མདོ་སྨད་ཀྱི་བྲིས་པ་ཆེན་པོ་རྒན་རྡོར་དྲིལ་ངོ་སྤྲོད་མདོར་བསྡུས།
2016-04-19 16:42来源:བོད་ཀྱི་ཡིག་གཟུགས་དྲ་བ།作者:རིག་བསྟན།网址:http://www.zgzzsf.com浏览数:217 

རྡོར་དྲིལ།

       བྲིས་པ་ལྷ་བཟོ་རྡོར་དྲིལ་ནི་རབ་བྱུང་དྲུག་པའི་ས་ཕག་ལོ་སྟེ་སྤྱི་ལོ༡༩༥༩ལོར་མདོ་སྨད་ཝ་ཤུལ་གསེར་རྟ་སྟག་རྩེ་ཤང་ཁ་ཤུལ་སྡེ་པ་རུ་ཡབ་པད་ཚུལ་དང་ཡུམ་སྐྱིད་འཛོམས་གཉིས་ཀྱི་སྲས་སུ་སྐུ་འཁྲུངས། ཁོང་ཆུང་དུས་ནས་རི་མོ་དང་བོད་ཡིག་འབྲི་ཀློག་ལ་སློབ་སྦྱངས་མཛད། སྤྱི་ལོ༡༩༨༢ལོར་སི་ཁྲོན་ཞིང་ཆེན་བོད་ཡིག་སློབ་གྲྭ་རུ་དགེ་བའི་བཤེས་གཉེན་བཅུ་གསུམ་ཙམ་བསྟེན་ནས་མདོ་སྔགས་རིག་གནས་དང་བཅས་པ་སློབ་སྦྱོང་མཛད་པ་མ་ཟད།སྐབས་དེར་སྡེ་དགེ་དཔལ་སྤུངས་དགོན་དུ་ཕྱིན་ནས་མཁས་དབང་ཐང་བླ་ཚེ་དབང་མདུན་དུ་ལོ་གཉིས་ཙམ་ལ་བོད་ཀྱི་རི་མོ་དང་ཐིག་རྩ་བཅས་སློབ་གཉེར་བྱས་ནས་སློབ་མཐར་ཕྱིན། སྤྱི་ལོ༡༩༨༦ལོར་དཀར་མཛེས་མི་རིགས་ལས་བྱེད་སློབ་གྲྭའི་དགེ་རྒན་བྱས། ཁོང་གིས་རི་མོ་སློབ་ཁྲིད་བྱེད་མྱོང་སའི་སློབ་གྲྭ་ནི། དར་མདོ་མི་རིགས་དགེ་འོས་སློབ་གྲྭ་དང་། ཞིང་ཆེན་བོད་ཡིག་སློབ་གྲྭ་བཅས་སོ།།

   གསུང་རྩོམ་སྐོར་ནི། ཡིག་གཟུགས་བློ་གསར་མིག་འབྱེད། བྲིས་དཔེ་འདི་ལ་བོད་མཁས་པ་དང་བླ་མ་དང་། སྤྲུལ་སྐུ་བཅས་མི་སྣ་སྐད་གྲགས་ཅན་མང་པོ་ཞིག་གིས་བསྟོད་བསྔགས་ཐོབ་ཡོད། སྡེ་དགེ་པར་ཁང་ཆོས་མཛོད་ཆེན་མོའི་ལྷ་རིས་དང་དེའི་གསལ་བཤད་དཀར་ཆག་གི་དཔེ་ཆ་ལ་རྒྱལ་ཁབ་ཀྱི་དཔེ་མཛོད་ཁང་དང་རྒྱལ་ཁབ་གསར་འགྱུར་དཔེ་སྐྲུན་ཁང་གི་བྱ་དགའ་ཨང་དང་པོ་ཐོབ་ཡོད། དཔྱད་རྩོམ་ནི་བྲིས་མི་ཤེས་པའི་སྐྱོན་དང་ཇི་ལྟར་བསླབ་ན་ལེགས་ཞེས་སོགས་ཡོད་དོ། །


会员登录
登录
我的资料
留言
回到顶部