བོད་ཀྱི་ཡིག་མཁན་རིག་སྨོན་བསམ་གཏན་རྒྱ་མཚོ་ལགས་ནི། མཚོ་ལྷོ་གསེར་ཆེན་རྫོང་སྐྱིད་ཉིན་ལུང་དཔོན་ཚང་གི་མི་ཡིན་ལ། མདོ་སྨད་བྱང་རྒྱུད་ཀྱི་ཆོས་གྲྭ་ཆེན་མོ་དཔལ་མི་འགྱུར་དྷཱིཿཚ་དགེ་ལྡན་བཀྲ་ཤིས་ཆོས་སྡིངས་གླིང་གི་གྲྭ་བ་ཡིན། ཁོང་གིས་བོད་ཀྱི་ཡིག་གཟུགས་དང་རིག་གནས་གཞན་དག་ལ་སློབ་གཉེར་བྱས་ཚུལ་སོགས་ཁོང་གི་ལོ་རྒྱུས་ངོ་སྤྲོད་ན་གསལ་བོར་བཀོད་ཡོད་པས་འདི་བསྐྱར་ཟློས་བྱ་དགོས་མེད་ནའང་། ཁོང་གིས་མ་སྐུལ་དང་ལེན་དང་། རང་ནུས་ཅི་ལྕོགས་ཀྱིས་2009ལོ་ནས་བཟུང་དགོན་པ་འདི་དང་མཚོ་སྔོན་གྱི་ས་ཆ་སོ་སོ་ནས་བོད་ཀྱི་ཡིག་གཟུགས་རིག་གནས་རྒྱུན་འཛིན་དར་སྤེལ་གཏོང་པའི་གསོ་སྦྱོང་འཛིན་གྲྭ་ཐེངས་དགུ་ཙམ་སྒྲུབ་མྱོང་བ་དང་། ད་ལོ་ཡང་འཕྲིན་ལས་འདིའི་རྒྱུན་མཐུད་དེ་གསོ་སྦྱོང་གི་བྱ་བ་རྣམས་གཅིག་ལྕོགས་སུ་སྤེལ་བཞིན་པའི་སྐོར་མདོར་བསྡུས་ཤིག་འགོད་པར་བྱ་སྟེ།
དང་བོ། མདོ་སྨད་དྷཱིཿཚ་དགོན་ནས་ཡིག་གཟུགས་གསབ་སྦྱོང་འཛིན་གྲྭ་སྒྲུབ་ཚུལ།
མཚོ་སྔོན་ཞིང་ཆེན་དཔའ་ལུང་རྫོང་དྷཱིཿཚ་དགོན་ཆེན་ནི་གཞུང་ཆེན་བཀའ་པོད་ལྔར་སློབ་གཉེར་གནང་སའི་དགོན་སྡེ་ཆེ་གྲས་ཤིག་ཡིན་ལ། ད་ལྟའི་བར་བོད་ཀྱི་རིག་གཞུང་སྤྱི་ལ་ཞབས་ཞུ་གང་འཚམས་ཤིག་གནང་དང་གནང་མུས་ཡིན། ལྷག་པར2009ལོ་ནས་བཟུང་དབྱར་དགུན་གནང་གི་སྐབས་སུ་བོད་ཀྱི་དགོན་སྡེ་མང་པོ་དང་སློབ་གྲྭ་ཆེ་འབྲིང་ཆུང་གསུམ་གྱི་སློབ་མ་མང་པོར་སུམ་རྟགས་དག་གསུམ་དང་། སྒྲ་ཚད་སྙན་ངག གྲུབ་མཐའ་དང་ཡིག་གཟུགས་སོགས་ཀྱི་སློབ་ཁྲིད་བྱ་བ་སྣ་ཚོགས་སྤེལ་བཞིན་ཡོད། ལྷག་པར་བོད་ཀྱི་ཡིག་གཟུགས་རིག་གནས་འཛིན་སྐྱོང་ཐད་བོད་ཀྱི་ཡིག་གཟུགས་པ་རིག་སྨོན་བསམ་གཏན་ལགས་ཀྱིས་ལོ་རེ་བཞིན་གསོ་སྦྱོང་གི་ལས་ཀ་དང་ལེན་བྱས་ནས་སློབ་མ་བརྒྱ་ཕྲག་མང་པོར་ཡིག་གཟུགས་དབུ་ཅན་སྨྱུག་རིལ་དང་སྨྱུག་བཅད་སྣ་ཚོགས། དབུ་མེད་ཚུགས་རིང་ཚུགས་ཐུང་། བར་བྲིས་བཅས་ཀྱི་སྨྱུག་ཁ་གཅོད་སྟངས། སྨྱུག་འགྲོས་འཐེན་ལུགས། ཐིག་གདབ་སྟངས་སོགས་གོ་རིམ་བཞིན་སློབ་ཁྲིད་གནང་པ་དང་། ཁྱོན་སྡོམ་འདི་ལྟ་བུའི་གསོ་སྦྱོང་འཛིན་གྲྭ་ཐེངས་དགུ་བསྒྲུབས་ཟིན།
ད་ལོའི་ཟླ1ཚེས་10ནས་ཚེས24ཉིན་བར་སྔར་སྲོལ་བཞིན་དྷཱིཿཚ་དགོན་པ་ནས་ཡིག་གཟུགས་གསོ་སྦྱོང་འཛིན་གྲྭ་ཐེངས་བཅུ་བ་བསྡུས། ཐེངས་འདིའི་གསོ་སྦྱོང་འཛིན་གྲྭར་མཚོ་ལྷོ་གསེར་ཆེན་རྫོང་སློབ་ཆུང་དང་པོ་དང་གཉིས་པ། རྫོང་སློབ་འབྲིང་། ཁྲི་ཀ་སློབ་ཆུང་དང་སློབ་འབྲིང་། ཆུ་ལེན་རྫོང་སློབ་ཆུང་། གཅན་ཚ་སློབ་འབྲིང་། དཔའ་ལུང་རྫོང་སློབ་འབྲིང་། མཚོ་ལྷོ་མཐོ་འབྲིང་། མཚོ་སྔོན་སློབ་ཆེན། ནུབ་བྱང་སློབ་ཆེན། མགོ་ལོག་རྨ་ཆེན་གྱི་དགེ་རྒན་འགའ་དང་བྲག་དཀར་རྫོང་ས་སྣ་དགོན་པའི་གྲྭ་བཙུན་བཅས་སློབ་མ་བཞི་བཅུ་ལྷག་ཞུགས་པ་དང་། གཙོ་བོ་དབུ་ཅན་སྨྱུག་རིལ་དང་སྨྱུག་བཅད། དབུ་མེད་བར་བྲིས། དབུས་བྲིས་སུག་རིང་བཅས་ཀྱི་ཐད་ལ་གསོ་སྦྱོངགནང་།
བོད་ཀྱི་ཡིག་གཟུགས་ལ་དགའ་ཞིང་དུང་པའི་དགེ་སློབ་འདི་དག་གིས་ཉིན་བཅུ་ཕྲག་གི་རིང་ལ་བོད་ཀྱི་སྲོལ་རྒྱུན་ཡིག་གཟུགས་གི་ཤེས་བྱ་དང་འབྲི་ལུགས་སྔར་སྲོལ་མ་ཉམས་པར་སློབ་སྦྱོང་ཡག་པོ་བྱས་པས་སློབ་མ་ཚོར་གྲུབ་འབྲས་མི་དམན་པ་རེ་ཐོབ་ཡོད།
༡ ཡིག་གཟུགས་སློབ་ཁྲིད་སྐོར་གྱི་གནས་ཚུལ་དངོས་བྲིས།
སློབ་ཕྲུག་ཚོར་ཡིག་གཟུགས་མཛུབ་སྟོན་དང་མན་ངག་གསལ་བཤད་གནང་བཞིན་པ།
སུག་རིང་ཡིག་གཟུགས་སློབ་སྦྱོང་ཐད་སྲོལ་རྒྱུན་གྱི་སྦྱོང་ལུགས་ཚུལ་བཞིན་བསྟེན་པ།
དམིགས་བསལ་དགོས་ཁྲིད་སྟོན་གནང་བ།
གསོ་སྦྱོང་འཛིན་གྲྭའི་སློབ་ཁྲིད་ཀྱི་ཟུར་ཅིག
དགེ་རྒན་གྱིས་གནང་པའི་ལས་བྱ་ནན་ཏན་གྱིས་སྒྲུབ་བཞིན་པ།
བློ་རྩེ་གཅིག་སྒྲིམ་གྱིས་འབྲི་སྦྱོང་བྱེད་བཞིན་པ།
༢ སློབ་མའི་ཉིན་རེའི་སྦྱང་བྱ་འདེམ་བཀོད།
སློབ་མའི་ལས་བྱའི་དཔེ་མཚོན། 1
སློབ་མའི་ལས་བྱའི་དཔེ་མཚོན། 2
༣ གསོ་སྦྱོང་ལེགས་གྲུབ་བྱུང་རྗེས་ཀྱི་གནས་ཚུལ།
ཐེངས་འདིའི་གསོ་སྦྱོང་འཛིན་གྲྭའི་དགེ་སློབ་མཉམ་པར།
གཉིས་པ། རྟ་ནག་མ་ནས་ཡིག་གཟུགས་གསོ་སྦྱོང་འཛིན་གྲྭ་བསྒྲུབས་པའི་གནས་ཚུལ།
མཚོ་སྔོན་ཞིང་ཆེན་བརྩེ་ལྡན་སྤྱི་ཚོགས་ལས་གཉེར་འཕེལ་རྒྱས་ལྟེ་གནས་ནས་གཙོ་སྒྲུབ་དང་ཁྲི་གཤོག་ཉི་གཞོན་ལྷན་ཚོགས་ཀྱིས་རོགས་སྒྲུབ་བྱས་ཏེ། 2016ལོའི་ཟླ1ཚེས་26ཉིན་ནས་ཟླ2ཚེས་2ཉིན་བར་མཚོ་སྔོན་ཞིང་ཆེན་མཚོ་ལྷོ་ཁུལ་གསེར་ཆེན་རྫོང་རྟ་ནག་མ་ཡུལ་ཚོའི་བུམ་པ་སྡེ་བ་ནས་སྐབས་དང་པོའི་ཡིག་གཟུགས་གསོ་སྦྱོང་འཛིན་གྲྭ་དངོས་སུ་སློབ་མགོ་ཚུགས།
ད་ལོའི་དགུན་གནང་སློབ་གསེང་སྐབས་སྤེལ་པའི་ཡིག་གཟུགས་གསོ་སྦྱོང་འཛིན་གྲྭ་འདིས། མཚོ་སྔོན་དཔའ་ལུང་རྫོང་དྷཱིཿཚ་དགོན་གྱི་ཡིག་གཟུགས་པ་རིག་སྨོན་བསམ་གཏན་རྒྱ་མཚོ་ཆེད་དུ་གདན་ཞུ་བྱས་ནས་ཉིན་བཅུའི་རིང་ལ་ཡིག་གཟུགས་སློབ་ཁྲིད་བྱས་ཤིང་། གསོ་སྦྱོང་ལ་ཞུགས་མཁན་ནི་མཚོ་སྔོན་ཞིང་ཆེན་མཚོ་ལྷོ་ཁུལ་གྱི་རྟ་ནག་མ་བུམ་པ་སྡེ་བའི་སློབ་ཆུང་དང་། སློབ་འབྲིང་། མཐོ་འབྲིང་བཅས་ཀྱི་སློབ་མ་སུམ་ཅུ་ལྷག་ཡོད། འཛིན་གྲྭ་འདིར་ཞུགས་མཁན་གྱི་ཆེས་ཆུང་བའི་སློབ་མ་ནི་ལོ་དྲུག་དང་། ཆེས་ཆེ་བ་ལོ་ཉི་ཤུ་ཡིན། དེ་བས་གསོ་སྦྱོང་གི་ཐད་ནས་སློབ་མ་རྣམས་འཛིན་གྲྭ་གཉིས་ལ་དགར་བ་དང་། ཁྲིད་ཚན་ཐད། ༡བོད་ཀྱི་ཡིག་གཟུགས་བྱུང་འཕེལ་གྱི་ལོ་རྒྱུས། ༢ བྲིས་ཆས་ངོས་འཛིན་དང་སྤྱོད་སྟངས། དེའི་བཟོ་ལུགས། ༣ དབུས་བྲིས་ཁུངས་ལྡན་གྱི་བྲིས་རྒྱུན་ཆ་ཚང་སོགས་བཀོད་སྒྲིག་བྱས་ཡོད་པ་རེད།
ཉིན་བདུན་གྱི་དུས་ཡུན་ཧ་ཅང་ཐུང་ནའང་དགེ་སློབ་ཚོས་རང་རང་གི་ཐད་ནས་དཀའ་སྦྱད་འབད་བརྩོན་དང་དུས་ཚོད་དམ་འཛིན་བྱས་ནས་གྲང་ངར་ཆེ་བའི་དགུན་ཟླ་བར་མའི་དུས་སུ་གསོ་སྦྱོང་གི་ནང་དོན་ཆ་ཚང་མགོ་མཇུག་ཡག་པོས་ལེགས་འགྲུབ་བྱུང་བ་དང་། སློབ་མ་ཚོར་མཚོན་ན་ཡང་ཡང་རེག་པར་དཀའ་པའི་སློབ་སྦྱོང་གི་གོ་སྐབས་འདི་དང་། རྒྱུད་ལྡན་ཡིག་གཟུགས་ཀྱི་བྲིས་རྒྱུན་ཡང་པོ་ཞིག་སྤེལ་ཐུབ་པ་ནི་གཙོ་སྒྲུབ་གནང་མཁན་གྱི་ལས་ཁུངས་དང་རོགས་སྒྲུབ་ཚོགས་པ། ས་གནས་མང་ཚོགས་དང་ཁྱིམ་བདག་ཚང་མ་ཡིད་ཚིམ་པའི་གནས་སུ་གྱུར་བས་ཡུལ་མི་ཀུན་གྱི་བསྔགས་བརྗོད་ཀྱི་མེ་ཏོག་བར་མེད་དུ་གཏོར་ཅིང་མཆིས།
༡ ཡིག་གཟུགས་དཔེ་ཁྲིད་ཀྱི་ཡུལ་དངོས་འདྲ་པར་ལས་དགེ་རྒན་གྱིས་སློབ་ཁྲིད་གནང་པའི་སྐོར།
ཡིག་གཟུགས་སྦྱི་བཤད་དང་སྦྱང་ཤིང་སོགས་དཔེ་ཁྲིད་གནང་བཞིན་པ།
དབུས་བྲིས་སུག་རིང་སློབ་ཁྲིད་ཀྱི་རྣམ་པ།
ཡིག་གཟུགས་དཔེ་ཁྲིད་ཀྱི་ཡུལ་དངོས་རྣམ་པ།
༢ ཡིག་གཟུགས་དཔེ་ཁྲིད་ཀྱི་ཡུལ་དངོས་འདྲ་པར་ལས་སློབ་མའི་འབྲི་སྦྱོང་གི་གནས་ཚུལ་སྐོར།
དབུས་བྲིས་སུག་རིང་ལ་སློབ་སྦྱོང་བྱེད་བཞིན་པ། 1
དབུས་བྲིས་སུག་རིང་ལ་སློབ་སྦྱོང་བྱེད་བཞིན་པ། 2
ཡིག་གཟུགས་འབྲི་སྦྱོང་གི་ཟུར་ཙམ།
རེ་བས་ཁེངས་པའི་ཡིག་གཟུགས་པ་ཆུང་ཆུང་གིས་སུག་རིང་བརྩམས་ཆོས་གསར་རྩོམ་བྱེད་བཞིན་པ།
སུག་རིང་ལ་མགོ་ཅན་ལ་ནན་ཏན་གྱིས་སྦྱོང་བཞིན་པ།
༣ ཡིག་གཟུགས་དཔེ་ཁྲིད་ཀྱི་ཡུལ་དངོས་འདྲ་པར་ལས་ཕུལ་བྱུང་སྦྱངས་འབྲས་འདེམ་བཀོད།
སློབ་མའི་ཡིག་གཟུགས་ལས་བྱ་ཁག་ཅིག
བྱ་དགའ་ཐོབ་པའི་ལས་བྱ་འདེམ་བཀོད། ༡
བྱ་དགའ་ཐོབ་པའི་ལས་བྱ་འདེམ་བཀོད། ༢
༣ ཡིག་གཟུགས་གསོ་སྦྱོང་བྱ་བ་ལེགས་གྲུང་བྱུང་པ་དང་མཇུག་བསྡུད་ཀྱི་རིམ་པའི་སྐོར།
གསོ་སྦྱོང་འཛིན་གྲྭའི་མཇུག་བསྡུའི་ཚོགས་འདུ།
ཐེངས་འདིའི་གསབ་སྦྱོང་གི་ཁྲོད་སྦྱང་འབྲས་བཟང་བའི་སློབ་མར་བྱ་དགའ་གནང་བཞིན་པ།
བྱ་དགའ་ཐོབ་མཁན་སློབ་བུ་འགའི་མཉམ་པར།
རྒན་རིག་སྨོན་བསམ་གཏན་དང་བརྩེ་ལྡན་ལྷན་ཚོགས་ཀྱི་མཉམ་པར།
རྟ་ནག་མ་ཡུལ་ཚོའི་བུམ་པ་སྡེ་བའི་མགོ་ཁྲིད་དང་དགེ་སློབ་མཉམ་འཛོམས།
|
|
