དང་པོ། གངས་རི་བཅའ་སྡོད་སློབ་གྲྭའི་གནས་ཚུལ་མཚམས་སྦྱོར།
མགོ་ལོག་ཁུལ་རྨ་ཆེན་རྫོང་གངས་རི་བཅའ་སྡོད་སློབ་ཆུང་ནི༡༩༦༤ལོར་ཁ་བ་བོད་པའི་ཡུལ་ལྷ་གཉན་པོ་སྲིད་པའི་ལྷ་རྒན་བཅུ་ཡི་ཡ་གྱལ་ཤར་གྱི་རྨ་རྒྱལ་སྤོམ་རའི་གཡོན་ཟུར་ཏེ།ཡུལ་མིང་ལ་ག་ཚ་ཞེས་པའི་ལུང་མདའ་རུ་སྦྲ་གུར་སློབ་གྲྭའི་རྣམ་པའི་ཚུལ་ནས་གསར་དུ་ཚུགས་ཤིང་། དགེ་རྒན་གཅིག་གི་གཅེས་སྐྱོང་དང་ཐུགས་ཁུར་འོག་ནས་སློབ་བུ་བཅུ་ལྷག་ཅིག་གི་རྣམ་དཔྱོད་ཀྱི་གོམ་ཁའང་རིག་པའི་སྤང་ཐང་དུ་སྒྱུར་མགོ་བརྩམས་ལ། སྤྱི་ལོ་༡༩༧༤ལོར་ཡུལ་དེ་ནས་གནས་སྤར་ཏེ་གཡུ་བཟང་ཐང་གི་གཤམ་འོག་ཏུ་རྒྱལ་ཁབ་རིམ་པའི་རྩ་འཛུགས་དང་མཐུན་རྐྱེན་ལ་བརྟེན་ནས་གསར་དུ་བཙུགས་ཏེ་གངས་རི་བོད་ཡིག་བཅའ་སྡོད་སློབ་ཆུང་ཞེས་པའི་མིང་བྱང་ཐོག་མར་གནང་།
དགེ་སློབ་ཡོངས་ནས་མི་རིགས་སློབ་གསོ་དང་སྤྱི་ཚོགས་རིང་ལུགས་ཀྱི་སློབ་སྒྲུབ་ཁ་ཕྱོགས་རྒྱུན་འཁྱོངས་དང་། ཕྱོགས་ཡོངས་ནས་ཚན་རིག་གི་འཕེལ་རྒྱས་ལྟ་བ་དངོས་འབེབས་བྱེད་པ། མི་གཞི་ལེགས་ལ་བྱང་ཚད་ལྡན་པའི་སློབ་གསོ་འཕེལ་རྒྱས་དང་མངོན་འགྱུར་བྱེད་པ་དམིགས་འབེན་དུ་བཟུང་སྟེ། དམངས་གཙོ་འཆམ་མཐུན། བདེན་དྲང་ཡར་ཐོན་བཅས་ནི་ངེད་ཅག་གི་སློབ་སྒྲུབ་འདུ་ཤེས་ཡིན་ལ། ཏན་ཏིག་གཟབ་ནན། གསར་གཏོད་གོང་སྤེལ་བཞི་ནི་ང་ཚོའི་སློབ་ཁྲིད་བསམ་ཕྱོགས་སུ་ཆགས་ཤིང་། མཐུན་སྒྲིལ་ཆེ་ལ། ཡ་རབས་ཚུལ་ལྡན། བསྔོགས་འདོན་ནུས་ལ་གསར་གཏོད་ཕོད་པ་སོགས་སློབ་གྲྭའི་གདམ་ཚིག་ཏུ་བྱས་ཐོག སློབ་ལ་སྤྲོ་ཞིང་བསམ་གཞིག་ནུས་པ་ཡང་དག་འཚོལ་ཏེ་ཡར་ཐོན་སྙེག་པ་བཅས་ཀྱི་སློབ་སྲོལ་རྒྱུན་འཁྱོངས་བྱས་ནས་སློབ་མ་འཕེལ་རྒྱས་དང་། དགེ་རྒན་འཕེལ་རྒྱས། སློབ་གྲྭ་འཕེལ་རྒྱས་གཏོང་བར་ཧུར་བརྩོན་བྱས་ཏེ། ཁྱིམ་བདག་ཚོའི་སེམས་བདེ་ལ། སློབ་མའི་ཡིད་སྤྲོ་བ། སྤྱི་ཚོགས་ཀྱི་འཕེལ་འགྲོས་དང་མཐུན་པའི་ཚད་ལྡན་གྱི་མི་རིགས་སློབ་གྲྭ་ཞིག་ཏུ་གྱུར་ཡོད་ལ། ལོ་ངོ་བཅུ་ཕྲག་ལྷག་གི་དཀའ་སྤྱད་འབད་བརྩོན་གྱི་གྲུབ་འབྲས་ལས་ཁུལ་རིམ་པ་དང་རྫོང་རིམ་པའི་སྔོན་ཐོན་ལས་ཁུངས་ཀྱི་གྲས་སུ་ཚུད་པ་དང་། ད་ལྟའི་བར་དུ་གངས་རི་སློབ་གྲྭས་ཤེས་ཡོན་གཉིས་ལྡན་གྱི་སློབ་མ་བརྒྱ་ཕྲག་མང་པོོ་ཞིག་སྐྱེད་སྲིང་བྱས་ཡོད། སྒོས་སུ་ད་ལོ་སྟེ༢༠༡༥ལོའི་ཁུལ་རིམ་པའི་སློབ་གསོའི་ལྟ་ཞིབ་ཆེན་མོའི་མཉམ་རྒྱུགས་ཁྲོད། ངེད་གངས་རི་བོད་ཡིག་སློབ་གྲྭ་ཁུལ་ཡོངས་ཀྱི་གཞི་རིམ་སློབ་གྲྭའི་ཁྲོད་ཨང་གསུམ་པ་དང་རྨ་ཆེན་རྫོང་ལས་ཨང་དང་པོའི་གྲུབ་འབྲས་ཐོབ།
གཉིས་པ། སློབ་གྲྭས་བོད་ཀྱི་རྒྱུད་ལྡན་ཡིག་གཟུགས་འཛིན་སྐྱོང་སྤེལ་གསུམལ་བརྩོན་པའི་གནས་ཚུལ།
གངས་རི་བཅའ་སྡོད་སློབ་གྲྭས་བོད་ཀྱི་རིག་གནས་ཆེ་བ་ལྔའི་ནང་གསེས་ཁུངས་ལྡན་ཡིག་གཟུགས་ཀྱི་བྲིས་རྒྱུན་དར་སྤེལ་ལ་དམིགས་ནས། བོད་ཀྱི་ཡིག་མཁན་རིག་སྨོན་བསམ་གཏན་རྒྱ་མཚོ་ལགས་（རྒན་རིག་སྨོན་བསམ་གཏན་རྒྱ་མཚོའི་ལོ་རྒྱུས་སོགས་ཀྱི་གནས་ཚུལ་བོད་ཀྱི་ཡིག་གཟུགས་དྲ་བའི་ལེ་ཚན་གཞན་ནས་རྟོགས་པར་བྱ）གདན་དྲངས་ཏེ་དགེ་སློབ་གཉིས་ལ་ཁ་གཏད་དེ་དུས་ཡུན་ཐུང་བའི་གསབ་སྦྱོང་བྱ་འགུལ་སྤེལ། ཉིན་ཉི་ཤུའི་རིང་ལ་ཁོང་གིས་འབད་བརྩོན་ལྷོད་མེད་དང་གཟབ་ནན་ཞིབ་ཚགས་ཀྱིས་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་ཡིག་གཟུགས་འཁྲིད་ཐབས་ཏེ་སྦྱང་ཤིང་གཙོ་བོར་བཟུང་ནས། དགེ་རྒན༡༥ལྷག་ལ་དབུས་བྲིས་ཚུགས་རིང་དང་། ལོ་རིམ་དང་པོ་ནས་ལྔ་བའི་བར་གྱི་སློབ་མ༡༡༤ལ་དབུས་བྲིས་ཚུགས་རིང་དང་དབུ་ཅན་སྨྱུག་རིས་ཀྱི་དཔེ་ཁྲིད་གནང་ནས་གྲུབ་འབྲས་མངོན་གསལ་ལེན་ཅིང་མཆིས།
ཐེངས་འདིའི་གདན་ཞུའི་ཡིག་གཟུགས་དགེ་རྒན།
གསུམ་པ། དགེ་རྒན་རྣམས་ལ་ཡིག་གཟུགས་ཁྲིད་པའི་གནས་ཚུལ་འདྲ་པར།
བཞི། སློབ་མ་རྣམས་ལ་ཡིག་གཟུགས་དཔེ་ཁྲིད་བཞིན་པའི་གནས་ཚུལ་འདྲ་པར།
བཞི་བ། ཐེངས་འདིའི་གསོ་སྦྱོང་གི་ཡུལ་དངོས་འདྲ་པར་ཁག་ཅིག
གསོ་སྦྱོང་གི་སྐབས་སུ་སྤྱོད་བཞིན་པའི་ཡིག་གཟུགས་ཀ་དཔེ།
གསོ་སྦྱོང་སྐབས་ཆེད་དུ་བཟོས་པའི་སྦྱང་ཤིང་།
ཡིག་གཟུགས་དཔེ་ཁྲིད་ཡུལ་དངོས།
ཡིག་ཆས་གཅེས་ནོར་ཏེ་སྣག་བུམ་འཛིན་སྟངས་སོགས་ལ་སློབ་ཁྲིད་བྱེད་བཞིན་པ།
སྦྱང་ཤིང་གི་ཕན་ཡོན་དང་སྤྱོད་སྟངས། ཐིག་འདེབས་ལུགས་སོགས་དཔེ་ཁྲིད་གནང་བཞིན་པ།
ཡིག་གཟུགས་ཀྱི་ཀ་དཔེ་སྐོར་ལ་གསུངས་བཤད་གནང་བཞིན་པ།
|
|
