བོད་ཀྱི་དམངས་ཁྲོད་ཡིག་གཟུགས་མཁས་པ་བཀྲ་ཤིས་ཚེ་དབང་ངམ་སྨྱུག་མིང་བརྡ་སྤྲོད་ཟེར་བ་ཁོང་ནི་མཚོ་སྔོན་ཞིང་ཆེན་ཡུལ་ཤུལ་ཁུལ་ནང་ཆེན་རྫོང་འབྲོང་ཤོག་ཤོག་ཁ་དཔལ་ཀ་རུ་ཆེན་དཔལ་སྟོད་སྡེ་བ་ནས་ཡིན། ཁོང་སྤྱི་ལོ་༡༩༦༦ལོའི་ཟླ༤པའི་ཚེས་པ༨ཉིན་དཔལ་ཀ་རུ་སྐྱེས་ཤིང་། ལོ་བཅུའི་སྟེང་ནས་ཤོག་ཀའི་སློབ་ཆུང་ལོ་རིམ་དང་པོར་ཟླ་བ་ལྔ་ཙམ་ལ་འདུག་རྒྱུའི་གོ་སྐབས་བྱུང་སོང་། དེ་ནས་གནས་ཚུལ་གྱི་དབང་གིས་སློབ་གྲྭ་ནས་ཕྱིར་བུད་དེ་རྐང་བཞི་ཕྱུགས་ཀྱི་རྗེས་སུ་མི་ལོ་༣༤ལ་དུས་འདས།ཕོ་ལོ་བཞི་བཅུ་ཞེ་བཞིའི་ཐོག་ནས་ནང་ཆེན་རྫོང་བོད་ཀྱི་ཤེས་རིག་ཞིབ་འཇུག་དང་དར་སྤེལ་ཚོགས་པས་དགུན་གནང་གི་སྐབས་དང་བསྟུན་ནས་ལོ་རེར་ཟླ་གཅིག་གི་རིང་ལ་སློབ་མ་རྣམས་ལ་གསབ་སྦྱོང་འཛིན་གྲ་སྒྲུབས་པས། དེའི་ནང་དུ་ཁྱོན་ཟླ་གསུམ་ལ་སློབ་སྦྱོང་གི་གོ་སྐབས་རེག་པའི་འབྲས་བུ་ལས་གཞན་དབེན་སློབ་གཉེར་གྱི་གོ་སྐབས་མ་བྱུང་།
རྗེས་སུ་ནང་ཆེན་རྫོང་ཤེས་རིག་ཞིབ་འཇུག་ཚོགས་པའི་ཚོགས་གཙོ་མཁན་བསོད་ནམས་ལགས་དང་མཁན་པོ་ཨོ་རྒྱན་ཚེ་རིང་།རྫོང་མི་རིགས་སློབ་འབྲིང་དང་པོའི་བོད་ཡིག་དགེ་རྒན་དགའ་ཆུང་དང་། བཀྲ་ཤིས་དཔལ་ལྡན། ཆོས་དབང་དཔལ་ལྡན་བུ་ཚེ་དབང་འཆི་མེད་དཔལ་བཟང་ཤེས་ཕུན་ཚོགས་བཅས་ཁོང་རྣམ་པའི་མདུན་ནས་ཡི་གེའི་སྦྱོར་ཀློག་དང་།སུམ་རྟགས་དག་གསུམ། སྙན་ངག་མངོན་བརྗོད། ཀརྨའི་སྒར་བྲིས་ཀྱི་ཡིག་གཟུགས་སོགས་ལ་བག་ཆགས་ཙམ་ཞིག་འཇོག་རྒྱུའི་གོ་སྐབས་ཐོབ་པ་ནི་ཁོང་རྣམ་པའི་བཀའ་དྲིན་ཡིན།
དེ་ནས་ད་བར་རང་སྦྱོང་ལྷོད་མེད་བྱས་པའི་འབྲས་བུ་ནི་མངོན་གསལ་འདི་རེད། གསབ་སྦྱོང་ཟླ་རེའི་འཇུག་ནས་རྒྱུག་འབྲས་ཐེངས་དང་་པོར་ཨང་རིམ་གཉིས་པ་དང་ཐེངས་གཉིས་པར་ཨང་རིམ་དང་པོ།ཐེངས་གསུམ་པར་དགེ་རྒན་སྐོར་གྱི་ཨང་རིམ་གསུམ་པ་སོགས་ཐོབ་མྱོང་། ཕྱི་ལོ་༢༠༡༤ལོར་ནང་ཆེན་རྫོང་གི་ཟླ་བཅུ་པའི་བྲིས་གཟུགས་འགྲན་སྡུར་སྐབས་གཉིས་པའི་ནང་ཨང་གཉིས་པའི་བྱ་དགའ་ཐོབ་ཡོད་པ་བཅས་སོ།།
|
|
