གསར་འགྱུར། 新闻中心སྤྱི་བསྒྲགས།公告ས་ཁུལ་འགྲེམ་སྟོན་ཁང་།地区展厅ཐུན་མོང་འགྲེམ་སྟོན་ཁང་།集体展厅ཆེད་མཁས།书坛名家ཡིག་མཁན།书坛达人ཡིག་བྲིས་པ།书坛新秀གངས་ལྗོངས་བུ་མོའི་ཡིག་གཟུགས།雪域女性展厅སློབ་རའི་འགྲེམ་སྟོན་ཁང་།校园展厅འགྲན་ཞུགས་ཁང་།参赛厅གནའ་དཔེ་ཉར་ཚགས།古籍收藏ཡིག་གཟུགས་སྒྱུ་རྩལ།书法艺术ཤེས་བྱའི་ཟེགས་མ།书法常识དཔྱད་རྩོམ།  论  文བརྙན་གཟུགས་དཔེ་ཁྲིད།视频教程འཆད་ཁྲིད་དོ་ར།书法讲堂ཡིག་གཟུགས་མ་ཕྱི། 字帖བསླབ་དེབ།学习资料སྡེ་ཁག་འོས་སྦྱོར།团体推介གནའ་ཉེ་རབས་ཡིག་མཁན།古近代名家དེང་རབས་ཡིག་མཁན།现代名家

༄༅།།སྣག་ཚའི་རྒྱུ་དགུ་ལས་རྒྱུན་སྤྱོད་སྣག་ཚ་འགའ་ཞིག་བྱེད་ཐབས་བྱེ་བྲག་ཏུ་བཤད་པ །

2015-03-12 17:25浏览数:300 

དང་པོ།  དྲེག་པ་ལས་སྦྱར་ཚུལ་ནི།  སྣུམ་ནག་གི་དྲེག་པ་བོངས་ཆེ་བར་འོང་ཡང་འདུལ་དཀའ། ཀྱི་ལྕེའི་དྲེག་པ་འདུལ་སླ་ལེགས་ཀྱང་འོད་ཆུང་།  ཤིང་དྲེད་ལེགས་ལ་བོངས་ཆེ།  དམར་ཆེན་རྩེའི་དྲེག་པ་མདོག་ལེགས་བོངས་ཆེ་འདུལ་སླ་ཡང་རུལ་རྐྱེན།  དེའི་ཕྱིར་དགུན་དུས་དམར་ཆེན་རྩེ་དྲག་དང་།   ཡང་ན་སྣུམ་དྲེག་ཀྱི་ལྕེའི་དྲེག་པར་མཉམ་སྦྱར་ན་མདོག་ལེགས་འདུལ་སླ་བོངས་ཆེ་བའི་དགོས་པ་ཡོད།  དེ་ལ་མཐིང་ཀ་འདོད་ན་རམ་གྱི་ཁ་ཆུ་ནག་པོ་དང་སྤྱི་བཞུར་ཁུ་བ།  སྔོ་སྐྱ་འདོད་ན་སྤྱི་བཞུར་ཁུ་བ་ཁོ་ན་དངུལ་མདོག་འབྲས་དཀར་དང་མ་ནུ་རུ་རྟའི་ཁུ་བ་ཆ་མཉམ་མང་དུ་བཏང་སྟེ་ཡུན་རིང་ཉི་མར་བཉེས་པས་འོང་། དམར་མདངས་འཚེར་བར་འདོད་ན།  སྣུམ་ཐག་ཆོད་ཁུར་གཙོད་ཁྲག་སྦངས་པའི་དྭངས་མ་ཅུང་ཟད་བཏང་ནས་མེ་ལ་མི་བརྟེན་པར་ཉི་མར་བཉེས་པས་འོང་།  ཤིན་ཏུ་གནག་ཅིང་འོད་ཆེ་བར་འདོད་ན།  ལ་ཆུ་ཅུང་ཟད་བཏང་སྟེ་ཆུ་གྲང་མི་བླུགས་པར་དྲོད་ཁོ་ནར་བརྟེན་པས་འོང་།  དེ་རྣམས་གང་བྱེད་ཀྱང་མ་ནུ་རུ་རྟའི་ཁུ་བ་བཏང་བས་འཇམ་ལ་རྨེ་བའི་གནད་ཡོད་དོ།   དམ་གྱི་སྤྱི་ཆུའི་ཚབ་འབྲས་ཁུ་ཉག་གཅིག་གིས་བྱས་ན་འདྲེན་བདེ་སྐམ་མགྱོགས་དབྱར་མི་རུལ་ལོ། སུག་ཆུ་དྭངས་མ་དང་སྤྱིན་ཆུ་ཅུང་ཟད་བཏང་ན་འོད་ཆེ།  སྤྱིར་ཡུན་རུང་དུ་མཉེས་པ་དང་།  མཉེ་དུས་སྐོར་ཕྱོགས་ངེས་མེད་དུ་བྱས་ན་མི་འཆད་པ་འདྲེན་བདེ་ལ་གནག་སྙིག་ཉུང་།  འོད་ཆེ་བའི་གནད་ཡོད་དོ།

གཉིས་པ།   མེ་ཏོག་ལས་བཟོ་ཚུལ།  སྣུམ་གྱི་མར་མེའི་རྩེར་ཆགས་པའི་དྲེག་པ་ནག་པོའི་མེ་ཏོག་གི་སྣུམ་དྲེག་དང་འདྲ།  མེ་ཏོག་གཞན་འབྲས་ཁུར་ཧ་ལོ་སྨུག་པོ་དང་རྒྱ་ལྕམ་མེ་ཏོག་གཉིས་སོ་སོར་སྦང་ལ་ནག་པོར་གྱུར་པ་དང་ལྷན་གཅིག་བསྲེ།   དེ་ལ་ཚོས་ཁུ་དང་།  མཚུར་ནག་ར་ཁྲག་ཅུང་ཟད་བཏང་ནས་བྲིས་པས།  དང་པོར་སྣག་ཚ་འཆིང་ཁ་སླ་འདྲེན་བདེ་བ་ཞིག་འབྱུང་།  བྲིས་ཟིན་ནས་ལོ་རེ་བཞིན་གསུབ་འགྲོ།

གསུམ་པ།  ས་ལས་བྱེད་ཚུལ་ནི།  ས་སྨྱུག་ཤིན་ཏུ་སྤྱིན་ཆ་གསུམ།། ཞིབ་ཟིན་ཆ་གཐིག་བསྲེས་ལ་གོང་ལྟར་བྱ།  སྐམ་ཐག་ཚད་པ་དང་མེ་ལ་བཙན་བསྲེག་བྱ། དམར་པོར་སོང་བ་དང་།  དེ་འཕྲལ་གཏུན་ཁུང་མེ་ཐུལ་ཀྱི་ནང་དུ་མཉེས་ནས་ཅུང་ཟད་དྲོ་བ་དེ་ལ་ཉེ་ཤིང་མ་ནི་དྭངས་མ་ཅུང་ཟད་དང་།  སྤྱིན་ཆུ་བླུག་ལ་ཆུ་ཡོད་ཚེ་མཆོག་ཏུ་བཟང་།  མེད་ནའང་ཡུན་རིང་མཉེས་པས་མདོག་ནག་བོངས་ཆེ།  རྩེ་འཐུབ་ཞལ་བ་ཐབ་ཚང་དང་ཐབ་ཁ་ལ་བྱུག་པའི་སྣག་ཚ་མཆོག་ཡིན་ནོ།།

བཞི་པ།  ཕ་བ་སྒོ་སྒོ་ལས་བྱེད་པ་ནི།  བ་མོ་དུ་གོལ་ཡང་ཟེར།   དེ་སྐྱེས་བྲལ་གྱི་ཁྲེས་པོ་ཐུས་ལ།  མེ་ལ་བཙན་བསྲེག་བྱ།  དམར་ཏིང་ངེ་བ་དེ་ཆུ་ལ་བསྐྱུར།  དེ་བཏོན་ནས་གཏུན་ཁུང་དུ་བཉེས།  སྐམ་ཐག་ཆོད་ནས་བརྔོས་ལ་ཉེ་ཤིང་མའི་ཁུ་བ་དང་སྤྱིན་ཆུ་བླུགས།  ཡུན་རིང་བཉེས་པས་མདོག་ནག་བོངས་ཆེ་བ་འོང་སྟེ།  འདི་ཀོ་ནག་ལ་བྱུག་པའི་འོས་ཡིན་ནོ།།

ལྔ་པ།  ལྕི་བ་ལས་བཟོ་ན།  བ་ལང་གི་ལྕི་བ་སེར་ཀ་མ་བཏུས།   དེ་ཡང་སྔ་ལྕི་སེར་ཁ་ན་ཡིན་ན་བཟང་། དེ་མེར་བསྲེགས་དམར་པོར་སོང་དུས་ཆུ་ལ་བསྐྱུར་ནས་བཏོན།  དེ་ནས་ཞིབ་ཟན་མཐིབ་ཀྱུ་སྐམ་པོ་བསྲེག་པ་ཆུར་བསྒྱུར་པ་ཅུང་ཟད་བསྲེས་ཏེ།  གཏུན་དུ་བསྒྱུར་ཚུལ་གོང་ལྟར་བྱས་པས་མདོག་ཤིན་ཏུ་གནག་པ་འོང་སྟེ་རྩི་བྱ་བར་འོས་སོ།།

དྲུག་པ།  སེར་ཤ་ལས་བྱེད་ཚུལ།  དབྱར་གྱི་སེར་ཤ་ལས་བྱེད་ཐབས་ཡོད་ཀྱང་ཆད་སླད་འཛུད་ཅེས་དཔེ་ལྟར་རོ།

བདུན་པ།  ཙི་དྲ་ཀའི་འབྲས་བུ་སྨིན་པ་དེ།  རློན་པ་ཡིན་ན་ཁབ་ཀྱིས་བཙེག་པའི་ཁུ་བ་ལྕགས་སྣོད་དུ་བླངས།  སྐམ་པོ་ཡིན་ན་ཆོལ་ཙམ་བརྡུང་ལ་ལྕགས་སྣོད་དུ་ཆུར་སྦངས།  ཉི་མར་འདུལ་བས་ཁུ་བ་སྨུག་ནག་འབྱུང་བ་ལ། ཐར་ནུ་དང་མཚུར་ནག་གི་ཁུ་བ་དྭངས་མ་བླུགས་ནས་བྲིས་པ་སྣག་ཚ་མཆིན་ཁ་དྲུག་སིང་ངེ་བ་འདྲེན་བདེ་མོ་ཞིག་འབྱུང་།

བརྒྱད།  དུད་འགྲོའི་རྒྱུངས་པ་ཁྲག་དང་རྩ་དང་སྐོག་མེད་པ་གཅིག་ཚོན་ཙམ་རྫ་ཕོར་འཇམ་པོའི་ནང་དུ་བླུགས།   དེ་ལ་གོང་གི་དྲེག་པ་རྣམས་གང་ཡོད་བཏབ་ལ་མཉེ།  ཆུ་འཇམ་ཙམ་བླུག་གར་སླ་རན་པོར་བྱུང་བ་དང་བྲིས་པས།   འདྲེན་བདེ་མོ་རང་མིན་པའི་མདོག་ལེགས་པོ་གཅིག་འོང་།  འདི་མེ་ཉི་མི་ཕོག་པའི་ཞལ་བ་སོགས་ལ་བྱུག་ན་ལེགས།  རྒྱུངས་པ་ཆེ་ན་གོག་འོང་བས་ཚོད་ཟིན་པར་བྱའོ།།

དགུ་པ།  ལ་ཕུག་བརྡར་གསེབ་དྲེག་པ་གང་འདོད་ཅིག་བླུགས།   ལག་པས་མཉེ་ལ་ཆུ་གཙང་ཅུང་ཟད་བླུགས་ཏེ་བཙིར་བས་འཕྲལ་དུ་སྣག་ཚ་འབྱུང་སྟེ་མདོག་ལེགས་རང་མིན་ཡང་འདྲེན་ཤིན་ཏུ་བདེ་བ་གཐིག་འོང་།  ཡུན་རིང་ན་ཅུང་ཟད་ཡལ་འགྲོ་བ་ཡིན།   འཕྲལ་དུ་སྣག་ཚ་དགོས་ན།   འདི་དང་རྒྱུངས་པ་ལས་བྱས་པ་གཉིས་མགྱོགས་སྣག་ཡིན་ཅེས་གསུངས་སོ།།

གོང་གི་སྣག་ཚ་བཟོ་བའི་ཐབས་ལས་འཕྲོས་པའི་མགྱོགས་སྣག་སྦྱར་ཐབས་ལ།  དེང་གི་སྣག་ཆུའི་རིགས་དང་གོང་སྨྲས་རྒྱུངས་པ་སོགས་ཀྱི་མགྱོགས་སྣག་ཡོད་ན་དེར་ཟད།   མ་ཡོད་ན་གང་ཡང་རུང་བའི་སྣག་ཚ་སྣག་བུམ་ནང་དུ་ཆུ་འཇམ་བླུགས་ཏེ་མེར་རན་པར་བསྲོས་ལ་ཚ་ལའི་སྦུ་བ་བླུགས་པས་འབབ་པར་བཤད།   རྒྱ་ནག་པས་ནི་རྡོ་གཞོང་དུ་ཆུ་འཇམ་བླུགས་ཏེ་དབུར་བར་བྱེད་དོ།།  

མདོར་ན་སྣག་རྒྱུ་ངན་པ་དང་།  ཡུན་དུ་མི་གནས་པར་མདངས་ཡལ་ཉེན་ཆེ་བའི་སྣག་གི་རིགས་ཀྱིས་གླེགས་བམ་བྲིས་པ་དང་།   སྣག་དམ་དུ་བྱ་སྒོང་གི་སྤྲི་དང་ཆུ་སེར་དྭངས་མ་ལས་བྱེད་པ་སོགས་འཕྲལ་ལ་བདེ་ཡང་ཡུན་དུ་འཇོག་ན་རུལ་ཉེན་ཆེ་བའི་རིགས་ཀྱི་སྐྱོན་ཅན་སྤངས་ཏེ།  ལོ་གྲངས་ལོན་ཀྱང་མདངས་མི་ཡལ།  རླན་དང་ཕྲད་ཀྱང་འབྱར་འགོས་མེད།   བཀྲག་སྣུམ་འོད་དང་ལྡན་པ་ནི།།  གླེགས་བམ་འབྲི་བའི་སྣག་དམ་མཆོག།  ཅེས་གསུངས་པ་ལྟར་གཟབ་གལ་ཆེའོ།།

དེང་གི་སྣག་ཚ་ལ།   ཤེལ་དམ་དུ་བླུགས་པའི་རྒྱུ་སྣག་གི་ཆུའི་རིགས་དང་།  སོལ་རྒྱུའི་སྣག་ཆུ་ཞེས་རྒྱུ་སོལ་བ་ལས་བསྒྲུབས་པའི་ཁ་དོག་སྣག་དང་ཉེ་བ་དང་།   ཚོན་གྱི་རིགས་ལས་བྱུང་བའི་སྣག་སྐམ་རློན་སྦྱར་མ་སྣ་ཚོགས་པ་དང་།  རིན་གོང་ཆུང་ཞིང་ཐུན་མོང་དུ་སྤྱོད་པའི་སྣག་ཚ་གྲུ་བཞི་ནར་མོ་སྒྲོན་ཤིང་གི་འོད་ལ་སོགས་པར་འབོད་པའི་སྣག་གི་རིགས་མང་ཡང་།  དེ་ཐམས་ཅད་ནི་ཤིང་དང་ལྡུམ་བུ་གཏེར་རྡོ་སོགས་ལས་བླངས་པ་དང་། སོལ་བ་ལས་བྱས་པ་དང་།  ཡང་ན་ཤིང་སྣ་ཚོགས་ཀྱི་པགས་པ་དང་།  འབྲུ་སྣུམ་དང་ཚིལ་གྱི་སྙིགས་མ་།  གསོམ་ཤིང་དང་རྡོ་སྣུམ་གྱི་སྙིགས་མའི་དུད་དྲེག་སོགས་ལས་བཟོས་པ་ཡིན་པས་གླེགས་བམ་འབྲི་བར་མི་འོས་ལ།  དེང་གི་སྣག་ཚ་ཚད་ལྡན་ནི་ཀྲུང་གོའི་རི་མོ་ཞེས་སྣག་ཆུའི་རི་མོར་སྤྱོད་པའི་མདོག་གནག་སྣུམ་ཅན།  དྲི་བཟང་པོ།  ཤོག་བསེ་དང་གོས་ཀྱི་ཤུབས་དང་བཅས་པའི་སྟེང་དུ་རི་མོ་དང་གསེར་ཡིག་བཀོད་ལེགས་རིན་ཐང་ཆེ་བ་དེ་ཡིན་ལ།   རྒྱུ་བོད་དང་མཚུངས་པའི་རབ་སྣུམ་དྲེག་དང་།  འབྲིང་སྒྲོན་ཤིང་གཉིས་ལས་ལྷག་པ་མེད།   དེ་ཉོ་བར་འདོད་ན་རྒྱ་ནག་གི་གྲོང་ཁྱེར་ཆེན་པོ་གྲས་ཀྱི་ཀྲུང་གོའི་རི་མོའི་སྤྱོད་ཆས་ཀྱི་ཚོང་ཁང་དུ་ཡོད་ལ།  སྤྱིར་བཏང་གི་ཚོང་ཁང་དུ་རྙེད་པ་མ་ཡིན་ནོ།།

会员登录
登录
我的资料
留言
回到顶部