བསོད་ནམ་རྒྱ་མཚོ།
སྒ་སྐྱ་ལོའི་རྒྱུད་པ་བསོད་རྒྱ་ནི་བོད་ཤིང་བྱ་ལོ་སྟེ་སྤྱི་ལོ༡༩༤༥ལོར་མདོ་ཁམས་ཏྲེ་སྟོད་རོང་པ་ཚ་ཞེས་པའི་ཡུལ་དུ་སྐུ་འཁྲུངས། སྔ་གཞུག་རྣམས་སུ་མཚན་ལྡན་དགེ་བའི་བཤེས་གཉེན་དུ་མའི་ཞབས་རྡུལ་སྤྱི་བོར་བླངས་ནས་ཟབ་རྒྱས་ཆོས་ཀྱི་གདམས་པ་ཅི་རིགས་གསན་བཞེས་མཛད་པར་མ་ཟད། སྤྱི་ལོ་༡༩༨༢ལོར་ཞིང་ཆེན་བོད་ཡིག་སློབ་གྲྭ་རུ་ཕེབས་ཏེ་སྐྱེས་ཆེན་དུ་མ་བསྟེན་ནས་མདོ་སྔགས་རིག་གནས་དང་བཅས་པ་གསན་བསམ་མཛད་ཞོར་དུ་བྲིས་ཀྱི་ཟུར་ཁྲིད་དགེ་རྒན་ཡང་མཛད། རྗེས་སུ་སློབ་མཐར་ཕྱིན་ནས་པེ་ཅིན་རིག་གནས་ཕོ་བྲང་དུ་ཕེབས། དེའི་རྗེས་སུ་བོད་བརྒྱུད་ནང་བསྟན་སློབ་གླིང་དུ་དགེ་རྒན་མཛད། མདོ་དབུས་ཁམས་གསུམ་གྱི་བླ་སྤྲུལ་ན་གཞོན་མི་ཉུང་བ་ཞིག་ཁོང་གི་ཞལ་སློབ་ཏུ་གྱུར། སློབ་དཔོན་ཆེན་པོའི་གོ་གནས་བཞེས་ཏེ་བསྟན་འགྲོའི་དོན་ཆེན་སྒྲུབ་བཞིན་ད་སྐབས་པེ་ཅིན་དུ་བཞུགས་ཡོད། རྩོམ་ཡིག་སྐོར། གངས་ཅན་ལྷོ་ཊའི་ཡིག་གཟུགས་སྣ་ཚོགས་ཀྱི་མ་ཕྱི་གཡུ་ཁྲིའི་ཕྱག་བྲིས་སོགས་ཡོད་དོ། །
|
|
