསྟར་རྩོམ་སྒྲིག་པ་གཙོ་བོ་སོགས་ཀྱི་གོ་གནས་བཞེས་ཡོད་ཅིང་། ཁོང་གི་བྲིས་གཟུགས་ཆེས་བཟང་ཤོས་ནི་འབྲུ་ཚ་ཞབས་ཐུང་མ་ཡིན། འབྲུ་ཚ་མཁན་པོ་ཁོང་ནི་ཁམས་པའི་སྒྱུ་རྩལ་དུས་ཆེན་གྱི་ཡིག་རིས་འགྲེམ་སྟོན་དུ་ཞུགས་མྱོང་ལ།དཀར་མཛེས་ཁུལ་གྱི་ཡིག་གཟུགས་འགྲན་བསྡུར་ཁྲོད་དུ་ཨང་དང་པོ་དང་གསུམ་པའི་བྱ་དགའ་ཐོབ་མྱོང།

     གསུང་རྩོམ་དང་ཡིག་སྒྱུར་སྐོར་ནི། གསར་འགྱུར་དང་དུས་དེབ་ཐོག་རྩོམ་ཡིག་སུམ་བརྒྱ་ལྷག་ཙམ་བཀོད་ཡོད་ལ། ཆེད་རྩོམ་བཅུ་ལྷག་བཀོད་ཡོད།ཁེར་སྒྱུར་དང་མཉམ་སྒྱུར། མཉམ་རྩོམ་འདེམས་སྒྲིག  དག་ཞུ་བྱས་ནས་དཔེ་སྐྲུན་བྱས་པའི་དཔེ་ཆ་ཁྱོན་པོད་ཉེར་ལྔ་ཡོད། དེའི་ནང་གླིང་གེ་སར་རྒྱལ་པོའི་སྒྲུང་པོད་ལྔ་འདུས་ཤིང་། རྒྱལ་ཁབ་ཀྱི་ལས་ཁུངས་དང་ཞིང་ཆེན། ཁུལ་རིམ་པའི་བྱ་དགའ་བཅུ་ལྷག་ཙམ་ཐོབ་ཡོད་དོ། །


会员登录
登录
我的资料
留言
回到顶部