དང་པོ། བྱ་འགུལ་གནས་ཚུལ་མདོར་བསྡུས།
སྤྱི་ཟླ1པོའི་ཚེས20ཉིན།རྨ་ལྷོ་ཁུལ་མང་ཚོགས་སྒྱུ་རྩལ་ཁང་དང་རེབ་གོང་ཤེས་རིག་གླིང་གཉིས་ཀྱིས་རང་རེའི་བོད་ཀྱི་སྲོལ་རྒྱུན་ཡིག་གཟུགས་སྒྱུ་རྩལ་གྱི་རིག་གནས་འཛིན་སྐྱོང་སྤེལ་གསུམ་ལ་དམིགས་ཏེ། རེབ་གོང་ཤེས་རིག་གླིང་དུ་སྐབས་དང་པོའི་རྨ་ལྷོ་ཁུལ་གྱི་བོད་ཀྱི་ཡིག་གཟུགས་འགྲེམ་སྟོན་དང་ཟབ་སྦྱོང་འཛིན་གྲྭ་བསྡུས་པ་རེད།
ཐེངས་འདིའི་ཚོགས་འདུར་རྨ་ལྷོ་ཁུལ་མང་ཚོགས་སྒྱུ་རྩལ་ཁང་གི་འགོ་གཙོ་བཀྲ་ཤིས་དོན་གྲུབ་ཀྱིས་འགོ་འཛིན་གནང་ཞིང་། རྨ་ལྷོ་ཁུལ་རིག་གནས་ལུས་རྩལ་རྒྱང་སྒྲོག་བརྙན་འཕྲིན་ཅུའུ་ཡི་འགོ་གཙོ་ལྷ་ལུང་དོན་གྲུབ་ཀྱིས་ཤིས་ཚིག་ཕུལ།
ཚོགས་འདུའི་སྟེང་ཁུལ་རིམ་པའི་དམངས་ཁྲོད་ལག་ཤེས་པའི་སློབ་དཔོན་ཆེན་མོ་འདན་སྤྲུལ་དགེ་འདུན་དབང་ཕྱུག་དང་། རོང་བོ་དགོན་པའི་དགེ་བཤེས། བོད་ཡིག་ཡིག་གཟུགས་ཆེད་མཁས་པ་ལྕང་སྐྱའི་དགེ་འདུན་བཀྲ་ཤིས། 《སྦྲང་ཆར》རྩོམ་སྒྲིག་ཁང་གི་རྩོམ་སྒྲིག་པ་ཟུར་བ་རྒན་བསྟན་གོ རྩེ་ཁོག་རྗོང་སྲིད་གྲོས་ཀྱི་ཀྲུའུ་ཞི་གཞོན་པ་ཟུར་བ་རྒན་པདྨ་བདུད་འདུལ། ཐུན་རིན་རྫོང་དབྱི་ཧྥི་མི་རིགས་སློབ་འབྲིང་གི་སློབ་གཙོ་ཟུར་བ་རྒན་མཁར་བྱམས་སོགས་ས་གནས་ཀྱི་བྲིས་པ་སྐོར་ཞུགས་གདན་ཞུ་གནང་ཡོད་པ་རེད།
ཐེངས་འདིའི་ཡིག་གཟུགས་འགྲེམས་སྟོན་དང་ཟབ་སྦྱོང་གི་འཚོགས་ཡུན་ཉིན་བཞི་ཡིན་ལ། ཚེས20ནས21ཉིན་བར་ལ། ཡིག་གཟུགས་འགྲེམས་སྟོན་དང་རོལ་མྱོང་། བགྲོ་གླེང་། ཡུལ་དངོས་ནས་ཡིག་གཟུགས་འབྲི་བ། ཡིག་གཟུགས་བརྩམས་ཆོས་ལ་བྱ་དགའ་གནང་བའི་ལས་རིམ་བཀོད་སྒྲིག་དང་། ཚེས22ནས23ཉིན་ལ། རྒན་བསྟན་གོ་དང་རྒན་པདྨ་བདུད་འདུལ། རྒན་མཁར་བྱམས། རྒན་ཤ་བོ་ཁྱི་ཐར། རྒན་ལྕང་སྐྱའི་དགེ་འདུན་བཀྲ་ཤིས་བཅས་ཀྱིས་ཡིག་གཟུགས་སྐོར་གྱི་ཟབ་སྦྱོང་གནང་བའི་ལས་རིམ་བཀོད་སྒྲིག་བྱས་ཡོད་པ་རེད།
གཉིས་པ། བྱ་འགུལ་ཀྱི་བརྩམས་ཆོས་འགྲེམ་སྟོན་གནས་ཚུལ།
གསལ་བཤད། བརྩམས་ཆོས་ཀྱི་སྔ་ཕྱི་གོ་རིམ་ལ་ཁྱད་པར་མེད།
|
|
