༄༅།།ཀུན་གཟིགས་པན་ཆེན་སྣང་བ་མཐའ་ཡས་དགོངས་པ་ཆོས་དབྱིངས་སུ་འཐིམ་པར་རྗེས་དྲན་གྱི་ཡིག་གཟུགས་འགྲེམ་སྟོན།

       རབ་གནས་ཤིང་ལུག་ལོའི་ཟླ12ཚེས་21ཉིན་ནི་ཀུན་གཟིགས་པན་ཆེན་སྣང་བ་མཐའ་ཡས་འོད་སྟོང་ཕྱོགས་ལས་རྣམ་རྒྱལ་སྐུ་ཕྲེང་བཅུ་བ་མཆོག་གི་དགོངས་པ་ཆོས་དབྱིངས་སུ་འཐིམ་པའི་སྐབས་ཉེར་བདུན་པའི་རྗེས་དྲན་ཉིན་མོ་ཡིན་པས།  བོད་ཀྱི་ཡིག་གཟུགས་དྲ་བས་ཆེད་དུ་སྐབས་ཉེར་བདུན་པའི་རྗེས་དྲན་གྱི་ཉིན་མོ་མདོ་དབུས་ཁམས་གསུམ་གྱི་བྲིས་པ་དག་གི་པུར་རྩལ་ལས་ཐོན་པའི་རྗེས་དྲན་ཡིག་གཟུགས་བརྩམས་ཆོས་དག་ཆེད་སྒྲིག་ལེ་ཚན་དུ་འགྲེམ་སྟོན་གྱི་བྱ་འགུལ་སྤེལ་རྒྱུ་ཡིན་པས་བྲིས་པ་གསར་རྙིང་དང་རྒན་དར་གཞོན་གསུམ་ཀུན་གྱིས་དུས་ཚོད་དམ་འཛིན་དང་།བྱ་བ་གཙིགས་འཛིན་བྱས་ནས་ཐེངས་འདིའི་རྗེས་དྲན་བྱ་འགུལ་ལ་ཞུགས་རྒྱུ་མ་ཟད།  རང་གི་བྲིས་རྩལ་མཐོར་འདེགས་སམ།   ཕྱི་རབས་བྲིས་པར་སློབ་སྦྱོང་གི་མིག་དཔེ་ཤིག་གི་ཚུལ་ཏུ་པན་ཆེན་རིན་པོ་ཆེའི་དགོངས་རྫོགས་རྗེས་དྲན་བརྗོད་སྙིང་དུ་བཟུང་ནས་ནང་དོན་ལེགས་ལ་བྲིས་རྒྱུན་དག་པའི་ཡིག་གཟུགས་བརྩམས་ཆོས་ཅི་འབྱོར་རེ་དྲ་ཚིགས་ཡིག་སྒམ་མམ་སྐད་འཕྲིན་གྱི་ལམ་ནས་མ་ཡིག་གི་རྣམ་པའི་སྟེང་ནས་ལུགས་རྙིང་གི་ཟླ་12ཚེས་20ཉིན་གྱི་ཕྱི་དྲོ་ཆུ་ཚོད་དྲུག་གི་སྔོན་ལ་བསྐུར་རྒྱུ་ཐུགས་འཇགས་འཚལ།

       གཞན་བརྩམས་ཆོས་རེ་རེའི་མཇུག་ཏུ་བྲིས་པ་རང་གི་མིང་དང་ཟླ་ཚེས་འགོད་རོགས་ཞུ།