ཀྲུང་གོའི་མི་རིགས་དཔེ་མཛོད་ཁང་དུ་ཉར་ཚགས་བགྱིས་པའི་ཏ་ལའི་ལོ་མའི་དཔེ་ཆ་༼ དམ་ཆོས་པདྨ་དཀར་པོ།༽
ཏ་ལའི་ལོ་མའི་དཔེ་ཆ་ནི་གནའ་བོའི་རྒྱ་གར་ནས་བྱུང་བ་ཡིན། ཤོག་བཟོའི་ལག་རྩལ་རྒྱ་གར་དུ་མ་དར་གོང་རྒྱ་གར་བས་ཏ་ལའི་ལོ་མའི་ཐོག་ཡི་གེ་འབྲི་ཡི་ཡོད།ནང་པ་སངས་རྒྱས་པས་ཀྱང་ཏ་ལའི་ལོ་མའི་ཐོག་ནང་པའི་གསུང་རབ་དང་སྐུ་འདྲ་འབྲི་བར་བརྟེན་ཏ་ལའི་ལོ་མའི་དཔེ་ཆ་ཞེས་པའི་མིང་ཡང་དེ་ལྟར་ཐོགས།ཏ་ལའི་ལོ་མ་རྡར་ཟད་མི་སླ་བ་དང་ཡང་མོ་ཡིན་པས་ལོ་ངོ་སྟོང་ཕྲག་སོང་ཡང་ཡིག་གཟུགས་གསལ་ལ་ངོས་འཛིན་བདེ།ཏ་ལའི་ལོ་མའི་དཔེ་ཆའི་ཚད་ལྡན་ཡིག་ཆ་ནི་མིག་སྔར་འཛམ་གླིང་ཐོག་གི་གནའ་བོའི་ཚད་ལྡན་ཡིག་ཆའི་ཁྲོད་རྩ་ཆེ་ཤོས་ཀྱི་གདོད་མའི་དཔྱད་གཞིའི་གྲས་ཡིན་ལ་མི་རིགས་ཀྱི་རིག་གནས་ཀྱི་གལ་ཆེའི་གྲུབ་ཆའི་གྲས་ཀྱང་ཡིན།
བོད་དུ་ཉར་ཚགས་བྱས་པའི་ཏ་ལའི་ལོ་མའི་དཔེ་ཆའི་ཚད་ལྡན་ཡིག་ཆ་ནི་བོད་རིགས་ཀྱི་སྲོལ་རྒྱུན་རིག་གནས་བང་མཛོད་ནང་གི་འོད་མདངས་བཀྲ་བའི་མུ་ཏིག་ལྟ་བུ་ཞིག་ཡིན་ལ་གནའ་བོའི་རྒྱ་གར་གྱི་རིག་གནས་དང་རང་རྒྱལ་བོད་རིགས་ཀྱི་སྲོལ་རྒྱུན་རིག་གནས་སྤེལ་རེས་བྱས་པའི་ལོ་རྒྱུས་ཀྱི་དཔང་པོའང་ཡིན།ད་ཕན་ལོ་ཤས་རིང་ཏང་དང་སྲིད་གཞུང་གི་རྒྱབ་སྐྱོར་ཆེན་པོ་གནང་བས་བོད་རང་སྐྱོང་ལྗོངས་ཀྱིས་བོད་དུ་ཉར་ཚགས་བྱས་པའི་ཏ་ལའི་ལོ་མའི་དཔེ་ཆ་བྲིས་མར་སྲུང་སྐྱོབ་དང་ཞིབ་འཇུག་བྱེད་པའི་ལས་དོན་སྤེལ་བར་གྲུབ་འབྲས་གཡུར་དུ་ཟ་བ་ཐོབ་ཡོད།
བོད་རང་སྐྱོང་ལྗོངས་ཤིང་ཏ་ལའི་ལོ་མའི་དཔེ་ཆ་ལ་སྲུང་སྐྱོབ་བྱེད་པའི་ལས་དོན་འགོ་ཁྲིད་ཚོགས་ཆུང་གིས་2006ལོའི་ཟླ་བདུན་པར་ལྷ་སར“ལྗོངས་ཡོངས་ཀྱི་ཏ་ལའི་ལོ་མའི་དཔེ་ཆ་སྲུང་སྐྱོབ་བྱེད་པའི་ལས་དོན་ཚོགས་འདུ”འཚོགས་ནས་ཀྲུང་གོའི་སྤྱི་ཚོགས་ཚན་རིག་ཁང་དང་།ཀྲུང་གོའི་བོད་རིག་པའི་ཞིབ་འཇུག་ལྟེ་གནས། བོད་རང་སྐྱོང་ལྗོངས་གསུམ་པོས་ལྷན་དུ་བོད་ཀྱི་ཏ་ལའི་ལོ་མའི་དཔེ་ཆ་སྲུང་སྐྱོབ་དང་ཞིབ་འཇུག་བྱེད་རྒྱུ་ལག་ལག་བསྟར་བྱས།
ལོ་ངོ་སྟོང་ཕྲག་རིང་གི་རིག་གནས་ཤུལ་བཞག་སྲུང་སྐྱོབ་ཡག་པོ་བྱེད་པར་ཕྱོགས་ཡོངས་ནས་ཞིབ་བཤེར་བྱེད་པའི་ཐོ་འགོད་ལས་དོན་སྤེལ་ཡོད།དེའི་རྨང་གཞིའི་ཐོག་བོད་རྒྱ་དབྱིན་སོགས་ཚད་ལྡན་ཡིག་ཆའི་ཁྲོད་འཁོད་པའི་འབྲེལ་ཡོད་ཏ་ལའི་ལོ་མའི་ལཉྫའི་དཔེ་ཆའི་ངག་རྒྱུན་དུ་ཡོད་པ་དང་ལཉྫ་ནས་བོད་ཡིག་ཏུ་བསྒྱུར་བའི་དཔེ་ཆ་དང་དེ་བཞིན་ལཉྫའི་ལོ་ཙྰ་བའི་རྗེས་ཤུལ་གཞིར་བཟུང་སྟེ་ལྗོངས་ཡོངས་སུ་གཞི་ཁྱོན་ཆེ་བའི་བསྐྱར་བཤེར་དང་ཞིབ་བཤེར་རྩིས་ལེན་གྱི་ལས་དོན་སྤེལ་ཡོད།ལོ་གཉིས་རིང་དཀར་ཆག་པར་ལེན་ཚོགས་ཆུང་གིས་ལྗོངས་ཡོངས་ཀྱི་ས་ཁུལ(གྲོང་ཁྱེར)７གྱི་རྫོང４１གི་སྡེ་ཚན་དང་དགོན་སྡེ６５དང་།གནའ་ཤུལ３ དཔེ་ཆ་དང་རིག་དངོས་ཉར་ཚགས་བྱས་པའི་དུད་ཁྱིམ་གཙོ་བོ５བཅས་དང་དེ་བཞིན་གྲྭ་ཤག་ཁག་གཅིག་ལ་ཕྱོགས་ཡོངས་ནས་བརྟག་དཔྱད་དང་བསྐྱར་བཤེར་རྩིས་ལེན་བྱེད་པ་སོགས་ཀྱི་ལས་དོན་སྤེལ་ཡོད།
དཀར་ཆག་སྒྲིག་པ་དང་པར་ལེན་བྱེད་པའི་བརྒྱུད་རིམ་ནང་ད་ཡོད་ཀྱི་ཏ་ལའི་ལོ་མའི་ལཉྫའི་དཔེ་ཆ་བྲིས་མ(ཤོག་རིགས་དཔེ་ཆ་ཚུད་པ)དེ་དག་ཆ་ཚང་མིན་ལ་མ་བལྟོས་པར་ཚང་མར་དཀར་ཆག་སྒྲིག་པ་དང་ཡིག་ཚགས་བཟོས་པ་མ་ཟད།པར་ལེན་བྱས་པའི་མ་ཡིག་གི་པར་རིས་དེ་དག《བོད་རང་སྐྱོང་ལྗོངས་ཀྱིས་གཅེས་ཉར་བྱས་པའི་ཏ་ལའི་ལོ་མའི་དཔེ་ཆའི་པར་ལེན་ཀུན་བཏུས》ནང་བཀོད་དེ་དེང་རབས་ཚན་རྩལ་བྱ་ཐབས་ལ་བརྟེན་ནས་གནའ་བོའི་ཚད་ལྡན་ཡིག་ཆའི་ཤུལ་བཞག་རྒྱུ་དངོས་དེ་ཇི་སྲིད་བར་ཉར་ཚགས་བྱ་རྒྱུ་རེད།
དཀར་ཆག་སྒྲིག་པ་བརྒྱུད་བོད་དུ་ལཉྫ་དང་། བོད་ཡིག པྲ་ཀྲི་ཏི་སོགས་ཡིག་རིགས་ཀྱི་ཏ་ལའི་ལོ་མའི་གནའ་བོའི་བྲིས་མ(རིགས)ཆིག་སྟོང་ལྷག་ཙམ་ཉར་ཚགས་བྱས་ཡོད་པ་དེའི་ཁྲོད་ཤོག་རིགས་ཀྱི་ཏ་ལའི་ལོ་མའི་ལཉྫའི་དཔེ་ཆ་དང་བོད་ཡིག་གི་བྲིས་མ་ཁག་གཅིག་ཚུད་པར་ཁྱོན་ཏ་ལའི་ལོ་མའི་དཔེ་ཆ་ཤོག་ལྷེ་ཆིག་ཁྲི་ཙམ་ཡོད་པ་ཕལ་ཆེར་གཏན་འཁེལ་བྱས་ཡོད།
སྲོལ་རྒྱུན་གྱི་བོད་ཡིག་གི་བཀའ་བསྟན་འགྱུར་གྱི་རིགས་དབྱེ་ཐབས་གཞིར་བཟུང་ད་ཡོད་བོད་ཀྱི་ཏ་ལའི་ལོ་མའི་ལཉྫའི་དཔེ་ཆ་བྲིས་མའི་དོན་དངོས་དང་ཟུང་དུ་སྦྲེལ་ཚེ་དེ་དག་རིགས་ཆེ་གྲས22སུ་དབྱེ་ཆོག་པ་སྟེ། འདུལ་ཁྲིམས་དང་། ཤེར་ཕྱིན། མདོ་སྡེ། རྒྱུད་སྡེ། བསྟོ ད་ཚོགས། དབུ་མ། སེམས་ཙམ་པ། ཨབྷིདྷརྨ(མཛོད) རྟོ གས་བརྗོད། གསུང་ཚོགས། ཚད་མ། སྒྲ་རིག་པ། གསོ་བ་རིག་པ། སྙན་ངག མངོན་བརྗོད།སྡེབ་སྦྱོར། ཟློ ས་གར། སྐར་རྩིས། ཚིག་མཛོད། སྣ་ཚོགས། རིག་བྱེད་སོགས་རིག་ཚན21དང་ཐོར་བུའི་རིགས་གཅིག་ཡིན།དེའི་ནང་གཙོ་བོ་ནང་བསྟན་གྱི་མཚན་ཉིད་རིག་པ་དང་། མི་ཆོས་རིག་པ། གཏན་ཚིགས་རིག་པ།སྒྲ་རིག་པ།སྙན་ངག མངོན་བརྗོད། རྩོམ་རིག་བཅས་ཚུད་ཡོད་ལ་གསོ་རིག་དང་སྐར་རྩིས་སོགས་རང་བྱུང་ཚན་རིག་ཐད་ཀྱི་ནང་དོན་ཡང་ཚུད་ཡོད།གཞི་རྩའི་ཆ་ནས་བོད་མི་རིགས་ཀྱི་སྲོལ་རྒྱུན་གྱི“རིག་པའི་གནས་བཅུ”སྟེ ། “རིག་གནས་ཆེ་ཆུང་ལྔ”འདུས་ཡོད་པ་དང་ནང་བསྟན་ལོ་རྒྱུས་དང་།ནང་བསྟན་གྱི་ལོ་ཙཱའི་ལོ་རྒྱུས། ཚན་རྩལ་ལོ་རྒྱུས། ཀྲུང་གོ་དང་རྒྱ་གར་དབར་གྱི་རིག་གནས་སྤེལ་རེས་ལོ་རྒྱུས་བཅས་ལ་ཞིབ་འཇུག་བྱེད་པར་མེད་དུ་མི་རུང་བའི་མཐོང་ཐོས་མྱོང་གྲུབ་ཀྱི་དཔྱད་གཞི་ཞིག་ཡིན།དེའི་མི་ཚད་ཏ་ལའི་ལོ་མའི་ཚད་ལྡན་ཡིག་ཆ་དེ་དག་ལཉྫའི་ཡིག་གཟུགས་རིགས་མི་འདྲ་བ་བཅུ་ལྷག་ཙམ་ལ་བརྟེན་ནས་བྲིས་པ་ཕལ་ཆེར་གཏན་འཁེལ་བྱས་པ་དང་བོད་ཡིག་གསར་གཏོད་གནང་སྐབས་ལཉྫའི་གསལ་བྱེད་དེ་སྒྲ་རིག་པ་དང་བརྡ་སྤྲོད་རིག་པ་སོགས་དང་འབྲེལ་བ་ཟབ་མོ་ཡོད་ལ་གནའ་བོའི་ཡིག་གཟུགས་རིག་པ་དང་སྒྲ་རིག་པར་ཞིབ་འཇུག་བྱེད་པའི་གཅེས་ནོར་ཞིག་ཀྱང་ཡིན།
བོད་ཀྱི་ད་ཡོད་ཏ་ལའི་ལོ་མའི་ལཉྫའི་དཔེ་ཆ་བྲིས་མའི་ཁྲོད་དཔེ་རྒྱུན་དཀོན་རིགས་དང་།གནའ་དཔེ་རྩ་ཆེན། རྩ་ཆེའི་དཔེ་དེབ་བཅས་ཀྱི་རིགས་མི་ཉུང་བ་ཞིག་ཡོད་པ་དང་དུས་རབས་བཅུ་གཅིག་པའི་བྲིས་མ《དབུ་མའི་སྙེ་མ》ཡོད་པ་མ་ཟད།ད་བར་མཐོང་དཀོན་པའི་བོད་འགྱུར་དང་རྒྱ་འགྱུར་གྱི་འགྱུར་མ་ཡོད་པ་དེ་དག་རྩ་ཆེ་ལ་ཧ་ཅང་དཀོན་པོ་ཡིན།ལྷག་དོན་དུ་བོད་ཀྱི་ཏ་ལའི་ལོ་མའི་དཔེ་ཆ་བྲིས་མ་དེ་བོད་བརྒྱུད་ནང་བསྟན་གྱི་བོད་ཡིག་གི་བཀའ་བསྟན་འགྱུར་དང་འབྲེལ་བ་དམ་པོ་ཡོད་པས་ཚད་ལྡན་ཡིག་ཆའི་རིན་ཐང་དེ་བས་ཆེན་པོ་ལྡན་ཡོད།
ཀྲུང་གོའི་མི་རིགས་དཔེ་མཛོད་ཁང་གི་བསྐྱར་དཔར་བྱས་པའི་༼ དམ་ཆོས་པད་མ་དཀར་པོ ༽ལིས་ཞཱན་ཉུན་གྱིས་བལ་བོའི་རྒྱལ་པོར་ལེགས་སྐྱེས་སུ་ཕུལ།
དཀར་ཆག་སྒྲིག་པའི་བརྒྱུད་རིམ་ནང་བྲིས་མ་ཁག་གཅིག་གི་ཐོག་རྩོམ་པ་པོའི་མཚན་བཀོད་ཡོད་ལ་ཁག་གཅིག་ལ་ལོ་མའི་ཤོག་གྲངས་དང་པོའམ་ཤོག་གྲངས་མཇུག་ཤོས་དེའི་ཐོག་སུས་ཡིག་སྒྱུར་བྱས་མིན་དང་།སུས་ཁྱབ་གདལ་བཏང་མིན། སུས་ཉར་ཚགས་བྱས་མིན་སོགས་ཕྱི་མིས་མཆན་འགོད་བྱས་པའི་ཟིན་ཐོ་ཕྲན་བུ་བཀོད་ཡོད།གོང་གསལ་གྱི་ཟིན་ཐོ་ཙག་ཙིག་འཁོད་པ་དང་། པུ་ཏི(རིགས)རེ་རེའི་བྲིས་མས་མཚོན་པའི་ནང་དོན་དང་ཁྱད་ཆོས།དེ་བཞིན་ལཉྫ་ནས་བོད་ཡིག་ཏུ་བསྒྱུར་སྐབས་ཀྱི་རྒྱབ་ལྗོངས་ཆེན་པོ་སོགས་ལ་ཕྱོགས་བསྡུས་ཁུངས་སྐྱེལ་ལམ་རིགས་དཔག་བྱས་པ་བརྒྱུད་བོད་ཀྱི་ད་ཡོད་ཏ་ལའི་ལོ་མའི་དཔེ་ཆ་མང་ཆེ་བ་ནི་དུས་རབས8པ་ནས་དུས་རབས14པའི་བར་གྱི་ལཉྫའི་བྲིས་མ་ཡིན་པ་དང་དེ་ལས་སྔ་ཙམ་དེད་ན་དུས་རབས7པའི་དུས་མགོའི་བར་དེད་ཆོག་ལ་མཇུག་ཤོས་དེའང་དུས་རབས17ཡས་མས་སུ་ཡིན་པ་གཏན་འཁེལ་རགས་ཙམ་བྱུང་ཡོད། དེ་མ་ཟད་བོད་ཀྱི་ཏ་ལའི་ལོ་མའི་དཔེ་ཆ་སྲུང་སྐྱོབ་དང་ཞིབ་འཇུག་བྱེད་པའི་ལས་དོན་སྤེལ་རིང《བོད་རང་སྐྱོང་ལྗོངས་སུ་ཉར་བའི་ཏ་ལའི་ལོ་མའི་སྤྱིའི་དཀར་ཆག》(གཱ་རྣམ་པ་དང་ཁྱོན་བམ་པོ་བཞི)དང་།《བོད་རང་སྐྱོང་ལྗོངས་སུ་ཉར་བའི་ཏ་ལའི་ལོ་མའི་དཔེ་ཆའི་པར་ལེན་ཀུན་བཏུས》 (ཁྱོན་བམ་པོ་བགོས་དེབ61)《བོད་རང་སྐྱོང་ལྗོངས་སུ་ཉར་བའི་ཏ་ལའི་ལོ་མའི་དཔེ་ཆའི་པར་ལེན་ཀུན་བཏུས་ཀྱི་སྟབས་བདེའི་དཀར་ཆག》《བོད་རང་སྐྱོང་ལྗོངས་ཀྱི་ཏ་ལའི་ལོ་མའི་དཔེ་ཆ་སྲུང་སྐྱོང་བྱ་རྒྱུའི་སྐོར་གྱི་འཆར་འགོད་དང་ལག་བསྟར་བྱེད་ཐབས》《བོད་རང་སྐྱོང་ལྗོངས་ཀྱི་ཏ་ལའི་ལོ་མའི་དཔེ་ཆ་སྲུང་སྐྱོབ་དང་དོ་དམ་བྱེད་ཐབས》བཅས་དང་དེ་བཞིན་བོད་ཀྱི་རིག་གནས་ཤུལ་བཞག་སྲུང་སྐྱོབ་ཀྱི་ལེགས་འབུལ་པར་གཞི《བོད་ཀྱི་ཏ་ལའི་ལོ་མའི་དཔེ་ཆ་སྲུང་སྐྱོང་བྱེད་པའི་དངོས་བྲིས》 (ལེའུ་གསུམ)སོགས་གྲུབ་འབྲས་ཆེན་པོ་ཐོབ་ནས་སླད་ཕྱིན་བོད་ཀྱི་ཏ་ལའི་ལོ་མའི་དཔེ་ཆ་སྲུང་སྐྱོབ་དང་ཞིབ་འཇུག་ལས་དོན་སྔར་བས་ཡག་པོ་སྤེལ་ཆེད་རྨང་གཞི་བརྟན་པོ་བཏིང་ཡོད།
|
|
