回顾过去 展望未来
2015年工作总结及下一步打算
དང་པོ། 2015ལོའི་བྱ་བའི་སྤྱི་སྡོམ་མདོར་བསྡུས།
ཐོག་མར་བོད་ཀྱི་ཡིག་གཟུགས་ལ་དུང་བ་ཟབ་པའི་དྲ་གྲོགས་ཡོངས་ལ་ལོ་གསར་བའི་ནང་བཀྲ་ཤིས་བདེ་ལེགས་ཀྱི་འཚམས་འདྲི་དང་ཆབ་ཅིག་ཏུ་བགྲང་བྱ་གཅིག་གི་བོད་ཀྱི་ཡིག་གཟུགས་དྲ་བའི་བྱ་བའི་གནས་ཚུལ་སྙན་ཞུ་མདོར་བསྡུས་ཤིག་འབུལ་ན་གཤམ་ལྟར།
བོད་ཀྱི་ཡིག་གཟུགས་དྲ་བས2014ལོའི་ཟླ10ཚེས་1ནས་བཟུང་དྲ་ཚིགས་ཀྱི་སྒྲིག་གཞི་ལེགས་འགྲུབ་བྱུང་བ་དང་། པར་གཞི་དང་པོ་དྲ་ལམ་ལ་བཏང་ནས་ཚོད་ལྟ་བྱས། 2015ལོའི་ཟླ་3པའི་ཚེས་3བར་དྲ་ངོས་གནད་དོན་དག་སེལ་དང་། བསྐྱར་སྒྲིག་ལེགས་བཅོས་སོགས་བརྒྱུད་དེ་ཚེས་4ཉིན་དྲ་ཚིགས་ཀྱི་པར་གཞི་གསར་བ༼ད་ལྟའི་རྣམ་པ་འདི༽དངོས་སུ་གཏན་འཁེལ་བྱས་ཏེ་རྒྱལ་སྤྱིའི་མུ་འབྲེལ་དྲ་ལམ་དུ་ཤར་གཏོང་བྱས། ཉིན་དེ་ནས་བཟུང་བོད་ཀྱི་ཡིག་གཟུགས་དྲ་བས་དངོས་སུ་ཡིག་གཟུགས་སྐོར་གྱི་བརྩམས་ཆོས་སྤེལ་མགོ་ཚུགས་པ་དང་། དེ་རིང་བར་གྱི་ཟླ་ངོ11གི་རིང་ལ་ང་ཚོས་ཡིག་གཟུགས་སྐོར་ཀྱི་གསར་འགྱུར་འདོན་ཐེངས57དང་། དཔྱད་རྩོམ་འདོན་ཐེངས56དང་། ཡིག་རིགས་འདོན་ཐེངས20། བརྡ་ཁྱབ་འདོན་ཐེངས17། ཡིག་གཟུགས་རྒྱུན་ཤེས་འདོན་ཐེངས35། ཡིག་གཟུགས་མ་ཕྱི་འདོན་ཐེངས12། ས་ཁུལ་འགྲེམ་སྟོན་ཁང3། མི་སྒེར་གྱི་ཡིག་གཟུགས་འགྲེམ་སྟོན་ཁང་འགྲེམ་ཐེངས27ལ་ཡིག་གཟུགས་བརྩམས་ཆོས761ལྷག ཐུན་མོང་གི་ཡིག་གཟུགས་འགྲེམ་སྟོན་བྱ་འགུལ16ལ་འགྲེམ་ཐེངས46དང་བརྩམས་ཆོས་670ལྷག ཡིག་གཟུགས་སློབ་ཁྲིད་བརྙན་ཐུང་རིགས་མི་འདྲ་བ4། ཡིག་གཟུགས་དཔེ་རྙིང9། གནའ་ཉེ་རབས་ཡིག་མཁན19། དེང་རབས་ཡིག་མཁན 33 ། ཡིག་གཟུགས་མཁོ་ཆས་ངོ་སྤྲོད་འདོན་ཐེངས15། སློབ་སྦྱོང་གི་ཡིག་རིགས་གཞན་པ་འདོན་ཐེངས7། སློབ་རའི་ཡིག་གཟུགས་བྱ་འགུལ་སྤེལ་ཐེངས17། ཡིག་གཟུགས་མཉེན་ཆས་དང་བོད་ཡིག་ཡིག་མཛོད་རིགས21བཅས་བསྡོམས་པས་འདོན་ཐེངས་368ལ་བརྩམས་ཆོས་སྣ་ཚོགས3496ལྷག་རྒྱལ་ཁབ་ཕྱི་ནང་ཀུན་གྱི་གཟིགས་མོ་བ་དང་བོད་ཀྱི་ཡིག་གཟུགས་རིག་གནས་ལ་དོ་ཁུལ་བྱེད་མཁན་ལ་མིག་གི་ལོངས་སྤྱོད་དང་སློབ་སྦྱོང་གི་གསོལ་སྟོན་ཞིག་གི་ཚུལ་ཏུ་བཤམས་ཐུབ་པ་བྱུང་བ་མ་ཟད། ཉིན་རེའི་བསྐྱར་བཟློས་མ་རྩིས་པའི་གཟིགས་མོ་བ་སྐུ་མགྲོན205811ལྷག་གློག་ཀླད་དྲ་བར་ཕེབས་གནས་མཛད་པ་དང་། སྐུ་མགྲོན་15010ལྷག་ཁ་པར་དྲ་བར་ཕེབས་གནས་མཛད་ཅིང་དགའ་བསུ་ཆེན་པོ་ཐོབ།
དེ་མིན་བོད་ཀྱི་ཡིག་མཁན་མཁས་པའི་དབང་བོ་རྒན་བློ་བཟང་རྡོ་རྗེ་ཚང་དང་། བོད་ཀྱི་ཡིག་གཟུགས་མཁན་པོ་རྒན་སངས་རྒྱས་བཀྲ་ཤིས། རྒན་ལྷག་པ་ཚེ་རིང་། རྒན་ཆོས་འཁོར་བསྟན་འཛིན། རྒན་སྙེ་འཕྲིན་ལས་རྒྱལ་མཚན། རྒན་ངག་དབང་རྒྱ་མཚོ། རྒན་བསྟན་འཛིན་དང་། རྒན་རྡོ་བྷ། འབྲུ་ཚ་བཀྲ་ཤིས་རྡོ་རྗེ་བཅས་དང་། བོད་ཀྱི་ཡིག་གཟུགས་མཁས་པ་རྒན་ལྕགས་མོ་ཐུབ་ཆེན། རྒན་འདན་མ་བཀྲ་དགའ། རྒན་དོན་གྲུབ་ཚེ་རིང་། མགོན་པོ་ཚེ་བརྟན། ཁ་གྱ་འཇིག་མེད། འཇིག་མེད་ཆོས་དར། སྨན་བླ་ཐར། བྱ་མདོ་བུན་ཁྲང་ཚེ་རིང་། རིག་སྨོན་བསམ་གཏན། བསོད་ནམས་ཚེ་རིང་། མདོ་སྨད་པ་ཚེ་རིང་དོན་གྲུབ། ཀན་ལྷ་བ་སྐལ་བཟང་དོན་གྲུབ། ཨ་ནུ་སྐལ་བཀྲ་སོགས་གདན་ཞུ་བྱས་ནས་དྲ་ཚིགས་ལ་མཛུབ་སྟོན་གནང་བ་དང་། བོད་མདོ་དབུས་ཁམས་གསུམ་གྱི་ཡིག་གཟུགས་ལས་དོན་ལ་དགའ་མཁན་ཚོགས་མི་61ལྷག་གིས་དྲ་ཚིག་ལ་ཐོ་འགོད་བྱས་ནས་དུས་དང་རྣམ་པ་ཀུན་དུ་དགོངས་འཆར་དང་། གྲོས་གཞི། རེ་སྐུལ། བརྩམས་ཆོས་དཔྱད་བརྗོད་སོགས་མི་ཉུང་བ་ཞིག་སྤེལ་ཟིན།
གཅིག གློག་ཀླད་དྲ་བའི་སྡོམ་རྩིས་རེའུ་མིག
སྡོན་རྩིས་མ་ལག་ནས་བྱུང་བ་ལས་རང་གིས་བགྲང་བ་མིན།
(统计开通日期：2015-03-04)
PV | IP | 独立访客 | 百度爬虫 | Google爬虫 | 其他爬虫 | |
|---|---|---|---|---|---|---|
| 今日 | 232 | 105 | 114 | 6 | 1 | 57 |
| 昨日 | 562 | 174 | 277 | 24 | 1 | 154 |
| 最近30日平均 | 447 | 144 | 183 | 22 | 12 | 238 |
| 历史累计 | 205811 | 50316 | 86824 | 4758 | 8806 | 55384 |
གཉིས། ཁ་པར་དྲ་བའི་སྡོམ་རྩིས་རེའུ་མིག
སྡོན་རྩིས་མ་ལག་ནས་བྱུང་བ་ལས་རང་གིས་བགྲང་བ་མིན།
(统计开通日期：2015-03-04)
| PV | IP | 独立访客 | 百度爬虫 | Google爬虫 | 其他爬虫 | |
|---|---|---|---|---|---|---|
| 今日 | 12 | 9 | 12 | 1 | 0 | 0 |
| 昨日 | 54 | 22 | 42 | 1 | 2 | 5 |
| 最近30日平均 | 33 | 18 | 23 | 2 | 0 | 3 |
| 历史累计 | 15010 | 6601 | 8128 | 161 | 4442 | 141 |
གཉིས་པ། 2016ལོའི་དྲ་སྒྲུབ་བླང་བྱ།
2016ལོར་བོད་ཀྱི་ཡིག་གཟུགས་དྲ་བས་གོམས་གང་མདུན་སྤོས་ཀྱི་སྒོ་ནས་དྲ་ཚིགས་འཐུས་སྒོ་ཇེ་ཚང་དང་ནང་དོན་ཇེ་བཟང་ཇེ་རྒྱས་སུ་གཏོང་ཆེད། གཏན་འབེབས་བྱས་བའི་བསམ་བློའི་སྲོག་ཤིང་ནི་ཡིག་གཟུགས་ཀྱི་ཐད་ནས་རྒྱུད་ལྡན་ཡིག་གཟུགས་རྨང་གཞི་བྱས་བའི་སྲོལ་རྒྱུན་ཡིག་གཟུགས་དང་། གསར་གཏོད་རང་བཞིན་ངེས་ཅན་ལྡན་པའི་སྒྱུ་རྩལ་བརྩམས་ཆོས་གནད་དུ་བཟུང་ཐོག ཡིག་གཟུགས་ཀྱི་རྒྱུ་སྤུས་གཙོ་བོར་འཛིན་པའི་བྱེད་ཕྱོགས་རྒྱུན་འཁྱོངས་བྱ་རྒྱུ་དང་། ནང་དོན་གྱི་ཐད་ལ་དཔེ་མཚོན་རང་བཞིན། སློབ་སྟོན་རང་བཞིན། སྐུལ་ཁྲིད་རང་བཞིན་ངེས་ཅན་ལྡན་པའི་བརྩམས་ཆོས་གཙོ་བོར་འཛིན་རྒྱུ་མ་ཟད། ཕྱི་རབས་བྲིས་པ་སྐྱེད་བསྲིང་ལ་ཁ་ཕྱོགས་པའི་སློབ་རའི་ཡིག་གཟུགས་བྱ་འགུལ་དང་སློབ་མའི་བརྩམས་ཆོས། དགེ་རྒན་ཕུལ་བྱུང་ཅན་ངོ་སྦྲོད་དང་སློབ་མའི་འབྲི་སྦྱོང་གནས་ཚུལ་དངོས་བྲིས་སོགས་ལ་ཤུགས་སྣོན་བྱ་རྒྱུ། གཞན་ད་དུང་ལོ་གསར་བའི་ནང་དྲ་ཐོག་བོད་ཀྱི་ཡིག་གཟུགས་འགྲན་སྡུར་དང་དྲ་ཐོག་བརྩམས་ཆོས་འགྲེམ་འཚོང་ལ་རྒྱུད་ལམ་འཚོལ་ཞིབ་དང་ལས་གཞི་བསྔོག་འདོན་བཅས་བྱ་རྒྱའི་འཆར་གཞི་བཀོད་ཡོད།
མདོར་ན། བོད་ཀྱི་ཡིག་གཟུགས་དྲ་བས་ཡིད་ཆེས་དང་སྤོབས་པ་ཆེར་བསྐྱེད་སྒོས་མ་འོངས་བར་མདུན་སྐྱོད་ཀྱི་གོམས་ཁ་བསྒྱུར་ངེས་ཡིན་པས། རྒྱ་ཆེའི་བོད་རིགས་སྤུན་ཟླ་ཡོངས་དང་ལྷག་དོན་བོད་ཀྱི་ཡིག་གཟུགས་ཐད་གྲུབ་འབྲས་མི་དམན་པ་ཐོབ་པའི་ཡིག་མཁན་མཁས་པ་ཡོངས། བོད་ཀྱི་ཡིག་གཟུགས་འབྲི་སྦྱོང་ལ་བརྩོན་པ་བྱེད་བཞིན་པའི་བློ་གསལ་སློབ་མ་ཡོངས་ཀྱིས་བོད་ཀྱི་ཡིག་གཟུགས་དྲ་བར་རྒྱབ་སྐྱོར་དང་ཐུགས་ཁུར་གནང་བར་བོད་ཀྱི་ཡིག་གཟུགས་དྲ་བས་ལྷག་བསམ་རྣམ་པར་དག་པའི་སྒོ་ནས་བཀའ་དྲིན་ཆེ་ཞུ་བ་དང་ལྷན་མ་འོངས་བར་མུ་མཐུད་དུ་ང་ཚོ་ཐུན་མོང་གི་དྲ་ཚིགས་འདི་ལ་ཐུགས་ཁུར་དང་རྒྱབ་སྐྱོར་ཕངས་མེད་གནང་བའི་རེ་འདུན་སྙིང་ནས་ཞུ་ཞུ།
|
|
